نصيحتكم لأسهل طريقة لمذاكرة المحاسبة 117.

[كاسبرينو]

السلام عليكم ورحمة الله وبركاته


أخواني وأخواتي أنا هذهـ أول سنة بالكلية وصراحة مادة المحاسبة لم أعرف لها طريقة مذاكرة مع الكتاب الضخم دا + شرح الدكتور السيء اللي هو في وادي والكتاب في وادي .



فما هي أسهل طريقة للمذاكرة ؟.

[تركي اا]

اسهل طريقه في مذاكره ماده المحاسبة هي انك تذاكري من السلايدات
وتختبري نفسك من اسئله الكتاب .. (العمليات الحسابية)
وحاولي تجيبي حل لأسئله الكتاب علشان يكون الحل امامك بعد
ما تختبرين نفسكك ..

بالتوفيق ,,

[بنت ناس وقلبي ألماس]

وعليكم السلام ورحمة الله وبركاته،

أولا وقبل كل شيء هذي المادة تحتاج مذاكرة أول بأول ولازم تعرف المطلحات الجديدة لأنك بدونها ما راح تمشي في المادة وما راح تقدر تحل المسائل الحسابية ، وبعدها ذاكر من السلايدات واقرأ المصلحات من السلايدات والكتاب عشان توضح لك الصورة تمااام ،وفي نهاية كل شابتر تلاقي سمري برضوا اقراءه وتدرب على التمارين الحسابية الموجودة في السلايدات وفي نهاية كل شابتر، وإذا ما فهمت شيء من الحل تلاقي في الكتاب شرح التمارين بالتفصيل وبكذا راح تضمن الفل مارك.

وبالتوفيق.

[lively life]

وعليكم السلام ورحمة الله وبركاته

اممم محاسبة 117 سهلة وحلوة ....عني انا كونت اذاكر قبل الاختبار باسبوع تقريبا واتوقع انو يكفي كونت امسك السلايدات تبع الشبتر واخلصو والشي الي ماينفهم ارجعلو ف الكتاب او اني اتفرج ع الشبتر ف الكتاب حتى لو فاهمة الشبتر
وبعدها افتح التست بانك واحل كم مسئلة مختلفة ف الفكرة من التست بانك وامخمخها و بعدين احل مسئلتين من نفس الفكرة
صراحة ياخد وقت بس تضمن اقل تقديرممكن تجيبو بدي الطريقة تقدير b

**ايوا التست بانك ليها جدول ف البداية ترا مهم تقرا بداية التست بانك ع اساس هوا مقسملك المواضيع اللي تدرسوها ع الاسئلة عشان تاخد من كل موضوع سؤال وتعرف فكرتو
** وانتا تزاكر السلايدات فيه تقارير المالية اللي حاطها انكم ستيتمنت وشلتها انتبه لها تطلع منها قوانين وتساعدك ف الحل لو مثلا سال نهاية الشهر كم طلعلك صافي الربح و باقي التقارير عليها اسئلة تانية ومو شرط يجبلك هيا ك تقرير

[girl.k.s.a]

وعليكم السلام ورحمة الله وبركاته

متل ما قالوا المزز ,,

لابد تذاكر بحل التمارين وتختبر نفسك
أهم شي في أي مادة عملية هو التدريب على الحل
أمسك المسائل واتسلى عليها وأكتشف التركات الموجودة فيها
لأنو اغلب المواد العملية لازم يكون فيها تركات خفيفة