ممكن تدخلون للمساعده مهم

[jooli]

السلام عليكم

امم انا طالبه متخرجه من الثانويه هذي السنه

حبيت استفسر واسالكم لانوماعندي خلفيه وانتو اعلممني

هو التغذيه نفسو الهلث كير..؟؟

وهل انا اقدر اسجل بجامعة الملك عبد العزيز بفلوسي .. ؟ واذا ممكن باي تخصصات.؟؟

وشكرا لكم مرررررررررررره

[mzat kau]

اهلا ياقمر معليش الرد جا متاخر شويه
التغذيه في لها قسمين قسم في كليه الاقتصاد المنزلي وهادا عام وعربي وتتخرجي بكالريوس
وقسم في كليه العلوم الطبيه التطبيقيه واسمو تغذيه اكلينيكيه وتتخرجي اخصائيه ودرساتو بالانجليش

دحين هوا المواد فيه كلها كيميا واشياء كدا وتعملي الغذاء الصحي وكيفيه علاج بعض الامراض عن طريق الاكل وكدا فممكن يكون هلث كير

وماينفع في جامعه عزوز تجخلي اي كليه صحيه بفلوسك ولكن في نظام الانتساب تدرسي بفلوسك 3000 في الترم في كليه الاداب والعلوم الانسانيه واظن الاقتصاد والادارة واس استفسار انا جاهزة ياقلبي ان شا الله اكون افدتك
بالتوفيق

[jooli]

مشكوره حبيبتي ع الرد

معليش قلبي ابزعجك بس الانتساب .. يكون بقلوس صح .؟؟ وتقدر الي تسجل فيه انهااتحضر محاضرات مع الانتظام ..؟؟ وهل اذا جابت نسبه كويسه تقدر تحول انتظام.؟

ومشكوره ياقلبي
وارجو الرد بسرعه

[mzat kau]

عادي ياقمر اسالي اللي تبي لاازعاج ولا شي الانتساب ايوه يكون بفلوس 3000 للترم ايوه تقدر تحضر بس ماتحط اسمها بكشف الحضور وفي ايضا شي اسمو السنه التاهيلي هادي للاقسام العلميه 8000 يحضرو زي الانتظام كل يوم بس اللي اعرفو انها مالهم فرصه لدخول الكليات الصحيه فهمتي فانتي ان شا الله يقبلوكي انتظام او انتقالي اللي هوا نفس الانتظام لكن لارسوم ولا مكافاه وللعلم ترا الانتساب لكليه الاداب والاقتصاد والادارة ماينفع يكون انتساب كليه العلوم التطبييقيه

وبالنسبه لي النسبه انو تجيبي معدل عالي لمده ترمين متتالين مافتكر 3.75 او 4 علشان يحولوكي انتظام
وبالتوفيق ياقلبي

[jooli]

مشكور حبيبتي انا الحمدالله قبلو بالجامعه ويارب اكون انتظام

انا استفسر لصديقتي .. تب هي كيف تسجل باتاهيلي..؟؟

[mzat kau]

التاهيلي لسه ما بداو تسجيل اظن شوفي على موقع الجامعه القبول للتاهيلي وتعرفي متى يبدا بالتوفيق