عمارة مستوى 200

[BaraaGhabban]

السلام عليكم ورحمة الله وبركاته ..

مبروك لكل المتخصصين وان شاء الله تبدعو في تخصصاتكم ..

عندي استفسارات بسيطة إذا سمحتو لي ..

انا نزلت المواد دي بما إني مستجد بالقسم ..

Ar292 = المرسم ..

Ar211 مع المهندس ريان سحاحيري ..

Ar230 مع الدكتور هشام مرتضى ..

La250 مع دكتور رجب محمد ..

ابغى أرائكم في الدكاترة اذا سمحتو .. ونبذه بسيطة عن كل مادة ..

وايضا استفسار عن المرسم في تسجيله من الأودس هل اختار اي شعبة ولا لكل مرسم شعبه ..

وشكراً ..

[احمد ربيعة]

ابعد عن ريان لانه متحمس زيادة عن الازم وكمان ابعد من نايف النجار ذول شايفين نفسهم ولا تغرك ابتسامتهم يما تحت السواهي دواهي

[BaraaGhabban]

يعطيك العافية ..

بس تنصحني بمين لمادة ar211

وايش رايك بدكتور هشام مرتضى ..

وايش رايك بدكتور محمود احمد احمد عيسى ..

[general200]

شكراً على الموضوع

بالنسبة لاستفسارك عن شعب مادة ar292 :مو مشكلة تضيف اي شعبة وبداية الترم تختار المراسم

وانا بأستفسر عن جدولي بعد اذنك براء

Ar211 .. 2 مع محمود عيسى
Ar230 .. 3 مع جاهد تارم
Ar292 .. 6
Arab .. 3
Isls201 .. 2

المجموع 16 ساعة

ابغى رايكم في الدكاترة خصوصاً جاهد تارم
واذا تنصحوني بمادة من الكلية انزلها بدل العربي .. لكن غير la250 لأن مالها موعد مناسب

[كتكوت جدة]

شباب بعد اذنكم ..

عندي الجدول هذا
ar211 -- محمود احمد عيسى
ar230 -- جاهد تارم
ar292 -- انمار مدني
la22 -- ممدوح العطار

ايش رايكم في الجدول والدكاترة ؟؟؟
وحاب انزل مادة حرة ايش رايكم ؟؟ وبأيش تنصحوني من المواد الحرة ؟؟

ومشكور مقدما

[BaraaGhabban]

المشاركة الأصلية كتبت بواسطة general200 شكراً على الموضوع بالنسبة لاستفسارك عن شعب مادة ar292 :مو مشكلة تضيف اي شعبة وبداية الترم تختار المراسم وانا بأستفسر عن جدولي بعد اذنك براء Ar211 .. 2 مع محمود عيسى Ar230 .. 3 مع جاهد تارم Ar292 .. 6 Arab .. 3 Isls201 .. 2 المجموع 16 ساعة ابغى رايكم في الدكاترة خصوصاً جاهد تارم واذا تنصحوني بمادة من الكلية انزلها بدل العربي .. لكن غير la250 لأن مالها موعد مناسب

لا عادي خذ راحتك نفيد ونستفيد ..
في مادة La222 مادة بـساعتين افضل دكتور بنظري ممدوح العطار ..

بس عندي استفسار ايش رايك بدكتور محمود عيسى ..

[BaraaGhabban]

المشاركة الأصلية كتبت بواسطة كتكوت جدة شباب بعد اذنكم .. عندي الجدول هذا ar211 -- محمود احمد عيسى ar230 -- جاهد تارم ar292 -- انمار مدني la22 -- ممدوح العطار ايش رايكم في الجدول والدكاترة ؟؟؟ وحاب انزل مادة حرة ايش رايكم ؟؟ وبأيش تنصحوني من المواد الحرة ؟؟ ومشكور مقدما

بالنسبة لـ La222 خليك عند د كتور ممدوح عطار افضل دكتور .. بس لا تغيب وشارك معاه .. درستها الترم عندو والحمد لله أخذنا درجات عاليه .. اختباراتو جداً سهلة ..

والمادة الحرة تقدر تنزل فلك أو إقناع من برا الكلية ..

أو la250 من جوا الكلية ..

[general200]

المشاركة الأصلية كتبت بواسطة BaraaGhabban لا عادي خذ راحتك نفيد ونستفيد .. في مادة La222 مادة بـساعتين افضل دكتور بنظري ممدوح العطار .. بس عندي استفسار ايش رايك بدكتور محمود عيسى ..

La222 خلصت منها فعلاً من اسهل مواد الكلية اخذتها مع وائل ورفعت

بخصوص محمود عيسى صراحة ما اعرف الدكتور نزلتها عندو بس ابغى ابعد عن ريان
ريان بس يساعد ويدي درجات للي يعرفهم واللي ما يعرفهم ينزلهم الارض ولا يناقشهم
يعني نصيحة اذا ما يعرفك ابعد عنو

[general200]

وايش رايكم بمادة ar370 تشيد مباني مواد واساليب
هل المادة في مستوى طلاب 200 ولا بدري عليها

[BaraaGhabban]

المشاركة الأصلية كتبت بواسطة general200 وايش رايكم بمادة ar370 تشيد مباني مواد واساليب هل المادة في مستوى طلاب 200 ولا بدري عليها

والله سألت قالو سهلة .. يدرسها دكتور عمار دحلان ..

المادة بساعتين بالمعدل ..

حاولت انزلها لكن رفض النظام شكلو لازم من الكلية ..