ساعدوني الله يسعدكم ..

[شذى .]

السلام عليكم جميعًا ..كيف حالكم ؟
اقولكم اناا مررررره نفسي ادخل طب بس ابويا رافض اني ادخل طب عشان اتوظف ف مستشفى و ع اساس اختلاط وكذا - الله يهديه بس ويارب يجي اليوم اللي يجي بنفسىو يقولي اتخصصي طب احسن لك - قولوا آمين ): -
المهم اقدر اتخصص طب ولمن اخلص دراسه اتوظف ف الجامعه ب مسمى أكاديمي ؟ وايش اللازم عليا عشان اتوظف ف الجامعه ؟ يلا ساعدوني بليز ):

[غيم تايه]

المشاركة الأصلية كتبت بواسطة شذى . السلام عليكم جميعًا ..كيف حالكم ؟ اقولكم اناا مررررره نفسي ادخل طب بس ابويا رافض اني ادخل طب عشان اتوظف ف مستشفى و ع اساس اختلاط وكذا - الله يهديه بس ويارب يجي اليوم اللي يجي بنفسىو يقولي اتخصصي طب احسن لك - قولوا آمين ): - المهم اقدر اتخصص طب ولمن اخلص دراسه اتوظف ف الجامعه ب مسمى أكاديمي ؟ وايش اللازم عليا عشان اتوظف ف الجامعه ؟ يلا ساعدوني بليز ):

وعليكم السلام ورحمة الله وبركاته..

بخير جعلك بخير .. بالنسبة لسؤال صحيح ممكن تقدمي على كادر أعضاء هيئة التدريس اغلب الدكاترة اللي تشوفينهم عمداء للجامعات جراحين واطباء ..
واللازم انك تشدي حيلك في دراستك بحيث معدلك يكون عالي جدا .. وما تحملي اي مادة خلال مشوارك .. وتكملي دراستك ماجستير ..
ممكن تقدمي على وظائف الاعادة بعد البكالوريوس ... وممكن على وظائف محاضر بعد الماجستير .. والدكتوراه استاذ مشارك ..
والجامعات تطلب لكن المسألة تحتاج إلى سنوات واجتهاد وكفاح .. وصبر .. وممكن سنة ما تنقبلي في الماجستير والدكتوراه ...
ما املك إلا الدعاء ان الله ييسر امرك .. وعلى فكرة حتى لو الانسان ما كتب له يمشي في توجهه ما هي نهاية العالم يستطيع يبدع في تخصص اخر ..
اهم شيء لا تدخلي نفسك في دائرة المظلومية يا طب يا ما راح انجح وضيعوا مستقبلي.. احذري من ذلك وانتي في بداية حياتك ..
اياك يقل طموحك حتى لو اصر والدك على تخصص اخر ابدعي وخلي الطموح الاكاديمي ايضا موجود من خلال هذا التخصص ..
بصدق اتمنى انك تدرسي على ميولك ورغبتك .. ولكن احترم رأي الأب وهو اصدق من يقدم لك الرؤية والنصيحة ..

موفقه يارب"""