استخدام الآلة في الإحصاء ممكن...

[الفاءين]

السلام عليكم ورحمة الله وبركاته .. كيف مذاكرة الإحصاء ؟ .. إن شاء الله تمام .. يا بنات مين تعرف تستخدم الآلة الحاسبة تقدر تفيدنا .. ترى إني شايلة هم الإحصاء مممرررره احس الأبواب الأخيرة ما ني قادرة أفهمها .. وكمان ما أعرف استخدم الحاسبة مشكلة ثانية .. في أحد ممكن يساعدني .. الله يوفق الجميع .. مشكورين ..

[عـ,,,ـل]

ايش يبغالو استخدام الحاسبه ياقلبي دخلي الرقم اللي تبغي

واعملي ضرب ولا قسمه ولا اللي يكون وخلصنا مايبغالها اختراع

[بليغ حمدي]

لاتشيلين هم سهل وبس يبغاله تراجعين كثير
الله يسهلنا ويوفقنا
حاولت اكتب اغلب المسائل اللي نحتاج نستخدم الآلة فيها:

اهم شي يكون عندك الآلة المطورة هذا شكلها
">

الباب الاول مااظن فيه شي بالآلة
الباب الثاني:التوزيعات التكرارية
مثال(2-3):ص41
عدد الفئات k:
القاعدة:
k=1+3.3Xlog n
هذي القاعدة ماتتغير في كل المسائل المطلوب فيها عدد الفئات
n هو حجم العينة وحجم العينة في المثال هذا = 50 عامل
1- نشغل الآلة عن طريق زر ">
2- نكتب القاعدة على الآلة زي ماهي ولمن نجي على log نختار الزر ">

3- ندخل حجم العينة الللي موجود في السؤال هنا حجم العينة = 50 ونضغط =
....
طول الفئة (h):
طول الفئة يساوي المدى على عدد الفئات وعشان نطلعه
1-نضغط على زر الكسر

2- ندخل R اللي هو المدى في المثال هذا R=69
3- ننزل على تحت من زر اسهم الحركة ">
3- ندخل عدد الفئات وعدد الفئات في المثال هذا= 7
ونضغط يساوي
">
4- حيطلعلنا نفس الكسر وعشان نحوله لرقم نضغط على الزر ">

......................

تحويل الكسر إلى رقم عشري

مثال 2-4 \ ص 43 و ص 44
لمن نطلع زاوية القطاع يطلعلنا الرقم احيانا على شكل كسر
لمن نبغا نغير الكسر إلى رقم عشري نضغط على الزر
نجي نحلها في المثال
زاوية القطاع الاول سعودي =360x 0.72
= 259
1- ندخل التكرار النسبي في المثال = 0.72
2- نضربه في 360
3-نضغط يساوي
4- حيطلع لنا الرقم على شكل كسر 1296 على 5 عشان نحوله لرقم نضغط على الزر
] وحيطلع معانا 259.2
...................
لحساب الوسط في حالة البيانات غير المبوبة:
حأحله على مثال 3-2 : ص 65 و ص66
القاعدة: x=سيجما x على n
السيجما هي مجموع البيانات رمزها
">

إيجاد الوسط عن طريق الآلة:

1-نضغط زر الكسر ">

2- نجمع البيانات الموجودة عندنا في المثال البيانات = (20+26+40+36+23+42+35+24+30)

3- ننزل بإستخدام زر اسهم الحركة ">

4- ندخل n وفي المثال n = 9 ونضغط يساوي
5= حيطلعلنا العدد على شكل كسر لتحويل الكسر إلى رقم نضغط على زر "> يطلعلنا 30,66 ممكن نخليه زي ماهو ممكن نقربه ونخليه 30,7.
..............
إيجاد الوسيط في حالة البيانات غير المبوبة:
الخطوات موجودة في ص 71
وحأحله على مثال 3-10 ص 72
نرتب بيانات العينة(1) بشكل تصاعدي أو تنازلي :50 60 70 80 90
نعد البيانات في العينة وعدد البيانات n هنا=5 (عدد فردي)
لانه عدد فردي نضيف عليه 1 ونقسمه على 2 بالآلة
1- ندخل زر الكسر ">

2- ندخل الـ n بعد مانضيف عليها1 في المثال n=5
نضيف عليها 1 =6
3- ننزل بإستخدام زر اسهم الحركة ">
4=ندخل 2 ونضغط يساوي حيطلع معانا 3 نرجع للعينة الرقم الثالث هو الوسيط والرقم الثالث هنا 70
..........
حأكمل نفس المثال حل العينة (2):
نرتب العينة (2) تصاعديا او تنازليا:50 60 70 80 90 100
نعد البيانات عددها في المثال هذا = 6 ( عدد فردي)
نطلع 6 قسمة 2 و 6+1 قسمة 2 بإستخدام الالة:
1- نضغط على زر الكسر ">

2- ندخل 6
3- ننزل بإستخدام زر اسهم الحركة "> وندخل 2 ونضغط يساوي حيطلع معانا 3

نأخذ الناتج ونضيف عليه واحد =3+1 =4
نأخذ الناتج قبل لانضيف عليه الواحد =3 وبعد ماضفنا عليه الواحد = 4
ونطلع الرقمين اللي ترتيبهم 3 و 4 في العينة (2) = 70 و 80 ونجمعهم ونقسمهم على 2

4- نضغط على زر الكسر ">

5- ندخل 70 + 80
6- ننزل بإستخدام زر اسهم الحركة ">
7 - ندخل 2 ونضغط يساوي في المثال حيطلع معانا 75
m=75

................
معامل الاختلاف:
مثال 3-44 ص 102 و ص 103
معامل الاختلاف = الانحراف المعياري على الوسط الحسابي 100x
معامل الاختلاف للشركة (A):
1- نضغط على زر الكسر ">
وندخل الانحراف المعياري وفي المثال = 2
2- ننزل بإستخدام زر اسهم الحركة ">

3- ندخل الوسط الحسابي وفي المثال = 10
4- نروح على جهة اليمين بإستخدام زر اسهم الحركة ">
5- نضغط على علامة الضرب وندخل 100 وبعدين يساوي حيطلع معانا 20
نحط % للـ 20 لانها مضروبة في 100
.......
حل نفس المثال للشركة (B):
1- ندخل زر الكسر ">
2- ندخل الانحراف المعياري وفي المثال الانحراف المعياري = 5
3- ننزل بإستخدام زر اسهم الحركة ">
4- ندخل الوسط الحسابي وفي المثال = 12
5- نروح ع اليمين بإستخدام زر اسهم الحركة ">
6- نحط علامة الضرب وندخل 100 وبعدين يساوي حيطلع معانا عدد كسري
7- عشان نحوله من عدد كسري لرقم نضغط على الزر "> وحيطلع معانا 40.60
نحط % لاننا ضربنا في 100
..........
معامل الالتواء الاول(يحسب عن طريق المنوال):
مثال 3-47 ص 106:
معامل الالتواء= الوسط الحسابي - المنوال
على الانحراف المعياري..بالآلة:
1- نضغط على زر الكسر ">
2- ندخل الوسط الحسابي وفي المثال الوسط الحسابي = 152
3- نضغط على علامة الطرح وندخل المنوال وفي المثال المنوال يساوي 153
4- ننزل بإستخدام زر أسهم الحركة ">
5- ندخل الانحراف المعياري وفي المثال يساوي 10.43 ونضغط يساوي
6- في المثال حيطلعلنا كسر وعشان نحوله لرقم نضغط على زر "> حيطلع معانا 0.096-

............
معامل الالتواء الثاني (يحسب عن طريق الوسيط):
موجودة القاعدة في ص106
وعليها حنحل مثال 3-48 ص107:
1- نضغط على زر الكسر ">

2- ندخل 3 زي ماهو موجود في القاعدة
3- نفتح قوس بالصغط على زر فتح القوس ">
4- ندخل الوسط الحسابي وفي المثال الوسط الحسابي=65.52
3- نضغط على علامة الطرح وندخل الوسيط وفي المثال الوسيط = 62.67
5- نقفل القوس عن طريق الضغط على زر إغلاق القوس">
6- ننزل عن طريق الضغط على زر اسهم الحركة ">
7- ندخل الانحراف المعياري وفي المثال الانحراف المعياري = 8.27
8- نضغط على يساوي ولو طلعلنا كسر نضغط على زر ">

....................

[بليغ حمدي]

الباب الخامس :
مثال5-1 ص152:
البيانات بالملايين في المثال هذا ولمن نستخدم الالة لاجراء العمليات الحسابية حنحذف الاصفار ونحسب الارقام من غير الاصفار.
1-كثافة السكان :
1- نضغط على زر الكسر ">
2- ندخل عدد السكان في الدولة وفي المثال عدد السكان في المثال 50
3- ننزل بإستخدام زر اسهم الحركة ">
4- ندخل مساحة الدولة بالكيلومتر المربع وفي المثال مساحة الدولة =4 ونضغط يساوي.
5- لو طلعت النتيجة كسر زي المثال نضغط على زر ">
...........
كثافة السكن:
1- نضغط على زر الكسر ">
2- ندخل عدد السكان في الدولة وفي المثال عدد السكان =50
3- ننزل بزر اسهم الحركة ">
4- ندخل عدد حجرات المساكن وفي المثال عدد الحجرات = 25 ونضغط يساوي .
.............
ب:معدل الزيادة السنوية للسكان:
عدد السكان في سنة المقارنة(السنة الاكبر) - عدد السكان في سنة الاساس( السنة الاصغر) على عدد السنوات
1- نضغط على زر الكسر ">
2- ندخل عدد السكان في سنة المقارنة وفي المثال عدد السكان في سنة المقارنة = 60
3- نضغط على علامة الطرح
4- ندخل عدد السكان في سنة الاساس =50
5- ننزل بإستخدام زر أسهم الحركة ">
6- ندخل الفرق بين سنة المقارنة وسنة الاساس وفي المثال الفرق=5 سنوات
7- نضغط يساوي.
...........
معدلات خاصة بإحصاءات المواليد والخصوبة:
ا: معدل المواليد الخام :
مثال 5-2 ص 154
1- نضغط على زر الكسر ">
2- ندخل عدد المواليد الاحياء خلال عام وفي المثال 300000
3- ننزل بإستخدام زر الحركة ">
4- ندخل عدد السكان في منتصف العام وفي المثال عدد السكان في منتصف العام 6000000
5- نضغط على زر x وندخل 1000 ونضغط =.
6- حيطلع الجواب 50 نكتب في الالف لاننا ضربنا في 1000 .
...........
باقي المعدلات ماتختلف عن اللي كتبتها
..........
الارقام القياسية للاسعار:
مثال 5- 10 ص165
بعد مانسوي الجدول نطلع :
الرقم القياسي البسيط :
1- نضغط زر الكسر ">
2- ندخل سيجماp1 وفي المثال = 0.9
3- ننزل بإستخدام زر اسهم الحركة ">
4- ندخل p0 وفي المثال =1.3
5- نروح ع اليمين بإستخدام زر اسهم الحركة ">
6- نضغط على علامة الضرب وندخل 100 ونضغط يساوي .
7- لو طلعلنا كسر زي في المثال هذا ونبغا الرقم نضغط على زر">
............
الرقم القياسي للاسعار المرجح بكميات الاساس(رقم لاسبير):
1- نضغط على زر الكسر ">
2- ندخل سيجما P1Q1 وفي المثال=9.3
3- ننزل بإستخدام زر أسهم الحركة ">
4- ندخل سيجما P0Q0 وفي المثال = 13.4
5- نروح ع اليمين بإستخدام زر اسهم الحركة ">
6- نضغط على زر الضرب وندخل 100 بعدين =.
7- لو طلعلنا كسر زي في المثال ونبغا نحوله لرقم نضغط على زر">
.......
الرقم القياسي للاسعار المرجح بكميات المقارنة(رقم باشي):
1- نضغط على زر الكسر ">
2- ندخل P1Q1 وفي المثال = 10.2
3- ننزل بإستخدام زر اسهم الحركة ">
4- ندخل سيجما p1Q1 وفي المثال =10.2
5- ننزل بإستخدام زر أسهم الحركة ">
6- ندخل P0Q1 وفي المثال 14.7
7- نروح ع اليمين بإستخدام زر أسهم الحركة ">
8- نحط علامة الضرب وندخل 100 ونضغط =
9- لو طلع كسر زي المثال ونبغا نحوله لرقم نضغط على زر">
.............
الرقم القياسي للاسعار(رقم فيشر):
1- نضغط على علامة الجذر التربيعي ">
2- ندخل رقم لاسبير وفي المثال طلعناه = 69.40
3- نحط علامة الضرب وندخل رقم باشي وفي المثال طلعناه = 69.39
4- نضغط يساوي ويطلعلنا رقم فيشر وفي المثال 69.39

..................
الباب الخامس:
طرق العد(التوافيق):
مثال 6 - 11 ص181
عدد طرق اختيار الرجال :
1- ندخل n وفي المثال = 6
2- نضغط على shift ">
3- ندخل رمز التوافيق وهو القسمة العادية ">
4- ندخل x وفي المثال x=3 ونضغط يساوي
...
عدد طرق اختيار النساء:
1- ندخل n وفي المثال n= 5
2- ندخل ">
3- ندخل رمز التوافيق وهو القسمة العادية ">
4- ندخل x وفي المثال x=2 ونضغط يساوي
...
عدد طرق الاختيار الكلي:
عدد طرق اختيار النساء x عدد طرق اختيار الرجال
...........

[بليغ حمدي]

هنا الاشياء اللي ماسويتها لو في احد حاب يكمل
ولو مافي احد كمله أمري لله حأجي على نفسي وأسويها استهلكتوني حسبي الله بس خخ
1- المتوسط المرجح
2- حساب التباين والانحراف المعياري
3- معامل بيرسون للارتباط الخطي
4- معامل سبيرمان لارتباط الرتب
5- معامل فاي
6- تحليل الانحدار ( مفهوم التنبؤ)
7- الباب السادس بس سويت فيه طرق العد( التوافيق)
8- الباب السابع والثامن

نفسي اكمل بس ماعرفهم لسه و أخاف اتأخر عليكم فيها
ياريت اللي يعرف يسويهم
وشي كمان حقوق النشر غير محفوظة خخ
<<وقعها غريب تعودت على حقوق النشر محفوظة
لو احد يبغا يأخذها ويرتبها ويحطها بشكل أحسن أكون له من الشاكرين..
هيا ذاكري ولاتصيرين بويه خخ

الله يوفقك ويوفق الكل

[سكرة]

اكيد ممكن
تخيلي ماندخل فيهاا
إن شاء الله سهل

[الفاءين]

جزاك الله خير وشكرا جزيلا الله يوفقك يارب وإن شاء الله تجيب العلامة الكاملة في جميع الاختبارات ويحقق لك كل أمنياتك ..
شكرا لك يا عسل .. المسألة ما هي ضرب وقسمة وجمع وطرح .. أكيد انتي شفتي الطريقة اللي كتبها الأخ وعرفتي أنا ايش كنت أقصد .. على العموم شكرا لمرورك ..

[دعوه خشوع]

يعطيك العافية

[صابرين2]

المشاركة الأصلية كتبت بواسطة عـ,,,ـل ايش يبغالو استخدام الحاسبه ياقلبي دخلي الرقم اللي تبغي واعملي ضرب ولا قسمه ولا اللي يكون وخلصنا مايبغالها اختراع

	كيف مايبغ لها شي شكلك تفتكري اننا ابتدائي ضرب وقسمة وجمع بس او يمكن انتي درجة ذكائك عالية معليش احنا نحتاج موضوع زى كدا مادة الاحصاء فيها رموز كثير وعمليات صعبه بالنسبة لكثير مننا شكرا كبييييييييييييره لصاحبة السؤال وللى شرحت هذا الشرح وفقك الله

[بسام الغامدي]

المشاركة الأصلية كتبت بواسطة بليغ حمدي هنا الاشياء اللي ماسويتها لو في احد حاب يكمل ولو مافي احد كمله أمري لله حأجي على نفسي وأسويها استهلكتوني حسبي الله بس خخ 1- المتوسط المرجح 2- حساب التباين والانحراف المعياري 3- معامل بيرسون للارتباط الخطي 4- معامل سبيرمان لارتباط الرتب 5- معامل فاي 6- تحليل الانحدار ( مفهوم التنبؤ) 7- الباب السادس بس سويت فيه طرق العد( التوافيق) 8- الباب السابع والثامن نفسي اكمل بس ماعرفهم لسه و أخاف اتأخر عليكم فيها ياريت اللي يعرف يسويهم وشي كمان حقوق النشر غير محفوظة خخ <<وقعها غريب تعودت على حقوق النشر محفوظة لو احد يبغا يأخذها ويرتبها ويحطها بشكل أحسن أكون له من الشاكرين.. هيا ذاكري ولاتصيرين بويه خخ الله يوفقك ويوفق الكل

شكر لك أختي الكريمه والله استفدت كثيررر من الشرح الله يوفقك

اذارزقك الله بي بنت ان شاء الله سميه ورده أو مياده