ضروري ضروري جددددا

[Assala.A]

السلام عليكم ورحمة الله وبركاته

كيفكم ؟

انا جدًا حالتي سيئه
بعد ما طلعت النتايج اليوم وبعد ما ارفقت جميع الاثباتات اللي تثبت اني ساكنه بجدة علمًا بانو شهادتي من المدينه
جاني انو نسبتي من نسب المدينه المنورة في القبول وما دخلت في القبول لانو النسب عاليه زي ما انتو عارفين مع انو نسبتي تدخلني لو انهم اخدو بالاثباتات اللي ارفقتها ايش الحل يا جماعه انا استحق القبول ازا على اخر نسبه هم قبلوها !! اراجع الجامعه ولا كيف انا دحين رسلتلهم استفسار اعلى الصفحه تتوقعو بيردو وهل فيه امل يتغير شي وممكن يعدلو وياخدوني في الفرز التاني! طمنوني الله يسعدكم والله مني قادرة اوقف بكا مني عارفه ايش اسوي

[Assala.A]

ردو عليا بأنو اجيب اثبات عمل الوالد في جدة
طيب ازا ماعنده عمل ! قاعدين يعقدوها ولا ايش انا اصلا من قبل رسلتلهم ايميل وردو عليا بس اثبات سكن

[picasso]

يروح ولي امرك لهم بالعمادة فرع الطلاب ويشوف ايش عندهم افضل
وان شاء الله يقبلوك

[Assala.A]

كلمتهم الان وقالولي
احضري لمبنى 29 وجيبي معاكي اثبات السكن و تعريف بالعمل
علما بانو اعمال الوالد اعمال حرة كما هي موجودة في الاحوال يعني راح اجبلهم اثبات من الاحوال بنوع عمله
بس السؤال هل راح اقطع سفرتي وارجع لجدة يوم الاحد وهم حيفيدوني ولا بس كلام يعني قيد فادو احد بشي رجاءا طمنوني

[بنت ناس وقلبي ألماس]

^^ راجعيهم والله ييسر لك أمرك

[Jawaherr7]

نصيحه روحي لهم وقدمي لهم كل شي ممكن يفيد في اثبات وجودك في جده واهمممم شي عشان تنقبلي انشبي لهمم وروحي لاكثر من وحده لا تعتمدي كلام وحده وتتحطمي
خذيها من مجربه وربي يسهل امورك ان شاء الله