طلب مساعده في الجدول وشكرا

[Matab alkhaldi]

السلام عليكم ورحمة الله وبركاته

يا اخوان انا اجتزت 112 ساعه من 128 مطلوبه وباقي لي 16 ساعه فقط
وبالجدول منزلين لي ماده وحده فقط اللي هي ( ثقافه اسلاميه 3 )

اعتقد ان هالترم المفروض هو اخر ترم لي
لان الترم يسمح بتسجيل 18 ساعه وانا المتبقي لي 16 ساعه

لما دخلت على خيار ( المواد المتبقيه من الخطه الدراسيه )
ما لقيت الا ( ثقافه اسلاميه 3 و ثقافه اسلاميه 4 و قائمه بمواد اختياريه )

مثل ما يطلع بالصوره :




ياليت لو احد يرشدني لرقم او خطوات تتخذ بمثل هالحاله
مين اكلم اوايش اسوي ؟

ولكم مني جزيل الشكر

[ابو عبدالله19]

تضيف من المواد الإختياريه
واعطيك أسهل شي من باب خبره
تقنيات الادارة والمواد الطبية
تصميم وتطويروادارة.ت.انترنت
تسويق عقاري
بس اتوقع انك ماتقدر تاخذ ثقافه 3 و4 في نفس الترم راسل عبدالرحمن الجعيد

[Matab alkhaldi]

اضفت اربع مواد :
حره 2
علاقات صناعيه
سلوك تنظيمي

اختياريه :
قانون صحي
علامات تجاريه

وسبق ان اخذت في ترم سابق تسويق عقاري ضمن الاختياريه

لجل استوفي متطلب الخطه للقسم مادتين حره و 3 اختياريه بمجموع 15 ساعه

ولكن بالنسبه لمطب الثقافه اللي ما تنبهت له من بدري

راسلت عبدالرحمن الجعيد
و راسلت عبدالاله الساعاتي

ومافيه اي رد للاسف

والله قهر ادفع 3000 ريال على ماده وحده ويتأجل تخرجي
والنظام في اخر ترم يسمح لي ب 24 ساعه

[ابو عبدالله19]

إذا كان عندك مادة واحده تعفى من الرسوم
بس وانا اخوك تأخير عليك حاول قد ما تقدر
بالتوفيق

[Matab alkhaldi]

حاولت والله يابو عبدالله

راسلت الاستاذ عبدالرحمن الجعيد وللاسف مافيه رد
راسلت الاستاذ عبدالاله الساعاتي ورد علي ( انا تركت الكليه )
راسلت الدكتور اشرف المعبود ورد علي ( بان الامر عند عبدالرحمن الجعيد )
وراسلت الاستاذ عبدالرحمن الجعيد مره ثانيه وثالثه ولا يوجد رد

كلمة موظف الاستقبال على رقم الكليه واسأله عن رقم الجعيد وقلت له وش المشكله الي اواجهها وطلبت يحولني على اي مسؤل
قال لي :

( انا ولدي صار له نفس الشي وطلبت منهم يضيفونها وبعد العنا اضافوها واختبرها ووقفوها
قالوا لازم ياخذ فيها ترم ثاني تبي يضيفونها لك وانا معهم لي ثلاثين سنه ) .

ولما اصريت يحولني على اي مسؤل اكلمه قال لي لازم تقول لي اسم المسؤل والقسم حقه عشان احولك عليه
قلت حولني على الشؤؤون التعليميه ولما ردوا قال لي اللي رد مالنا علاقه وقفل السماعه !!!!

شيء يرفع الضغط

[ابو عبدالله19]

هذا رقم الجعيد 0555646555
الله يعينك تراه مايرد بسرعه كثر اتصالاتك والا ارسله رساله

[آسف ياطموحي]

السلام عليكم بالتوفيق للجميع علمنا وش راح يصير معاك لأن أنا إجباري راح يكون معي كذا الترم الجاي وأمس كنت أتكلم مع واحد من الشباب عنده نفس مشكلتك مادتين متطلب يقول سهله راح أرفع معاملة ألكترونية

[Matab alkhaldi]

أبشركم تمت اضافتها والحمدلله

وأخص بالشكر كل من ساعدني ومنهم هنا :

أخي عضو المنتدى : ابو عبدالله

شكراً من القلب لك ..

تواصلت مع الاستاذ / عبدالرحمن عوض الجعيد المسؤول عن الانتساب وقد أضاف الماده مشكوراً

وفالي وفالكم التوفيق والدرجات العاليه يا رب .