المستشفيات الخاصة هل هي للعلاج أو شفط أموال /تجربتي على مدار 18 عام / جديد إحساس ناجح

[إحساس ناجح]

مساء الخير على الجميع خلينا ندخل الموضوع موضوع اليوم راح يتكلم عن المستشفيات الخاصة هل هي سحب فلوس أو علاج قليل نحصل مستشفى خاص يخدم المريض بأمانة ويقدم العلاج اللازم علشان كدا بطرح تجربتي في مستشفى خاص إكتشفت بعد 18 سنة من ولادتي إنهم نصابين وأبغى الكل يستفيد . المهم أكيد أغلبكم عارف قصتي والصرع اللي طرحني عشرين سنة أول ماجاني دا المرض وأنا في الشهور الأولى من عمري أخذني الوالد لمستشفى خاص في الحي وكشف الدكتور حق الأعصاب علي وقال لازم نتابعو إلين يوصل عشرة عمره سنين علشان يكون المرض دا واضح ونقدر نعالجه المهم الحبوب شهريا سعرها 1200 ريال غير تحليل الدم 100 وغير تخطيط الدماغ 300ريال يعني 1600 ريال الوالد يدفعها عدت عشرة سنين وكبرت قال الدكتور تحسن بسيط حنستمر معاه إلى أن يوصل لسن البلوغ والوالد مسكين يصدق وأنا صدقته وأدفع بالهبل هم بيعملوا تحليل دم شهريا علشان يعرفوا إنك ماشي على الحبوب تمام ولا لا المهم لما وصل عمري 18 طاحت فكرة في راسي قلت راح أوقف العلاج شهر وأشوف هل تحليل الدم يقدر يعرف إنو أنا وقفت ولا يطلع الدكتور من جنبها بعد شهر وأنا موقف العلاج رحنا للدكتور وطلب تحليل وعملته وأنا متوتر من النتيجة دخلنا على الدكتور علشان نعرف النتيجة قال : بسم الله ماشاء الله إنت يا أحمد منتظم على العلاج أول بأول ( النصاب ) قلت له العلاج أنا وقفته شهر ف أعطيني ملفي لو سمحت قال لا ماينفع لازم تكمل وتروح تدفع دحين فلوس علشان نعرف المرض اللي عندك ( هههههههههههههه كذاب ويبغى ينصبني ) المهم جلست فترة معصب وكرهت المستشفيات رحت المستشفى الجامعي (جامعة الملك عبدالعزيز) دخلت على الدكتور وبكل تواضع قال لي يا أحمد إحنا ماعندي الإمكانيات لحل مشكلتك فأنصحك تروح مستشفى التخصصي ( الملك فيصل ) بجدة رحت التخصصي وهو خاص وخفت يصير لي مثل اللي قبله في نفس الوقت كنت أتمنى يكون الطبيب سعودي لأني تعبت من الدكاترة الأجانب جربتهم كلهم جميع الجنسيات ومافي فائدة وأنا الحمد الله عارف إن الله هو الشافي ومؤمن بالشيء دا المهم دخلت على الدكتور وشافني وكشف علي الصراحة أنا ارتحت له من أول ماشفته والحمد الله أول شهر وقدر يشخص حالتي ويكتشف المرض أخذت سنة في دا المستشفى وتعافيت من الصرع مع العلم إنو خاص وعالجوني بالمجان لأن الصرع عندهم على حساب الملك فورا جلست أتحسر على السنين الي خليت الوالد يدفعها في داك المستشفى الخاص الله لايوفقهم حسبتها حسابيا كم دفع الوالد على مدى 18 عام طلع إنو الوالد دفع 354600 ريال دا قبل ما أروح التخصصي بالله إيش شعورك لما تدفع مبلغ زي كدا وتكتشف إن الدكتور نصاب والله المبلغ دا يمكن يزوجك ولا يشتري لك شقة ملك أكثر من ربع مليون ريال مو شيء يقهر تحطها في مستشفى هباء منثورا تدفعها على الفاضي وتنقهر لما تكتشف بعد 18 عام إنو طلع إحتيال عليك ويزيد قهرك لما تروح مستشفى تاني وتتعالج فيه في أقل من سنة تقريبا ومجاني وعلى فكرة الدكتور اللي قال لي في بداية الموضوع ماعندنا إمكانيات في المستشفى الجامعي هو نفس الدكتور اللي سوى لي العملية والحمد الله على نعمته استفدت شيء واحد من هالتجربة إنو الدكتور مجرد اسم فقط والدكتور المتواضع تقدر تعرفوا من اول جلسة معاك في الكشف والأخلاق أما البعض تجده يتكلم على الدفع ويوهمك بكلام معسول ويقول لك تحمل وإستنى كمان إن شاء الله أكون قدمت تجربة يستفيد منها الجميع وما يطيح مثلي ويخسر كل هالأموال العالية أتمنى لكم الصحة والعافية والسعادة [motr] بإنتظار تفاعلكم محبكم / إحساس ناجح [/motr]

[RHF]

مممممم اول شي سلامتو احساس ،،

والحياة تجارب ،

//

انا ممممم تجربتي طبعن ما تتقارن مع تجربتك ، ولاكن باوصل لشي كمان

في دكاترة ما يهمهم غير خلاص يسوي وانتا تنحرق ، ولا عليهم بيك و بمشاعرك

//

قبل اقل من سنتين انجرحت و انقطع الوتر في اصباعي ، روحت عند دكتور مصري ممممم ، قالي خلاص حنفكلك اليد كلها ( الكف ) وبس ،

قولتلو اليد كلها تنفك ؟؟؟؟؟؟ انا جاني انهيار من الجفاف و البرود ، وبكل بساطة يقولي اشقلك يدك كلها !!

يعني حتى ما كان مقدر الوضع اللي انا فيه ، يقولي عايزة اعملك هي ولا لأ؟ << يعني كأني حاترجاه وانا في الحالة ديكا

وروحت بعدو دكتورين تانين ، نفس البرود و الجفاف ، مع العلم انو كلهم مصارية التلاتة دول

بعدين روحت عند دكتور سعودي ،، والله دخلت عندو وانا مرعوبة ، قولتلو لاااااااااا تقول حتشقلي يدي كلللللللها

قلي يا بنتي وليه اشقلك يدك كلها ؟ خلاص انا افك الجرح دا شوية اكبر ، وافك مكان تاني شوية ،، وباقي العملية يكون كلو تحت الجلد ، انتي محا تشوفي شي ، ومحا اشوه لك يدك لا تخافي

من جد حنون و مقدر و يحاول يهديني

وسوالي العملية تجميلية ومرررة دقيقة في الوقت اللي كان يمديه يقولي زي التلاتة دولاك انو يشق اليد كلها وما عليه بيا

يعني ممممممممم انا اتمنا بس يكونو بعض الدكاترة يقدرو المريض شوية و يقدرو نفسيتو

الا بعضهم اهم شي عندهم الفلوس ، شغالين نصب على حساب الناس

الله يكفينا شرهم ،،

//

وانتا احساس قدامك العافية ان شاء الله

[بيو كيميائية ^_^]

أنا مالي خبرة كثيرة في المستشفيات الأهلية كون نتعالج في مستشفيات آرامكو

بس اللي أعرفهمـ إنهمـ ماديين أكثر من أنهم يعالجون

وأقل حاجة عملوا تحليل وأشعة يحتاج مايحتاج عملو

وأيضًا عيادات الأسنان كثير كثير منها مادية

الله يعوض على أبوكـ والحمدلله إنك إكتشفت نصبهمـ

[رولاوليد15]

صحيين ع كل الكلام اللي قلته عن المستشفيات الخاصه,,والحمدالله ع السلآمه ..
وبابا له تجربه مع الاسنان ,حس بآلم في ضرسه وقرر يقلعه فقالواا لآلآ مايصير في التهاب في العصب طب شئ طبيعي ماينقلع الضرس اذا كان فيه التهااب بس قالوا لآحالتك نادره وكل ابوجدالادويه اعطووه طبعاسعرهابالشئ الفلاني,وماخلوا شئ الاوقالوا فيه حتى بيقول بابا نفس الدكتوربيفتح النت ويقرا ويطبق ع اسنانه << مااشك انو شهادته مزوره ..الى ماقالوا عندك سرطاان في اللثه وربي قلبوا عيشتنا فوق تحت وباباتعب جدا..
في النهايه كله كلآلآلآلآلآم ..
صحه الناس عندهم لعبه يكسبون من ورائهآآفلوس..

[إحساس ناجح]

المشاركة الأصلية كتبت بواسطة rhf مممممم اول شي سلامتو احساس ،، والحياة تجارب ، // انا ممممم تجربتي طبعن ما تتقارن مع تجربتك ، ولاكن باوصل لشي كمان في دكاترة ما يهمهم غير خلاص يسوي وانتا تنحرق ، ولا عليهم بيك و بمشاعرك // قبل اقل من سنتين انجرحت و انقطع الوتر في اصباعي ، روحت عند دكتور مصري ممممم ، قالي خلاص حنفكلك اليد كلها ( الكف ) وبس ، قولتلو اليد كلها تنفك ؟؟؟؟؟؟ انا جاني انهيار من الجفاف و البرود ، وبكل بساطة يقولي اشقلك يدك كلها !! يعني حتى ما كان مقدر الوضع اللي انا فيه ، يقولي عايزة اعملك هي ولا لأ؟ << يعني كأني حاترجاه وانا في الحالة ديكا وروحت بعدو دكتورين تانين ، نفس البرود و الجفاف ، مع العلم انو كلهم مصارية التلاتة دول بعدين روحت عند دكتور سعودي ،، والله دخلت عندو وانا مرعوبة ، قولتلو لاااااااااا تقول حتشقلي يدي كلللللللها قلي يا بنتي وليه اشقلك يدك كلها ؟ خلاص انا افك الجرح دا شوية اكبر ، وافك مكان تاني شوية ،، وباقي العملية يكون كلو تحت الجلد ، انتي محا تشوفي شي ، ومحا اشوه لك يدك لا تخافي من جد حنون و مقدر و يحاول يهديني وسوالي العملية تجميلية ومرررة دقيقة في الوقت اللي كان يمديه يقولي زي التلاتة دولاك انو يشق اليد كلها وما عليه بيا يعني ممممممممم انا اتمنا بس يكونو بعض الدكاترة يقدرو المريض شوية و يقدرو نفسيتو الا بعضهم اهم شي عندهم الفلوس ، شغالين نصب على حساب الناس الله يكفينا شرهم ،، // وانتا احساس قدامك العافية ان شاء الله

سلامتك رهف
لو مارحتي لدكتور تاني
كان روحتي ضحية خطأ طبي
قدامك العافية
وشكرا على المرور

[إحساس ناجح]

المشاركة الأصلية كتبت بواسطة بيو كيميائية ^_^ أنا مالي خبرة كثيرة في المستشفيات الأهلية كون نتعالج في مستشفيات آرامكو بس اللي أعرفهمـ إنهمـ ماديين أكثر من أنهم يعالجون وأقل حاجة عملوا تحليل وأشعة يحتاج مايحتاج عملو وأيضًا عيادات الأسنان كثير كثير منها مادية الله يعوض على أبوكـ والحمدلله إنك إكتشفت نصبهمـ

الحمد الله
يسلمو بيو على المرور

[إحساس ناجح]

المشاركة الأصلية كتبت بواسطة رولاوليد15 صحيين ع كل الكلام اللي قلته عن المستشفيات الخاصه,,والحمدالله ع السلآمه .. وبابا له تجربه مع الاسنان ,حس بآلم في ضرسه وقرر يقلعه فقالواا لآلآ مايصير في التهاب في العصب طب شئ طبيعي ماينقلع الضرس اذا كان فيه التهااب بس قالوا لآحالتك نادره وكل ابوجدالادويه اعطووه طبعاسعرهابالشئ الفلاني,وماخلوا شئ الاوقالوا فيه حتى بيقول بابا نفس الدكتوربيفتح النت ويقرا ويطبق ع اسنانه << مااشك انو شهادته مزوره ..الى ماقالوا عندك سرطاان في اللثه وربي قلبوا عيشتنا فوق تحت وباباتعب جدا.. في النهايه كله كلآلآلآلآلآم .. صحه الناس عندهم لعبه يكسبون من ورائهآآفلوس..

صح فقليل تحصلي دكاترة يخدمونك بأمانة
خصوصا الأسنان لازم تروحي المراكز الكبار المعروفة
يسلمو على المرور

[إحساس ناجح]

المشكلة إنو آخر مرة قابلت الدكتور بالصدفة وسلم علي وقال ترى عرفت علاج يشفيك من الصرع
أنا ماقدرت أمسك نفسي من الضحك وقلت له الحمد الله مو محتاج علاجك

[إحساس ناجح]

الله لايوفقهم لا دنيا ولا آخرة