وصار أكبر همّهم كيف [ أذب ] في الوآتساب ..

[الصقر 02]

السلام عليكم ورحمة الله وبركاته

يالله ان تحييهم

يالربع وش هالأجواء الشينه يالله ارحمنا برحمتك بس
شيء فعلا يدعو الى ان نراجع انفسنا

المهم في هالأجواء طلعت معي هالأبيات
أتمنى تنال إعجابكم

أقول :

يا خاطري هوّن عليك ما عاد فيني للجنون
ولا تزيــد همـــوم قلبي أو تزيــد فـيّــه عــذاب

قـــالوا اول انّ ما بعد العجـــاج الا المـــزون
واليوم خوفــي انّ ما بعد العجاج الا الـتراب

و من كثر شوف التراب ما تنفّسنا دخـــون
والدخون من التراب اصبح اشبه بالســـراب

وكــــل ما قلنـــا اغثـنـــا يا كـــــريم يا منـــون
زاد فينا من العذاب بالمختصر شيءٌ عُجـاب

وصـــار ربعي في التراب بالإجازه يفرحــــون
وصار أكبر همّهم كيف [ أذب ] في الوآتساب

يالله المشكى عليـــك من أُنـــاسٍ غافلــــون
لا هــم اللي يذكـــرون وحَـكْيَهُم كلّـه سبــاب

اســـــألوا يالسائليـــن قبــل لا تستمطـــرون
وش علينا من ذنوب لاجل دعوتنا تُجـــاب

ربّي يرزق كُـــل أمّـــة بالنوايـــا والظنــــون
وافتح القرآن تلقى في الرَّعَد أفضل جواب

ليه قومي اصبحوا مع علمهم لا يفقــهون
واصبحوا فوق العـــلوم للنفوس أكبر خراب

اطلبك يا رب ترزق هالبلاد من العيــون
واطلبك تهدي عبادك للطريق اللي صواب

ويالقارئين ربّي جعلكم سالمون << هتكت عرض اللغة العربية

ودمتم

[سنفورة موت.]

يآخي كم انت مبدع ّّّ

[Patricia]

what is the meaning of
" أذب "
بصراحة مافهمت الشطر كله اللي فيه هالكلمة ياليت تنورني ..

شكرآ لك ..

[شموخ سعوديه]

وعليكم السلام ورحمة الله وبركاته ~

ماشاء الله عليك , كعادتك مبدع ~

المشاركة الأصلية كتبت بواسطة الصقر 02 اطلبك يا رب ترزق هالبلاد من العيــون واطلبك تهدي عبادك للطريق اللي صواب

اللهم آميييين


دآآآآآم لنا إبدآعك ؛


,,

[اللهم اعطهم مايتمنونه لي]

لله دركـ ,,

كلمات رفيعه بشأنهااا ، أبدعت أخوي
لدرجة أنِ والله أحترت ماذا أرد هنـا
فمهما كثرت كلماتي فهي لن تضاهي جمال أبياتك

الله يعينا ع طاعته وغفرانه
ويجعل بعد هذا العجاج أمطار خير ورحمه


> أستغفروا ربكم ...

تقبل مروري الذي لايحمل ماتستحقه كلماتك :)

[الصقر 02]

المشاركة الأصلية كتبت بواسطة سنفورة موت. يآخي كم انت مبدع ّّّ

أهلا بالأخت " سنفورة "

الابداع تواجدك بارك الله فيك

شكرا لك

المشاركة الأصلية كتبت بواسطة patricia what is the meaning of " أذب " بصراحة مافهمت الشطر كله اللي فيه هالكلمة ياليت تنورني .. شكرآ لك ..

نو بروبلم أخت " باتريشيا " نو بروبلم

البيت أقصد فيه ان أغلب الشباب الآن اذا جاء غبار بدال ما يستغفرون ويخافون من الاجواء هذي
يفرحون ان جتهم اجازه وصار همّهم كيف نضحك ونفلّها في مواقع وبرامج التواصل الاجتماعي

فــ [ أذب ] يعني " أقول نكتـه " وقصدي بالواتساب " مواقع وبرامج التواصل الاجتماعي "

أتمنى يكون وصل المعنى
وأسعدني والله استفسارك وحضورك

شكرا لك

[صوت الفجر]

//

وعليكم السلام ورحمـــة الله وبركآته ~

ماشاء الله كالعادة تميز بالحضور لابعد حد

هنآ انا وقفت
وكررت البيتين فوق ثلاث مرات =)

و من كثر شوف التراب ما تنفّسنا دخـــون والدخون من التراب اصبح اشبه بالســـراب وكــــل ما قلنـــا اغثـنـــا يا كـــــريم يا منـــون زاد فينا من العذاب بالمختصر شيءٌ عُجـاب

ماشاء الله فيه تناسق عجيب بالمفردات


وهذآ البيت عجبني

ربّي يرزق كُـــل أمّـــة بالنوايـــا والظنــــون وافتح القرآن تلقى في الرَّعَد أفضل جواب

ماشاء الله عليك وباقي تقول منت شاعر من الطراز الأول ؟؟
الله يوفقك ولا تبخل علينآ بالقصايد :)
لك الخمس نجمآت ولو فيه زود بدون تردد تستاهلها

موفق




..

[gold king]

مميز جدا كعادتك

مشكور عالطرح الرائع وخمس نجوم

وننتظر جديدك

[Patricia]

يعطيك العافية ياالصقر ..
وصل معنى - أذب - ..
بس الواتس آب والفايبر والبي ماسن وشلتهم لا تخاف أعرفهم وهل يخفى القمر ..
هي الإشكالية في هالكلمة والحمدالله زالت ..

أعتذر ع الإزعآج ..

[نــورهـ]

المشاركة الأصلية كتبت بواسطة الصقر 02 السلام عليكم ورحمة الله وبركاته يالله ان تحييهم يالربع وش هالأجواء الشينه يالله ارحمنا برحمتك بس شيء فعلا يدعو الى ان نراجع انفسنا المهم في هالأجواء طلعت معي هالأبيات أتمنى تنال إعجابكم

- و عليكم السلام و رحمة الله و بركاته ،،

- الله يرحمنا برحمته و يبدلها للاحسن ،،

- من معرفتي الاقل من بسيطة هذا يسمى شعر المواقف بحيث الابيات تطلع بموقف أو حادثه صحيح ؟،،

المشاركة الأصلية كتبت بواسطة الصقر 02 يا خاطري هوّن عليك ما عاد فيني للجنون ولا تزيــد همـــوم قلبي أو تزيــد فـيّــه عــذاب قـــالوا اول انّ ما بعد العجـــاج الا المـــزون واليوم خوفــي انّ ما بعد العجاج الا الـتراب و من كثر شوف التراب ما تنفّسنا دخـــون والدخون من التراب اصبح اشبه بالســـراب وكــــل ما قلنـــا اغثـنـــا يا كـــــريم يا منـــون زاد فينا من العذاب بالمختصر شيءٌ عُجـاب وصـــار ربعي في التراب بالإجازه يفرحــــون وصار أكبر همّهم كيف [ أذب ] في الوآتساب يالله المشكى عليـــك من أُنـــاسٍ غافلــــون لا هــم اللي يذكـــرون وحَـكْيَهُم كلّـه سبــاب اســـــألوا يالسائليـــن قبــل لا تستمطـــرون وش علينا من ذنوب لاجل دعوتنا تُجـــاب ربّي يرزق كُـــل أمّـــة بالنوايـــا والظنــــون وافتح القرآن تلقى في الرَّعَد أفضل جواب ليه قومي اصبحوا مع علمهم لا يفقــهون واصبحوا فوق العـــلوم للنفوس أكبر خراب اطلبك يا رب ترزق هالبلاد من العيــون واطلبك تهدي عبادك للطريق اللي صواب ويالقارئين ربّي جعلكم سالمون << هتكت عرض اللغة العربية ودمتم

- صح لسانك و علا شأنك أخوي الصقر ،،

- آآمين يا رب يرزقنا من فضله و يمطرنا برحمته ،،

- يثبت الموضوع و يقيم لجمال الابيات ،،

- دومًا مبدع بارك الله فيك ،،