هل السنة التحضيرية صعبة ؟؟؟؟؟؟؟؟؟

[عاشقة الرياضيات]

يا اخوي انت تشوش على نفسك بذي الاسئلة

رح تسمع كلام يحطم بس اللي يبغى شيء يقدر يوصل ليه

بتوفيق الله ثم بمجهوده لان ربي ما يضيع تعب احد ابد

لكن لازم تستغل ها الصيف في شيء يفيدك

وبالتوفيق للجمـــــــــــــــــيع ..........

[فيزيائي بحت]

المشاركة الأصلية كتبت بواسطة nono_88 هذا لو جاب ف كل مواد a+ وجاب في الحاسب a الافضل انو يعادل بس لوعنده ماده فرضا b الa حقت الحاسب ماحترفع له المعدل اكيد حترفع وانا وضحت ذا الكلام في ردي حسب شطارته في المواد الثانيه لانو انا كنت بعادل الماده والحمد لله ماعادلتها وجبت فيها a والانقلش جبت فيb فالa حقت الحاسب رفعتلي المعدل اتمنى انو فكرتي وضحت

أي مادة راح تتعادل ماراح تدخل بالمعدل وأنا محول من جامعة اخرى إلى عزوز والمواد الي عادلتها ما دخلت المعدل ومن ضمنها الحاسب والمعدل تصفر 0.00

تقبل ودي ....

[sil--ver]

أخوي نايف طبعا جدة أفضل
والسنة التحضيرية ماهي صعبة مرة
وأنا مجربها والحمدلله خشية الهندسة
والنسب تتغير من سنة لسنة
وإنت في الإجازة حاول تتعلم إنجليزي
لانها المشكلة الوحيدة في السنة التحضيرية
والله يوفقك وتصير مهندس

[thats me..nasser]

انا نصيحتي لكل طالب ثانوي اذا جاته السنه التحضيريه في الملك عبدالعزيز لا يتردد والله يوفقه .. بس بشرط انه يضمنلي انو ما يحمل ولا ماده..


انا والله والله والله كن بامكاني اجيب الطب لكن تعرفو الفلله ومدري ايش..
وكمان المحاضرات ما كنت احضرها..

وكمان وصل الغياب عندي من بعد الدوري الثاني ( يعني 3 اسابيع بس ) في الانقلش 17 غياب ..

وكمان انا ما كنت اذاكر الا ليلة ااختبار ..

بس ما شلت ولا ماااااااااااااااااااااده الي هو الشرط ..

ومع ذلك انقبلت في كلية الهندسه في رابغ وما كان باقيلي عن هندسة جده الا درجه وحده وبس..


صراحه ما اعطيت السنه حقها لكن كلية الهندسه مررررررررره حللوه والحمدلله وبالتوفيق للجميع..

تحياتي..

[ahmed_al0lyan]

اهلا وسهلا فيك في منتدى الجامعه

بكل صراحه السنه صعبه ويبغالك تشد حيلك فيها مضبوووط وانت قدها ان شاء الله

فهدي السنه القبول كان في الهندسه على حسب نسبتك في 4 مواد اللي هيا الرياضيات والفيزياء وانجلش 1 وانجلش 2 يجمعوها مع بعض ويشوفو نسبتها

كانت النسبه لازم فوق 80

وفرع رابغ كان لازم فوق 75

بالنسبه للعلوم الطبيه التطبيقيه لسا ما نزلت

وترى هدي النسب ممكن تختلف واعتقد انها حترتفع في السنه الجايه لأنو الطلاب حيكونو فاهمين كل شي ودرجاتهم حتكون احسن لأنو احنا اول دفعه في هدي السنه وكانت مره صعبه علينا

وبالتوفيق

[dr.hope]

lالسنة هاذي سهلة

بس يبغالها تركيز ومتابعة

وماشاء الله الاخوان افادوك

بالتوفيق لك

:)

[eng. abdu]

هندسة جامعة الملك عبدالعزيز معتمدة اعتماد دولي هيا وجامعة البترول يعني بشهادتك يمديك تتوظف في اي دوله و هندستنا فيها 14 قسم و منها اقسام ما تدرس الا عندنا زي النووية والطبيه والتعدين على مستوى الشرق الاوسط..

اما ام القرى اصلا مهي معتمدة الا في المملكة..

[سارة الحربي]

السنة التحضيرية نهاااااااائيا مو صعبه ..!
كلها معلومات معادده فـ معاده
ممكن حتى تذاكر من ملخصاتك تبع الثانوي ..
ومعلوماتها اسهل من الثانوي كمآن .. تآفهه وربي ..!!!
بس شد حيلك فالمذاكره واحضر كل المحاضرات ..
وذاكر آول بآول ولآ تأجل شي .. !

:

واتوقع جآمعة عبدالعزيز من ناحية الشهادات أفضل
واستخيييييييير قبل اي حآجه

:


بالتوفيق خيي

[سُكر محروق]

ممكن اسأل كمان ؟

أنا خريجة أدبي وخايفة من السنة التحضيرية ..يعني ندرس فيها رياضيات وكيميا وفيزيا :( ؟

ومنجد ندرسها باللغة الإنجليزية ؟

[sweeeeeeeeeeeeeeet]

تدرسي فيها رياضيات واتوقع احصاء بس مره مره مره سهله صحباتي في الادبي جايبين درجات مره كويسه وترا كلووووووووووو بالعربي ومافي فيزيا ولا كيميا
وان شاء الله اكون افدتك