بنات..ياليت كلنا نتفق{ليندا..ورده}

[ss.o.s.s]

hiba

اي اثم واي عدوان يااااااااااااااااسااااااااااااااااااااااتر ...


لي رد بعد الاختبار الحين اذاكر..

[sosoana121]

سوسو ولا يهمك سوس

د. نجـــــــاح كل مره اروح لها تطلعني من المولد بلا حمص
لـكن ما يمنع انكم تحاولون

و ع سيرة المظاهرات مُنى عيني اسوي مظاهرة
اقصد تجمع سلمي << خـافت
بس ما أقدر اجي الجامعه خلصت اختبارات من اسبوع .. هع
خلوها في حالة اذا ما استجابوا لمطالبنا بداية السنة
ع فكرة اذا رحتوا لد. نجاح اسألوها من ماسك هالمادتين السنة الجاية
لأنهم وزعوا المواد في آخر اجتماع قبل الاختبارات
<< قلت لكم مداومة عند د.نـجــاح

[:::Zaza-.-MaZaza:::]

سوس =) الله يعوضك ان شاء الله بدرجات افضل السنة الجية
ترى في دكاترة يخشو على المنتدى دا ومنهم د. ليندا هيا كانت قالتلنا في كلاس من الكلاسات انها كانت دخلت على منتدى الجامعة وشافت بنت مدري ايش كاتبة عنها.... يعني حبيت اقلكم بــس عشان ممكن كل الي حابين تعملوه ينقلب راس على عقب !!!

[قلبي من زجاج]

المشاركة الأصلية كتبت بواسطة :::zaza-.-mazaza::: سوس =) الله يعوضك ان شاء الله بدرجات افضل السنة الجية ترى في دكاترة يخشو على المنتدى دا ومنهم د. ليندا هيا كانت قالتلنا في كلاس من الكلاسات انها كانت دخلت على منتدى الجامعة وشافت بنت مدري ايش كاتبة عنها.... يعني حبيت اقلكم بــس عشان ممكن كل الي حابين تعملوه ينقلب راس على عقب !!!

مع نفسها خليها تعرف الظالمه احنا ايش ناوين عليه عسى ربي يرويني يوم فيها
حااااقده عليها ومادرستني كيف لو درستني بجيب يومها

[hiba]

السلام عليكم ...
(( ما يلفظ من قول إلا لديه رقيب عتيد )) ,,,

أختي الغالية لا يغرّنـّك الشيطان ويقول لك أطعن ، إلعن، اشتم،
اغضب لله .
نعم سيقول لك اغضب لله ،،،
ولكن هل الغضب لله يكون بمعصية الله ؟

أين الأخلاق ؟؟أين الحبّ في الله بالمنتدى ؟
أين الغضب الحقيقي لله في المنتدى ؟
عندما تنتهك حرمات الله تعالى إياك و أن تكون شيطانا أخرس لا تتحرّك ولا تأمر بالمعروف ، ولا تنهى عن المنكر ،
ولكن آمر بالمعروف ، وأنهى عن المنكر ...

[الملكة المدللة]

السلام عليكم
أنا بأدخل سيده في الموضوع
بيني وبينكم غسلت يدي من كثير من بنات الجامعة
تخيلوا صحباتي أخذوا مادة قانون دولي عام مع وردة وانخسفت درجااتهم مرررة
ولما قالتلهم صحبتي أبغا أشتكي عند نجاح راحوا معاها ثلاثة بس ونجاح قالت الدكتورة لها حصانة وخرابيط كثيرة وقالت احنا ماجبناها من برا عشان نشكك فيها ...
المهم لما قالت صحبتي للبنات انها حتكتب خطاب للدكتور العطاس
كلهم كانوا أكثر من عشرين قالوا لا تكتبي أسماءنا واللي قال لا بطلت خلاص واللي قال بس اكتبي درجتي
والله والله مابقي إلا هي !!!!!
ورسلت الخطاب لها كم يوم باسمها فقط بس لسه ما أعرف إيش صار ؟؟؟؟؟؟
والسلاااااااااااااااااااااااااااااااااااااااام

[violllet]

المشاركة الأصلية كتبت بواسطة hiba السلام عليكم ...

المشاركة الأصلية كتبت بواسطة hiba (( ما يلفظ من قول إلا لديه رقيب عتيد )) ,,, أختي الغالية لا يغرّنـّك الشيطان ويقول لك أطعن ، إلعن، اشتم، اغضب لله . نعم سيقول لك اغضب لله ،،، ولكن هل الغضب لله يكون بمعصية الله ؟ أين الأخلاق ؟؟أين الحبّ في الله بالمنتدى ؟ أين الغضب الحقيقي لله في المنتدى ؟ عندما تنتهك حرمات الله تعالى إياك و أن تكون شيطانا أخرس لا تتحرّك ولا تأمر بالمعروف ، ولا تنهى عن المنكر ، ولكن آمر بالمعروف ، وأنهى عن المنكر ...

عزيزتي .. أين العدل و مراقبة الله و الرفق بطالب العلم عندما تضع الدكتورة اسئلة من جزء لم يشرح للطالبات ؟؟ <<و المبرر انها قالت الكتاب من الجلده للجلده معاكم

شخصيا احس حكاية د.وردة مع الطالبات حكاية تحدي و تعجيز .. قارني بين اسلوب د.صباح في المحاضرة و اسلوب د.وردة و شوفي الفاااااااااارق في التعامل و الرغبة الحقيقية في تعليم الطالبة و التفاني في الشرح و العطاء و حنية د.صباح على الطالبات اللي يتعبوا معاها ..

[روووني]

المشاركة الأصلية كتبت بواسطة :::zaza-.-mazaza::: سوس =) الله يعوضك ان شاء الله بدرجات افضل السنة الجية ترى في دكاترة يخشو على المنتدى دا ومنهم د. ليندا هيا كانت قالتلنا في كلاس من الكلاسات انها كانت دخلت على منتدى الجامعة وشافت بنت مدري ايش كاتبة عنها.... يعني حبيت اقلكم بــس عشان ممكن كل الي حابين تعملوه ينقلب راس على عقب !!!

فعلا فعلا حتى كلاس صاحبتي مره قالتلهم في كلاس واحد اختبر معايا قبل الاجازه وسبوني في المنتدى وماني عارفه ايش بس مو عليا انا عارفتهم لانو بعضهم مسجلين اسمهم الحقيقي واسم ابوهم

واكيد حتعرفهم لانو بس كلاسنا اللي اختبر وباقي الكلاسات لا

الله يعيننا على دي الاشكال

[ميس محامية]

اقلكم بالله لا تضحكونى ’’ يقلك الشكوى لغير الله مذلة قسما بالله لو من هنا للسنة الجاية تشتكو ما حتلاقو اى نتيجة اختكم في الله رجولها حفيت على المكاتب ومن مكتب لمكتب ومن وحدة لوحدة والله ثم والله ما حتلاقو فايدة وحتى رئيسة القسم تحاميلهم ومعاهم تقلك حرام نقطع عيشهم فلا تتعبو انفسكم دا شر لابد منه ,, ومالكم الا الدعاء طول الاجازة ادعو وان شاء الله ربنا يستجيب

[Miss.law]

الله يكتب لنا الخير

.
.