محتارة يابنات أبغى نصيحة

[أميرة الرومانسية]

سلام كيفكم يابنات كيفكم مع بداية الدراسة
طيبين ان شاء الله


هذي اول مرة لي أشارك بهذا المنتدى

واللي دفعني للمشاركة هي الحيرة اللي بمر فيها والمعاناة المستمرة في هذه الفترة

وانا قلت اعرض مشكلتي عليكم يمكن القى الجواب اللي يريحني

ويشيل عني هذا الهم


قبل فترة تقدم لي أحد أقربائي وهو على حسب ماسمعته عنه معروف باخلاقه وطبعه الهادي وهو من عائلة محترمة وهويدرس الأن في الدمام في جامعة البترول ومعروف بتفوقه وطموحه

ولكن أهله طلبوا بان لايتم شيء حتى يتخرج الطالب ويتوظف وبقي على تخرجه مايزيد على ثلاث سنين

وكل ما ارادوه الان هو حجزي

ولقد وافق أهلي موافقة مبدئية ووافقت انا ايضا


لكن مايشغل بالي الأن هو اني لا استطيع مكالمته او معرفة طبعه فهو بعيد عنا

ولن استطيع مكالمته الا بعد ثلاث سنوات

هل مافعلته صحيح ؟ كيف اعرف انه يحبني ومالذي يضمن انه لن يغير رايه ويجد فتاة افضل مني

و كونه حجزني هل يعني هذا انه يحبني

دائما افكر فيه وانا في قلق مستمر وكم مرة فكرت في تغيير رايي لكني تراجعت فلو كان يحبني فعلا

لا أود ان اجرحه

الله يخليكم ابغى ارتاح ابغى اي نصيحة اي اسوي عشان اعرف انو يحبني


واسفين على الاطالة

[سمية السلمي]

يا اختي اولا الف مبروك

وانتي لسا ماصار شئ بينكم يعني بس حجز

وعندك فترة الملكة راح تعرفينه وتدرسينة واكيد راح تعرفين انو يحبك ولا

وما اتوقع انه مايحبك لو مايحبك ماحجزك الا اذا كنتي شاكه انو اهله مسيطرين عليه واجبروه هذا شئ ثاني

فأنتي استخيري ربك واصبري وعندك فترة طويلة اكيد راح تعرفين وبيدك ترفضين وتوافقين

ومايحتاج هذا التوتر والقلق انا عارفة كل منا تحب يكون اللي متقدم لها يكون حاببها فأنتي وش دارك امكن يكون يموت فيك

انا اشوف انك تستنين وتشوفين الاحوال وانتي لاتسصعبين الامور كل شئ بوقته حلو
اسأل الله ان يوفقك ويريح قلبك

[R-Kh]

اهم شي استخيري
والله يوفقك
بس لو انتِ من جواكِ تبغيه خلاص كملي الموضوع
لو لا ماتبغيه ارفضي ولا تفكري باي شي تاني
بس لو انو يحبك دا مره شي كويس
ولو انو طلب من اهلو انهم يحجزوكِ فـ اكيد يبغاكِ ومايبغاكِ تضيعي منو

بس اهم شي استخيري ولو مرتاحة خلاص كلها 3 سنين
تعدي بسرعه
والله يجمعكم بخير
:)

[أميرة الرومانسية]

مشكوريييييييييييييين على الردود


ويارب يحلي بختكم ويجيكم أحسن العرسان

[فتفوتة سكر]

كيف مافي تواصل بينكم
طيب كيف وافقتي
كلميه ولو بالتلفون وحضرة الاهل جنبك لازم تعرفي اسلوبه وطريقة تفكيره
انا ما اقول تحكو في المحرم او تتعمقو على الاقل اتفقو عالامور ( الزواج والملكه ) وهالاشياء بنفسكم بدون ما اهاليكم يتفقو عشان تعرفو بعض على الأقل
الله يعينك صعبه 3 سنين تفضلي في هالجو لكن طول هالفتره وكلي أمرك لله وادعي ربك انه اذا فيه الخير يكتبه لك واذا مافيه ينتهي الموضوع بسرعه

الله يوفقك ويتمملك على خير ..

[أميرة الرومانسية]

كيف مافي تواصل بينكم طيب كيف وافقتي كلميه ولو بالتلفون وحضرة الاهل جنبك لازم تعرفي اسلوبه وطريقة تفكيره

أولا مشكوورة فتفوتة سكر على الرد

بس هو من النوع اللي مايتكلم كتير وخجول
وكمان اذا كان من النوع اللي يغازل بنات ويكلمهم انا ما أبغى لانو بكرة النهار
ممكن يكلم وحدة تانية ويغازلها زي ماسوى معايا

انا ما اقول تحكو في المحرم او تتعمقو على الاقل اتفقو عالامور ( الزواج والملكه ) وهالاشياء بنفسكم بدون ما اهاليكم يتفقو عشان تعرفو بعض على الأقل

المهم عندي مو الزواج والملكة المهم تعاملو وكيف حيكون تعاملو معايا بعد كم سنة لانو ياما سمعنا بنات اتزوجو
وكانوا خطابهم يموتوا فيهم بس بعد الزواج بكم سنة كل شي اتغير

انا حارتبط بيه طول حياتي
واذا كان مستعد اني يتقبلني مهما كانت ظروفي وطبعي وشكلي.........الخ
فأنا كمان مستعدة اتقبلوا زي ما هوه

الله يعينك صعبه 3 سنين تفضلي في هالجو لكن طول هالفتره وكلي أمرك لله وادعي ربك انه اذا فيه الخير يكتبه لك واذا مافيه ينتهي الموضوع بسرعه

ايه والله طويلة بس يمكن تكون فترة كافية نسمع عنو فيها الكثير ونحاول نتعرف على خبايا شخصيتو




ومشكوووووورة حبيبتي على الرد مرة تانية ماقصرتي

[عـــســـل]

الله يوفقك ياارب


البنات ماقصروو

[me 4 islam]

هل مافعلته صحيح ؟ كيف اعرف انه يحبني ومالذي يضمن انه لن يغير رايه ويجد فتاة افضل مني

نفس حكاية صحبتي ..وعامله لنا قلق

الله يعينك .. توكلي ع ربك ولا تستسلمي للوسواس والقلق

[سوار العسل]

الله يعوضك في الجنة هذا اللي أقدر أقوله يا أخت أميرة .

[محامية المستقبل]

حبيبتي مافي شي يدعيك للقلق

مسأله يحبك اولا ماهي محل للنقاش او للقلق الان

الحب بيجي بعد الزواج ... ما اعتقد ان في شباب في هالوقت ممكن يسووا شي مو مقتنعين فيه

اكيد هو مقتنع فيك .. والحب كله بعد الزواااج اكيد

انتي فيك تسألي اللي يعرفوا كويس اذا كان من النوع اللي ممكن اهله يتخذوا قرارات عنه وعليها تقدري تحكمي

الله يوفقك ويكتب لك اللي فيه الخير ... واذا كان طيب لا تضيعيه ترا الف غيرك يتمنوا ظل راجل يعتمد عليه