مامعنى هذه المصطلحات (طالب مستجد)

[Abdullah0505]

بسم الله الرحمن الرحيم


إخواني وش معنى كرسي في الجامعة ؟

ألاحظ ان هالكراسي تكون اما باسم مؤسسة او شركة او شخص ذو منصب كبير جدا

يعني مثلا يقولون كرسي أبو جلمبو لأبحاث المسامير والصواميل في المجتمع المعاصر

كرسي مادري ايش لأبحاث امراض اللي مادري ايش

،،، هذا السؤال الاول

ههه السؤال الثاني هو

وش معنى شعبة دراسية ؟

وهل يمديني اعدل فيها بما اني في السنة التحضيرية ؟



وسلامتكم ،،،

[mzat kau]

الشعبه لاالدراسيه هيا بالاصح الفصل حقك خخخخ زمان كنا 3\1 وزي كدا دحين الشعب حرف ورقم انجليش يعني الفصل حقك

وماتقدر تعدل فيها في السنه التحضيري الجدول والشعب تنزل لك ثابته وماتقدري تغيري
كرسي في الجامعه يعني مقعد لك !!
وعلى فكرة كل مدرس في الجامعه يكون لو مقعدين كل سنه له يعني يقدر يدخل طالبين
وعلى مااظن انو االاساتزة يبيعو دي المقاعد لانو بنت عمي مرة قالت انو حتشريلها مقعد في الجامعهمن استاز << بالواسطه
بي 12000 وتسير انتظام بس ماسوتها والله اعلم

[rayyan1444]

المشاركة الأصلية كتبت بواسطة mzat kau وعلى فكرة كل مدرس في الجامعه يكون لو مقعدين كل سنه له يعني يقدر يدخل طالبين وعلى مااظن انو االاساتزة يبيعو دي المقاعد لانو بنت عمي مرة قالت انو حتشريلها مقعد في الجامعهمن استاز << بالواسطه بي 12000 وتسير انتظام بس ماسوتها والله اعلم

بالله الكلام هذا صحيح !!!!

وانا اشوف واحد معنا بكلاس الانجلش جايب a وفي الكلاس بس يقول yes yes ...

غريبة هذي الجامعه !

[راقية الفكر]

ههههههههههههههههههههههههههههههه
تصدقو والله مافهمت شي

[sweet soso]

وانا افكر جامعتنا نظيفه ومافيها واسطات طلع الواسطه تلعب لعب في كل مكان انا العام تخرجت وقدمت في الفيصل للعنة الله على كل ظالم وقدمت طب وطلع لي مبروك القبول ويوم رحت اقدم الاوراق قالوا لي مين واسطتك قلت ليش وانا مصدومه قالوا لي ماعندك ليش جايه وابوي جاب لي واحد بروفسور في الجامعه بعد ما اخد شي وشويات وتالي قالوا لي بنحطك في كليه التربيه قوات عين صحيح لا واللي اعظم اقولي كسرتي خاطري خلاص راح ادخلك كليه التربيه على ايش كاسره خاطرك جايه اطلب حسنه منك وانا ماخذه الثانيه على الشرقيه بس الله على الظالم وسعود السنه نفس الحكايه يالله الحمد لله على كل حال مايصيبنا الا ماكتب الله لنا اسفه طولت عليكم

[mzat kau]

ريان زي ماقلت انا انو هيا قالت حتوسيها والين دحين ماسوتها لكن اظن كلام المقاعد صحيح

سويت سوسو هدي هادا الواسطه شي معروف بالسعوديه خصوصا المفروض نتعود على كدا بس حرام والله القبول في الكليات حقت التحضيري ماشاالله كل اللي يستاهلو دخلو والين دحين ماشفت احد اتخصص وهو مايستاهل التخصص لان كل شي سار الكتروني فتقريبا بدانا نودع والواسطه ولله الحمد =)

[راسيه]

^


والله اتمنى نودع الواسطـآتـ هدهـ اللي ظلمت الكثير ..

.. بس حكــآية الكراسي هده مافهمت منها اي حـآجه خخخ .. ماأقدر افيدك اخوي .. لكن ماشاءالله البنوته اللي فوق افادت ^^

بالتوفيق ..

[عذبة المشاعر]

مافهمت شي

بس كمان في مصطلح لسى ما اعرفووو

يمكن لما اخلص تحضيري راح اعرفوو

تقوولووو (تسكييين)؟؟
ايشش هواا ؟؟؟؟؟؟

[MNMO0ONA]

المشاركة الأصلية كتبت بواسطة عذبة المشاعر مافهمت شي بس كمان في مصطلح لسى ما اعرفووو يمكن لما اخلص تحضيري راح اعرفوو تقوولووو (تسكييين)؟؟ ايشش هواا ؟؟؟؟؟؟

التسكين اللي هوا الكليه اللي تبغيها ويسكنوكي فيهااا
يعني التخصص اللي تبغيه
زي لما تشتري بيت بعد ماتشتريه حتسكني فيه
زي كدا في السنه التحضيريه انتي تشتري التخصص اللي تبغيه طبعا مو بفلوس لا بمعدلك وبعدها تسكني في دا التخصص او الكليه
فدا يكون اسمو التسكين
مادري ان اء الله تكوني فهمتي من التشبيه حقي
ههههههههههههههههههههههه

[Dr.ASH]

مررررة واو التشبيه ماكنت فاهمة اش يعني بجد دحين فهمتو


ثاااانكس ياقمر