قسم العلاج الطبيعي و التغذيه

[mzat kau]

مممممم صراحه انا ماظن انو في شفتات لانو مو طواري اوشي هوا علاج طبيعي يعني بالجلسات
وبخصوص الاشراف اتوقع انو انتي تشتغلي مو تراقبي العمل لا لانك انتي الاخصائيه ولكن ماظن انو في جهد كبير زي انك تشيلي المريض وكدا طبعا لا

[جسيكا]

طيب انا حبه ادخل تغذيه

طيب كم النسبه اللي يقبلونه

انا نسبتي 93.35
[size="5"]طيبانا جبت في اختبار التحصيلي 73واختبار القدرات 66[/size]يعني يقبلوني في الجامعه وهذا التخصص

[mzat kau]

ياحبيبتي لو قبلوكي جامعه ماتتخصصي الا بعد مرور سنه كامله وعلى حسب معدلك ((( الجامعي ))) يخصصوكي تقنيه طبيه او اي شي فحاولي تشدي حيلك في الجامعه

نسبه الثنوي ماحتفيدك غير في دخول الجامعه

[عازفة البيانو]

المشاركة الأصلية كتبت بواسطة wow. السلام عليكم اخواني واخواتي لو سمحتم اذا امكن اللي متخصص في العلاج الطبيعي او التغذيه ياليت يفيدني ويتكلم عن تخصصه وايش الصعوبات اللي واجهها وكيف اتغلب عليها وكيف مستوى الدراسه وكم ساعه في اليوم وكيف طريقة الاختبارات معليش اسئلتي كثيره بس حبيت اعرف منكم دي المعلومات لانكم مجربين وشكرا

منورين حبايبي

انا علاج طبيعي وراح اجاوبك

انا ماراح اتكلم عن التخصص عشان في موضوع كامل عنه منزلته الاخت miss choclet

اذا عن الصعوبات صراحه مافي قسم مافي صعوبات بس بالعزيمه كل شي راح يكون سهل

وكم ساعه في اليوم يختلف من سنه لسنه

لما كنت سنه ثانيه في الترم الاول ماكنت اخلص الا 3 ونص او 4

الترم الثاني صرت 2ونص 3

وسنه ثالثه برضوا ع الساعه اثنين
وطريقة الاسئله لا تخافي في كل شي

[عازفة البيانو]

المشاركة الأصلية كتبت بواسطة *rainbow* كويس فتحتو موضوع لانو عندي اساله ابغا احد يجاوبني عليها،، يلا يابنات العلاج الطبيعي همتكم،، اول شي،، لما تتخرجو يكون اسمكم أخصائية علاج طبيعي مو؟،، طيب اذا اخدت الماجستير اسير دكتورة ولا لازم الدكتوراه،، لما نتخرج اسمنا اخصائيين واذا اخذتي الدكتوراه راح تتسمي دكتوره تاني شي،، انتو الي تسوو العلاج الطبيعي للمرضى ولا بس مجرد تشخيص؟ ممكن بس تشخيص بس احيانا نحنا اللي نسوي تالت شي،، هل تتخصصو في شي معين في العلاج الطبيعي يعني مثلا بس علاج طبيعي للأطفال أو للمسنين وكدا ولا كلو تدرسو مع بعض وتسيرو تشتغلو لكلوو؟ في البكالوريوس تدرسيه كلو مع بعض واذا كملتي ماستر تتخصصي في شي معين رابع شي،، بالنسبة للوظيفة هل تكونو اقل من الدكتور بكتير في الراتب والمستوى الوظيفي ولا كيف؟ طبيعي راح تكوني اقل بس مو بكثير عشان كل واحد له مهمه خاصه فيه وطبعا مهمة الطبيب اكبر بس هادي اهم الاسئله وازا جا شي في بالي حرجع اسال بس بليز اللي مايعرف يقول ماعرف بس لاتجاوبو وانتو مو عارفين لانو دا مستقبل ووظبفة عمر مانبغا ندخل على اساس شي ونتفاجأ بشي تاني،، ومشكوريين مقدماا،،

ولا شكر على واجب ياعسلز

[mzat kau]

مشكوووووووووووووورة ياعازفه البيانو والله ماقصرتي بس بسالك عن الرواتب كيف تقولي اقل من الطبيب فايش يعني مافهمت طيب ويعني تكون بحدود كم هيا !!!

[wow.]

شكراااااااااااااااااااااااااااااا ياعازفةالبيانو ماقصرتي ياعسل

[عازفة البيانو]

ياعسلز ليش تخلي الراتب والوظيفه همك

خلي همك انك تدرسي حاجه انتي تحبيها وتقدري تطوري نفسك وتبدعي فيها

والله الرواتب عشان ماهمني فما اعرف

واذا تبي تخصص تتخرجي وتتوظفي بسرعه مافي الا التمريض هما اسرع ناس يتوظفوا

[mzat kau]

مو مشكله انا ماهمني الراتب بس استغربت انك تقولي اقل بس علشان كدا اصلا مافراسي وظيفه انا ابا اتعلمو لنفسي
بس عموما انتي عندك خرة اكتر هوا في وظايف علاج طبيعي ولا مو مطلوب !!!

[عازفة البيانو]

ايوه اقل من راتب الطبيب

هل تقارن انسان دارس 7 سنوات بشخص دارس 5 سنوات

ولا تقارن الطبيب اللي يداوم شفتات وليل ونهار بدوام من 8 الى 5 بالكثير

انا ما اقلل من شأن العلاج الطبيعي بس هذي الحقيقه

واذا عن مطلوب او لا صراحه ما اعرف بس اقولك بما انه تخصص جديد فان شاء الله يكون مطلوب