استفسار عن تسجيلي في دي الكلية ؟

[dr.crazY]

السلام عليكم ورحمة الله وبركاتو



ياليت من الطلاب يساعدوني ولكم مني جزيل الشكر


انا طالبه خلصت التانويه يعني ع السنه الجايه بإزن الله ويارب اكون جامعه

بس بدي استفسر دحين هما راح ياخدو نستي حقت تاني وتالت ويقسموها ع اتنين وتكون دي نسبتي ولا كيف

طيب ازا كانت كدا فمعناتو انا نسبتي المجموعة والمقسومة ع اتنين هيا 89%او تقريبا تكون كدا

وانا ليا رغبة كبيره اني ادخل كليه العلوم الطبيه التطبيقيه
فهل القدرات والتحصيلي راح يساعد اني ادخل دا القسم
ولا ماراح يقبلوني
.....


وسؤال تاني

ايش هوا التأهيلي ياريت توضحولي بالتفصيل ايش هوا؟


....

وجزاكم الف خير اتمنى الي يعرف يرد ويطمن قلبي


...

الله لايحرمكم من جناتو

[عزة نفسي_تكفيني]

وعليكم السلام ورحمة الله وبركاته

هلا يالغلا توكلي على ربكـ

نسبة الثانوي والقدرات ماا تحدد لكـ الكلية لا هي تدخلكـ الجامعه سنة تحضيري

والمعدل اللي تجيبيه في السنه التحضيري هي اللي تحدد الكلية اللي تدخليها

فإن شاءالله تدخلي سنه تحضيري-علمي

وشدي حيلكـ وان شاءالله تجيبي المعدل اللي يدخلكـ كلية العلوم التطبيقيه

وبالنسبه للتأهيلي اتوقع انه مافي فرق غير في مواعيد المحاضرات مااا تكوون صباح تبدأ من 12 إلى 5 العصر <<< اتوقع هذا اللي اعرفه

وإن شاءالله يفيدوكـ أعضااء المنتدى

بالتوفيق

[dr.crazY]

طيب كمان اخر سؤال


المعدل المطلبوب لكلية العلوم الطبيه التطبيقيه ايش هوا يعني 5-4,5 ولا كيف الله يخليكم جاوبو مراا متحطمه من النسبه وحلمي ادخل دي الجامعه

..

ويعني خلاص السنه التحضيريه هيا تحدد متأكدين :(

وشكرا ..

...


يعطيك العافيه يااارب عزة نفسي تكفيني تسلمي من جد تـــــــــــــــسلمي

[Hiromi]

على فكره هما مايمشو على المعدل يمشو على النسبة الموزنة في نهاية السنة التحضيرية


ونسبة الثاتوي والقدرات ماحتفيدك الا لدخول الجامعة

وبالتوفيق

[dr.crazY]

الله يسمع منك


ياشيخه الله يجعل كل حياااتك هنا وسعاده ياااااااحق


والله تسلمي طمنتيني اكتر


الله يعطيكم الف عافيه

[mzat kau]

هوا التقنيه الطبيه اول قالو 4.5 لي 5 لاكن الطب دحين دي السنه وقف عند 4.5 يعني تقريبا 89 النسبه الموزونه حقت الجامعه فاكيد انو التقنيه حتنزل من 4.5 لي 4 ان شا الله

وعلى التاهيلي مافي فرق نفس الدراسه بس انو المواعيد من بعد الظهر للعصر ومافي مكافات واظن انهم يدفعو فلوس
لكن انتي شدي حيلك عشان تدخلي انتظام لانو احسن ونسبه قبلوهم اكتر من التاهيلي وترا النسبه تبع الثانوي ماتنفعك الا لدخول الجامعه بعدين تشدي حيلك وتجيبي معدل ويدخلوكي تقنيه ان شا الله اكون افدتك