ليش ما عندنا تدريب :( !!!!!!!!!

[بنت من الجامعه]

السلام عليكم
كيفكم يا بنوتات
بنات في حاجه أول مرة أعرفها اليوم
ومرررة أنصدمت لمن عرفتها وجاني إحباط
دحين ليش إحنا في مادة بحث وتدريب ما نتدرب زينا زي التخصصات التانيه !!!؟
أجل كيف نشتغل على عمانا من غير ما نتدرب !!
من حقنا نتدرب ونجرب ونشوف زينا زي باقي التخصصات
أجل ليش فاتحين لنا التخصص إذا مافي تدريب !! كأنهم يقولولنا مافي شغل !!
مع إنو في مجالات كتيرة ممكن نتدرب ونشتغل فيها
في شركات بنوك مستشفيات مكاتب محاماه وأماكن كتير
لمين نرسل ومين نكلم ..... التدريب هدا مرررة مهم ويحمس الطالب لأنو بيطبق كل اللي درسو عملي ،......
والله قهر والله :(
ليش ما نكلم كلنا مشرفة القسم لو تقدر تسوي شي !!!! :(

[umooore]

خلك في بيتك

[بحر الحرية]

أهلين خيتوو..

بالنسبة للتدريب نقطة مهمة جدا تكون موجودة في القسم للبنات، والطالبات تناقشوا فيها في موضوع المناقشات، أعتقد سبب عدم وجود تدريب عند البنات في التخصص
بحكم إن احتكاككم بسوق العمل لساا جديد كقانونيات، وحتى عملكم كمترافعات لساا محدود في الأحوال الشخصية،
لكن أتوقع إن الوضع راح يتغير خلال الفترات القادمة كتييييييير سواء داخل القسم في الجامعة أو خارج الجامعة.

لكن الآن البنات المتخرجات لو يطلبوا تدريب مع مكاتب المحاماة الموجودة إن شاء راح يساعدوهم ويدربوهم، صحيح إنوو ممكن يكون تعب البحث عن مكان للتدريب، لكن لازم الإنسان يتعب في حياته، وزي ما قال ربنا:

"لقد خلقنا الإنسان في كبد"

لكن يارب لمن تنعرض الفكرة على المسؤولين في القسم تلاقي قبول واهتمام كبير.

الله يوفقكم يااارب ويحقق أمنياتكم؛؛

[ضيعتني طيبتي]

اقووول بنت الجامعه لايكثر هاه محنا ناقصين هم
اذا تخرجنا تدربنا

[بنت من الجامعه]

أخوي بحر الحريه مشكووور على ردك الرائع
ضيعتني طيبتي : إيش دخل الهم !!
يمكن انتي شايفه إنو موضوع التدريب مو مهم بالنسبالك ولاحقين عليه لمن نتخرج
بس أنا رأيي أنو أهم شي في التخصص وجود تدريب للطلاب
مشكورة على مرورك

[سعادة انسانه]

انا معاكي

[ss.o.s.s]

اختي من جد شي يقهر..
طيب طالما ان مافي تدريب ليه يكتبوا بح’ــث وتدريب يخ’ــتصروا الموضوع ويقولوا بحث ..

عارفه هالجامعــه غلبتنا غلآب,, وساع’ـــآت آحـــس آن مافــي آح’ـــد تشرشح مثلنآ في هذآ القس’ــــم...

لآدكتآره زي الاوادم..[بس ربك يصبرنآآآ..

خلك في بيتك

خليهآ في حالهـــآآآ..
الظاهر التخصص حقنا مسبب لك مشاكل ..الله يعينك

بالتوفيق,,

[لايت مون]

مين قالك مافي تدريب


عشان انجح في مادة البحث والتدريب

لازم اتدرب في اي محل توافق عليه استاذة البحث


بس لازم نتدرب

هدا الي اعرفو

[future lawyer]

لاااا للاسف مافي تدريب في قسمنا

اللي تبغا تدرب تروح بنفسها مو من الجامعه

بس اغلب الاماكن اللي عندها تدريب ما ترفض :)

[][..sMaA..][]

يب .. انتي تتدربي من نفسك صح .. وحسب فين تبي تتدربي تروحي تتدربي .. في مكاتب محاماة او في بنوك أو مستشفيآت أو أي مكآن فيه شؤون قآنونية مثلآ ..
وحتى الجآمعة تديكي ورقة تدريب تقدميهآ لأي مكآن يدربوكي بيهآ .. بس لآزم تكون كورس تخرج عشآن تآخذيهآ ،،