[[ورشة عمل مسابقة أولمبياد الكليات الجامعية]]

[Miss.Dee]

Im in
From diagnostic radiography

[Dr.selly]

بسم الله ... الله يعينكم ع القراءة بس حماس انه تعرفوا كيف الكلية عندنا ...

*
مقدمة عن الكلية :

أنشأت كلية العلوم الطبية التطبيقية في شهر شعبان من عام 1424هـ بالتوجيه السامي الكريم
من مقام خادم الحرمين الشريفين بتحويل برامج العلوم الطبية المساعدة بكلية الطب والعلوم
الطبية إلى كلية مستقلة لتكون إحدى الكليات الصحية الأربعة بالمركز الطبي بجامعة الملك
عبد العزيز بجدة .

وقد تم إنشاؤها بهدف الوفاء بحاجة المجتمع من الكوادر الصحية المؤهلة في شتى المجالات
العلاجية والوقائية والتأهيلية لتواكب في تأهيلها مستوى الخدمة الصحية المطورة وترقى
الى مستوى التقدم العلمي والتقني في المجالات الصحية عامة .

تتكون كلية العلوم الطبية التطبيقية من :
قسم تقنية المختبرات الطبية.
قسم تقنية الأشعة التشخيصية .
قسم العلاج الطبيعي .
قسم التغذية الإكلينيكية .

وقد تم إنشاء برنامج تقنية المختبرات الطبية " طلاب " عام 1400/ 1401هـ وتم لاحقاً قبول
أول دفعة للطالبات بقسم تقنية المختبرات الطبية عام 1422/1423هـ .

*
مدة الدراسة بالكلية :
وتكون مدة الدراسة بالكلية لكل تخصص أربع سنوات ويتبعها سنة تدريبية تسمى فترة الامتياز تقضى في المستشفى الجامعي او المستشفيات التعليمية الاخرى مقسمة ع 12 شهرا.

*
متطلبات الجامعة :
دراسة أربعة مقرارت ثقافة اسلامية ومقررين في اللغة العربية وفي الفترة الاخيرة خلال العام الماضي وهالسنة وجدة مادة اخرى اسمها مهارات الاتصال .. ويجب ان ينتهي الطالب من هالمواد خلال سنوات دراسته ولا يمنح درجة بكالوريوس او البدء بسنة الامتياز الا بعد انهاء هذه المتطلبات بنجاح..

*
برنامج الدراسة بالكلية:
تدرس في السنة الأولى لجميع التخصصات بالكلية مواد اساسية وهي الكيمياء والفيزياء والاحياء واللغة الانجليزية وحاسب الي واضافة اليها فاونديشن (( عبارة عن مقدمة لكل مادة كاانتومي وفارماكولجي وفسيولوجي وبيوكمستري ومهارات )) وبعد انهاء السنة الأولى والنجاح منها واجتيازها يتم الالتحاق باحدى التخصصات التالية (( تقنية مختبرات طبية – أشعة تشخيصية – علاج طبيعي – تغذية اكلينيكية )) بناء ع معايير خاصة تقرها لجنة الشئون الأكاديمية بالكلية .

*
1.في البداية اتكلم عن قسم قسم وبعدين عن قسمي (( أشعة )) بالتفصيل ..
1-قسم تقنية المختبرات الطبية:
يتدرب طلاب قسم تقنية المختبرات الطبية على القيام بالتحاليل الدقيقة والسريعة للعينات الحيوية والمرضية المتعلقة بالحالة الصحية وتعتبر المعلومات المتحصل عليها من المختبرات التشخيصية الاكلينيكية من أوائل المؤشرات في تعيين الحالة المرضية للمريض وتستخدم في كثير من الأحيان كأساس في تحديد أسلوب علاج الحالة المرضية ... (( وهالقسم اول قسم افتتح عام 1424 للبنات اما بالنسبة للبنين فقد كان مفتوحا من زمان وان جميع رؤساء القسم والوكيل للكلية كلهم مختبر )) الله يوفق الجميع يارب وقد تخرجت حوالي الى الان 3 دفع بنات والبقية في الطريق ان شاء الله ...

*
2-قسم العلاج الطبيعي:
يؤهل قسم العلاج الطبيعي الطلبة ع استخدام الخواص العلاجية للتمرين والحرارة والبرودة والماء والكهرباء والذبذبات فوق الصوتية والحركة لتحسين الدورة الدموية وتقوية العضلات وتشجيع المريض على استعادة الحركة وتدريبه للقيام بأنشطة الحياة اليومية. ويلعب المعالج الطبيعي دورا في تحسين المستوى الصحي بالوقاية من الأمراض والإصابات..

*
3-قسم التغذية الإكلينيكية : (( قسم للبنات فقط))
يقدم المتخصصون في التغذية خدمات متنوعة كالإرشاد الغذائي وتنظيم المحتويات الغذائية والتخطيط لبرامج التثقيف الغذائي والهدف الأساسي لأخصائية التغذية هو العمل على أن يحصل الأفراد على صحة جيدة عن طريق التعود ع التغذية السليمة أو التغذية العلاجية ..

*
4-الأشعة التشخيصية : (( وبما أنه قسمي ودراستي الله يعينكم حتكلم عنه كثير ))
الهدف من القسم إعداد طلبة بالاسس العلمية العامة والخلفية التعليمية والمهارات اللازمة للممارسة بنجاح في مجال العلوم الإشعاعية وتدريبهم بصفة خاصة في التصوير الإشعاعي التشخيصي وإلمامهم بأساليب الطب النووي والذبذبات الفوق صوتية وتمكينهم من العمل مع الاطباء المتخصصين في فحص الأورام والقرح والتغيرات المرضية والكسور وعطل أعضاء الجسم المختلفة ..
*

الخطة الدراسية للقسم ::

سنة أولى وكانت سنه تحضيريه

انقلش وكان بـ6 ساعات ..
بس كان عبارة عن مواد كثيرة وهي (( ردينق ... قرامر .. شابنر ... رايتنق .. لستننق وسبيكنق ... وكان عندنا شيء اسمه ديكتوقلس مختص بانه تسمع قطعة وتكتبها باختصار الحمد لله نجحنا الترم الاول بس بطلوع الروح ))

فيزكس وكان بـ3 ساعات ..
كان حلو فيزياء عامة ع موجات وع دراسة قوى وع دراسة العدسات وجزء نووي قليل .. والحمد لله كانت حلوة وتعتمد ع الكتاب الاخضر حق الفزكس مع المخلصات وغالبا ع الملخصات بس حق المحاضرات الي نكتبها..وكان اللاب حقه يتعب صح بس كان وناسة وتحسب ومدري ايش الحمد لله يارب .. وحصل رسوب في الفزكس بس كان السبب التقصير دراسيا وبس..

كمبيوتر بـ3 ساعات ..
كان مكونات الحاسب الالي والزحمة دي كلها والورد والبوربوينت والخ.. وكنا ندرسه بالانقلش لكن جات الدفعة الي بعدنا واتغير لهم وصار بالعربي زي باقي اقسام الكلية .. كان له كتاب بس طبيعي مااشتريناه واعتمدنا ع الشيتات بس ..

عربي بـ3 ساعات ...
عربي مستوى اول حلو الجملة والاسم والزحمة حق النحو وشوية املاء وهمزات ومدري ايش بس مو لازم يناخذ الترم الاول حسب كل دفعة ومتى نزلها بجدولها ويختلف من كل دفعة لدفعة وقريبا سمعت انه تغير منهج العربي وزاد فيه بلاغة وادب الحمد لله خلصت وعديت انا .. له كتاب طبعا بس مايحتاج تشتريه وتعتمد ع كتابة المحاضرة وفهمها كاملا..

ثقافة اسلامية بساعتين..
مستوى اول اكيد الكل يعرفه لانه من كتابة الثقافة المستوى اول حلو ولابأس وعدينا منه خلاص وبرضه زي العربي كل دفعة حسب جدولها ومتى ينزل لها .. من الكتابة طبعا..

*
كمستري بـ 3ساعات ..
كيمياء حلوة للي يفهمها بس خصوصا العضوية منها اما الجنرل منها فكان حلو وتفاهم تقريبا منهج ثالث ثانوي بس انقلش وتعتمد ع الكتاب الي عليه وردة مع الملخصات الي نكتبها بالمحاضرة ..

*
ثقافة اسلامية بساعيتن ..
درسنا ثقافة مستوى ثاني كان احلى من مستوى اول وكان حلو والحمد لله يارب..

رياضيات 101 .. بـ 3ساعات ..
رياضيات هبلة وتافهة عبارة عن تفاضلات وتكاملات وزحمة وبس وكانت انقلش طبعا وعبارة عن ايش تكتب مع الدكتور واختبرنا فيها وجمبنا درجات الحمد لله ..

مهارات اتصال بـ3ساعات ..
من اسم المادة واضح انها تتكلم عن ايش مادة من متطلبات الجامعة زي العربي والثقافة وحلوة والكل يجيب فيها درجات الحمد لله ..

اتكلم عن قسمي ودراسته والعقدة النفسية الي فيه ..

سنة ثانية ::

الترم الأول ..

عربي 201 بـ3 ساعات ..
عربي مستوى ثاني وكان حلو الحمد لله .. واخر مستوى عربي ...

PHYT 201 (( Anatomy & physiology)) 4 Hours
فسيولجي وانتومي مايحتاج اتكلم عنها كان عندنا لها كتاب كانت مادة صحيح طويلة بس ممتعة
اسم الكتاب :: ((anatomy & physiology in health & illness By : ross and wilson 10 edition ))

Rad 204 ((Medical Ethics And patient care)) 2 hours :
من اسمها اخلاقيات الطبيب وكيف العناية بالمريض طبعا ندرسها بالانقلش

Rad 202 ((Computer & imaging modalities))3 hours ::
هذي مادة اعجوبة القسم المادة كان يعطينا اياها دكتور الله يوفقه يارب اسمه الدكتور زبير ماشاء الله الدفعات كلها تمدح فيه

Rad 201 (( X-ray physics And Equipment)) 3 hours::
لاتسالو عن هالمادة كانت ايضا اعجوبة بس صح كان لها كتاب بس بدون اسم يعني اجزاء من كتاب مجمعينها وحاطينها في ملزمةواعطونا اياها وكان عندنا لها برضوا شيتات وكانت مادة صح مو حلوة ولا صعبة بس كانت اسئلة الاختبار تجي عجب اختبرنا فيها كويزات وميد وفاينل وكان عندنا عرض برزنتيشن وفي النهاية الي كان مجمع درجات جاب درجة حلوة وغير كذا الله يوفق يارب بس الحمد لله نجحنا والسلام

Rad203 (( Radiobiology And Radiation protection)) 3 hours::هالمادة تنقسم قسمين القسم الأول كان كله مسائل وزحمة بس كان حلو الحمد لله اما الجزء الثاني كان جزء العلاج بالاشعاج ومدري ايش وجزء الوقاية من الاشعاع كان جزء ممل وشوي يحتاج له كمية تركيز هائلة الماده بشكل عام سهله وتنفهم بسهوله ...

*

لترم الثاني ::

Rad 205 (( Radiographic Anatomy And physiology )) 4 hours ::
مادة عبارة عن صور صح عدد ساعاتها كثير بس كانت مادة حلوة لها كتاب مااعتقد انه في احد مايعرف اسم الكتاب اللي هوا
(( Imaging Atlas of human anatomy 4 edition ))

Rad 206 (( nuclear medicine physics & Equipment)) 3 hours ::مادة من اسمها واضحة اعطانا اياها دكتوره ماشاء الله كانت المادة ممتعة وجميلة صح صعبة ومعقدة بس كل شيء يسهل لو الواحد فهمه كان لها شيتات وطبعا النوتات الي تكتبها بالمحاضرة والحمد لله كانت حلوة وسهلة ..

Rad207 (( radiographic Technique 1 )) 3 hours::
مادة مالها كتاب تسمى تكنيك مستوى اول كان عبارة عن الابرلمب بس وكان لها شيتات ولازم تكتب خلال الشرح في المحاضرة لانه غالبا كل الاسئلة من الشرح كنا عشان نتعلم طريقة المادة نختبر اوبن بوك ونعرف من خلالها الاسئلة ...

Rad 208 (( radiographic Technique 2 )) 3 hours::
مادة مالها كتاب تسمى تكنيك مستوى ثاني كان عبارة عن اللورلمب بس وكان لها شيتات ولازم تكتب خلال الشرح في المحاضرة لانه غالبا كل الاسئلة من الشرح كنا عشان نتعلم طريقة المادة نختبر اوبن بوك ونعرف من خلالها الاسئلة ....

Rad 209 (( Image recording & Quality control)) 3 hours::

ماده سهله وبسيطه تحتاج لتركيز وقت المحاضره ....

*

سنة ثالثة :: السنة الي دحين انا بدأت ادرس فيها ...

الترم الأول ..

RAd 301 (( Radiography clinical practice1)) 3 hours::

Rad 302 (( Radiographic Technique 3)) 3 hours::
مادة مالها كتاب تسمى تكنيك مستوى ثالث عبارة عن السكل بس ولها شيتات ولازم تكتب خلال الشرح في المحاضرة لانه غالبا كل الاسئلة من الشرح

Rad 303 (( Radiographic Technique 4)) 3 hours::
مادة عبارة عن تكتيك كمان بس مستوى رابع وهنا تتكلم بما انه خلصنا كل الجسم تتكلم عن الفلوروسكوبي والتكنيك حقه وهي مقسمة لجزأين الجزء الأول هو عبارة عن جهاز الفلوروسكوبي وايش فيه وزحمته العظيمة والجزء الثاني منه حيكون عبارة عن التكنيك انه كيف تصور بالفلورو وان شاء الله سهل يارب دعواتكم للجميع يارب ...

Rad 304 (( Ultra sound Physics And Equipment)) 3 hours::
هاذي مادة عبارة عن الموجات الفوق صوتية لها ملزمة من كتاب وشيتات ان شاء الله سهلة يارب

Rad 305 ((Nuclear Medicine Technique 1)) 3 hours::

((Essential of nuclear medicine 3 edition ))

Rad 306 (( Sectional anatomy )) 3 hours::

*

(اول شي بعض الاجزاء مقتبسه من مصدر ثاني)
(ثاني شي اكيد راح تلاقو نقص في بعض المعلومات عن المواد او مواد سنه رابع وان شاء الله بنفيد بعض)

ان شاء الله اكون فتحت باب الورشه
ومستني اقتراحاتكم واراءكم

تحيااتي

سلطان المقبل

[weddah]

Miss.Dee yes Finally u r in ^_^




يعطيك العاااافية أخوي سلطان استفتحت الورشة لقسم الاشعة وللكلية
ومرره تمااام الكلام اللي كتبته بداية كويسة

طبعا كلنا حنكتب ونضيف ونجمع عشان نوصل لاحسن نتيجة

[وريـد]

السلام عليكم

وريــد + دعاء باناجه

سجلنا في المنتدي وحطينا رد بس ماحطيتي اسامينا في المشاركين ايلي فوق

[weddah]

يا هلا فيكم وريد ودعاء
حطيناه يا ستي ولا تزعلي =)

[weddah]

أهداف الكلية

1- تخريج كفاءات لديها الحافز وتحمل المسئولية للقيام بمهام الرعاية الصحية وفقًا للمعايير المهنية والآداب الاسلامية .
2- تشجيع وتطوير البحوث العلمية .
3- تأسيس برامج دراسات عليا .
4- تطوير مهارات جميع منسوبي الكلية أكاديميًا ومهنيًا .
5- التوسع في تقديم برامج العلوم الطبية التطبيقية لتلبية احتياجات المجتمع في المجال الصحي .



شروط القبول بالكلية

1) أن يكون المتقدم سعودي الجنسية.
2) ان يستوفي متطلبات القبول في جامعة الملك عبدالعزيز.
3) ان يجتاز الطالب جميع مواد السنة التحضيرية.
4) أن يحقق الطالب النسبة المطلوبة للانضمام للكلية في السنة التحضيرية.
5) أن يكون حسن السيرة والسلوك.
6) أن يكون لائقاً طبياً.



خطوات القبول بالكلية

1) بعد اجتياز السنة التحضيرية يقوم الطالب بتسجيل رغباته حسب الاولوية على الموقع الالكتروني للخدمات الطلابية (odus ).
2) تقوم عمادة القبول والتسجيل بتسكين الطلاب اللذين اجتازوا السنة التحضيرية في الكلية حسب المعايير المحددة والمعتمدة من عمادة القبول والتسجيل.
3) يتم تسكين الطلاب في الأقسام العلمية حسب رغباتهم المسجلة لدى الكلية وحسب نسبهم في السنة التحضيرية.



نظام الدراسة

تتبع كلية العلوم الطبية التطبيقية في نظامها الدراسي النظام السنوي بشكل عام وباللغة الانجليزية، ويكون التقديم للقبول في بداية العام الدراسي فقط، ويتم تغطية المقرر الدراسي متضمناً الامتحانات خلال أربعة وثلاثين أسبوعاً، ويتلقى طلاب وطالبات الكلية بجميع تخصصاتهم دروسهم النظرية والعلمية باستخدام وسائل مختلفة منها المحاضرات النظرية وحلقات النقاش والدروس العملية والدورات اللأكلينيكية المكثفة في المستشفى الجامعي لكافة التخصصات (تقنية المختبرات الطبية، التمريض، الأشعة، العلاج الطبيعي، التغذية الأكلينيكية).

[طالبه حايصه]

السلام عليكم ورحمة الله وبركاته ,,

كيف حالكم ان شا الله بخير ,,

الصراحه جزاكم الله كل خير على مجهودكم الرائع ,, والله يجعله بميزان حسناتنا اجمعين ,,

كنت حابه اقول شغله ,, انا المسؤوله عن تصميم صفحات المجله في قسم المختبرات ,, والحمد لله سويت التصميم وعجبهم الحمدلله :)

بس لمن فكرت انه لمن حنفوز حنفوز ككليه مو كقسم ,, قلت ليه مايكون تصميم المجله للكليه كامله تصميم واحد ؟؟

ما ادري اش رايك ,, بس انا مستعده اسويها بما انه خلاص تصميمنا جاهز راح اعمل نفسه بس باسماء الاقسام الثانيه ,, وبكذا يكون شكل مجلة الكليه مرتب وموحد ويدل انه قسم واحد بدال مايكون كل واحد شكل ,,

ما ادري اش رايكم ياريت اسمع اراء كل الاقسام الباقيه ,,

وشكرا :)

[Dr.selly]

والله فكره مررره كويسه ك توحد للتصاميم
بس انا ما شفت التصميم بس دامه عجب غيري اكييد بيكون حلوو
انا اؤيد الفكره وبشده

يعجبني التعاون اللي في الكليه من كل الاقسام

يعطيكي العافيه طالبه حايصه

[طالبه حايصه]

الله يعافيك اخوي سلطان
ومرا شكرا عالاهتمام

اذا حابين انزل التصميم خلاص ان شا الله انزله بس قلت اشوف ردت فعلكم اذا حابين او لا

وكمان ابي اسمع راي الاقسام الباقيه ويمكن هما سوو تصميم يصير نشوف اش احسن تصميم

واذا محد سوا خلاص نعتمد حقي ان شا الله

:)

[weddah]

وعليكم السلام ورحمة الله وبركاته

أكيد أنا أفضل يكون التصميم موحد لملف كليتنا كله
مع اللمسات والاضافات بالصور وكدا لكل تخصص لحاله

لو طلع معاكي تصميم حلو ورينا اكيد ويعطيكِ العافية ^_^