الى كل من له علم في التخصصات الطبية !

ahmad smart · #1 31-07-2009, 02:15 AM

انا طالب حاسحب من الجامعة واقدم على المرحلة الخامسة
حبيت تقولولي اش هيا هادي الحاجات
1- الاشعة
2- علاج طبيعي
3- تقنية طبية
4- تقنية مختبرات

mzat kau · 31-07-2009, 02:45 PM

اهلييين اخوي
عندك هادي هيا تخصصات كليه العلوم التطبيقيه
اول شي هوا تقريبا مافي فرق بين التقنيه الطبيه والمحتبرات لان المختبرات تندرج تحتها

وكلها تتخرج منها بدرجه البكالريوس وتكون اخصائي
عندك الاشعه يعطوك فيها الاسس الازمه لممارسه التصوسر الاشعاعي واساليب الطب النووي والذبذبات الصوتيه وقدرة العمل مع الاطباء في فحص الكسور واعطال الجسم المختلفه وكدا يعني تكون اخصائي اشعه
وبالنسبه للعلاج الطبيعي هادي زي لمن تنكسر رجلك لاقدر الله تقوم تعمل جلسات علاج طبيعي علشان تخف اسرع يعني يعلموك القواعد الخاصه باستخدام الوسائل العلاجيه المختلفه علشان تقوم امراض الباطنه والقلب والصدر والعظام والاطفال والاعصاب كمان وكمان بيقوم اخصائيين العلا الطبيعي بتطوير الاداء الحركي
وفي موضوع في دا القسم كمانا حيفيدك اكتر
وقسم تقنيه المختبرات يدربوك عل التحاليل للعينات الحيويه والمرضيه المتعلقه بالحاله الصحيه وتعتبر من اوائل الموشرات علشان يعينو الحاله المرضيه
وكمان في قسم انتا ماقلتو اللي هوا التغذيه الاكلينيكه وهوا العلاج بواسطه الغذاء الصحي وكدا

سنوات الدراسه في دي الاقسام كلها 4 سنوات بالاضافه الي سنه تدريب بالمستشفى تسمى سنه الامتياز

بالتوفيق وادعيلنا ربنا يسهلنا تخصصاتنا واي سوال احنا حاضرين

ahmad smart · 01-08-2009, 10:19 AM

شكرا على الرد الجميل
والله ييسرلك التخصص الا تبغي باسرع وقت ويجعلك تحبي المذاكرة

mzat kau · 01-08-2009, 05:45 PM

آمييييين ربنا يسمع منك

الى كل من له علم في التخصصات الطبية !

منتدى كلية العلوم الطبية التطبيقية