ياشبااب مسااعدتكم والله نكبوووني !!

[متعقد]

السلام عليكم ..
شباب انا محتاج مساعدتكم .. اليوم فتحت الأودس وحصل شي غريب !!
لقيت مادتين من عندي غيروا شعبتها "بكل بجاحه " !!
يعني ماحذفوا الماده او شي .. لا غيرو شعبتي بدووون أي اشعار .. وانا متحنطر في الجامعه طول الأسبوع اسوي الجدول ودي اخرتها ..
أتمنى منكم المسااعده ايش اسوي في الحاله دي .. اراجعهم بالجدول القديم ؟؟
والا ايش بالضيط .. وماادري اليوم عندهم دوام والا لا < بالنسبه للشؤون التعليميه ..
وانا طالب متخصص الترم دا ماادري اروح للشؤون التعليميه والا للقسم حقي خاصة انو المواد
اللي عليها المشكله "عامه" ... أتمنى تردوا بسرررررررعه لأني مني عارف متى تنتهي اجراءات الحذف والااضافه..

[a_h_d]

الله يعينك

والله شيء يخوف من جد

ياريت تقول اش هي المادتين الي تغيرت شعبتها ؟

+ اشوف انك تراجعهم >>> جرب كل الأماكن ...حتى عميد الكلية

بالتوفيق اخي وان شاء الله تنحل مشكلتك

[مهندس الزعيم]

اخوي اللي اعرفه ان قسم الهندسة المدنية هم اللي يحطون الجداول من راسهم يعني حتى لو تسوي جدول وتخلصه يجون هم بعد اسبوع ويحذفونه ويحطون من عندهم ... انا اعرف كثير في الهندسة المدنية بعد ما سوو الجدول خلص وقعد يداوم يتفاجا بعد شهر انهم حذفوا مادة وحطوا وحده ثانية بدالها ... طبعا هم يحذفون ويضيفون في اول اسبوعين لكن لانه هو سوو الجدول خلاص مشى على جدوله ما درى انهم عدلوه من بعده ...

انت روح لقسمك المدنية وكلمهم وشوف وش يصير بس انتبه ما دام انك في المدنية الله يعينك يبغالك يوميا تراقب جدولك لا يكون حذفوا مادة وحطوا وحده ثانية بدالها ...

وبالتوفيق ....

[AbU_BaDr]

هلا اخوي

معروف قسم المدنية بالشئ هذا.. انهم يضبطون جداول الطلاب حسب ما هم يشوفون في الخطة والمواد الي انت مخلصها .. والشئ هذا من مصلحتك صدقني.. لانه في طلاب يضيفوا مواد وما يدرون هي متطلب وتفك شئ ولا لا.. فيتوهق الترم الي بعده وما يلاقي مواد ينزلها..

بالنسبة للشعب الي غيروها.. فأعتقد والله العالم انه غيروها عشان يقدروا يضيفوا لك مادة جديدة.. ممكن وقت الشعبة كان مو مناسب او كان متعارض مع المادة الي يبغون يضيفوها لك.. فعشان كذا غيروا لك الشعبة..

انت شوف جدولك الان اذا اوكي وكله تمام والاوقات تمام.. خلاص.. اذا حاس انه جدولك ضغط او الاوقات مو مناسبة لك.. راجع المشرف الاكاديمي تبعك وكلمه واشرح وضعك وما عليك

بالتوفيق

[روح الظبي]

الله يعينكـ

و قسمـ المدنيه معروف نظامه كانه مدرسه
هما يزبطولكـ الجدول

[gentle man]

حسب ما اسمع المدينة تشوفلك ذا بيست وتسويلك هوا