موضووووع للنقاش ^_* ..,(شباب وبنات)

[Mo3ad]

وآلله الواحد يطبق حآليآ وشآيف الوضع بعينه : )
مآنقول الا الله يعين وبس ..

انا حاليا اطبق في مستشفى حكومي واول يوم داومت والله سرت زي المدري اي فاتح فمي
مرررره عادي اللاولاد والبنات وهروج وحكاوي واستهبال ومرررره اقل من عادي ماحسيت في حواجز حتى بالكلام والمزح ...

ع العموم الاختلاط ابتلاء والله بالزمن هذا .. والله يحفظنا منه وبس
وبعدين يآطآرق حيرتنآ معآك .. مره بتحول ومره بتكمل ارسى ع برُ ^^"

وبعدين موضوع الدراسة المختلطة ... ايش الهدف منهآ..!!
... يعني عندنا في امكانية انهم يفصلونا عن بعض الحمدلله شئ كويس هذآ صراحة
لكن بيئة العمل اجبارية يعني صعب يكون في فصل الاولاد والبنات فيها .. : )

وآلله آعلمُ (:

[DarkRoXaS 13]

اهم شي الواحد يعرف انو في حدود زي ما قال اخ Mo3ad الله يعين بس وبعدين لاحقين على هذا الشي لا تشيل هم ياطارق

[Radiology]

المشاركة الأصلية كتبت بواسطة طارق الحارثي السلام عليكم ورحمة الله وبركاته اخواني اخواااتي اللحين احنا ان شاء الله اذا تخرجنا من كلية العلوم الطبية التطبيقية ان شاء الله . اكيد دوامنا حيكون في المستشفى ... سواء شباب ولا بنات والدوام حيكون مختلط ..., فأيش الحكمة من ان الدرااسة ... في الكلية ماتكون مختلطة بس ابغى اعرف السبب ... لان صراحة يوم اروح مستشفى .. اعاني من احراج لما تشررف علي .. دكتورة او ممرضة .., لأني ماتعودت اني اتنااقش مع فتاة غريبة .. عاد كيف لما راح نشتغل سوآ .., شباب وبنات ..., الرجااء لا ينفهم قصددي غلط .. مع ان الارجح ان راح يتفهم غلط الموضوووع للنقاش

هههههههههههههههههه أتوقع هالموضوع مو مخليك تنام الليل !!

[قصة غروب]

والله من جد تاثير الفضاوووه عليك ياطاارق.
يالغالي الله يسعدك الاختلاط سواء ف الدراسه ف الكليه او ف المستشفى اتوقع ان اضراره اكثر من فوائده اذا كان ليه فوائد,لان ماشاء الله الشباب بس يشموا ريحة بنت بس مشيت من جنبهم ترووح علومهم وكل واحد صار روميو فمابالك اذا حطيتهم جنب بعض 8 ساعات في اليوم هههههههههههه وربي غير ........
عموما اخوي ف الاول والاخير هذا الموضوع يعتمد على اخلاق الولد والبنت لان احيان انت تكون مجبر ان المكان اللي تشتغل فيه يكون موجود فيه بنات فالواحد في الحاله هذي لازم ياقلم نفسه ع الوضع ويحط ف باله ان البنت هذي بنت محترمه وبنت ناس واللي جابك في المكان هذا نفسه اللي جابها وان شا ءالله الامور تمشي.
واذا احد سال انا من المؤيدين او المعارضين باقول انا من المعارضين لان كل الدول اللحين تحاول انه مايكون في اختلاط واحنا ندور عليه؟!!!
الله يستر علينا ويحفظنا بحفظه.

[weddah]

احس كليتنا اكثر كلية طبية حريصة في موضوع الاختلاط بين الطلاب والطالبات

وزي ما قالولك حتلاقي كتير بنات في الكلية عندكم حيصير شي عادي
وحتتعاونوا مع دفعتكم من البنات في جداول الاختبارات والمواعيد وكل شي
يعني حتتعود بنات كتير وزميلات ولمن تشتغل حيصير عادي وتتأقلم

انا كنت افكر زمان في حاجز التعامل مع المرضى بالذات احنا علاج نمسك المريض مو من بعيد لبعيد بس لان دكاترتنا اكترهم رجال ومعظم مرضانا اللي نعالجهم رجال فصار الموضوع أهون ومشي الحال

وزي ما قال معاذ ما نبغى نكسر الحواجز ونعدي الحدود بيننا كزملاء يكفي تكون علاقة زمالة طيبة

طول ما النقاش ماشي حلو بدون تجاوز يستمر الموضوع

[AM00NA]

^^

وده انتي تقولين انو فيه دكاتره رجال ..
كيف يعني الكلاس هو موجود كذا واحنا متغطين ؟
ولا زي الشبكة يشرح من عند الاولاد ؟

[THE HILL]

المشاركة الأصلية كتبت بواسطة am00na ^^ وده انتي تقولين انو فيه دكاتره رجال .. كيف يعني الكلاس هو موجود كذا واحنا متغطين ؟ ولا زي الشبكة يشرح من عند الاولاد ؟

هههههههههههه امونا يا قلبي حيكون قدامك من غير شاشه >< سالت قبلگ بس عادي الاغلب متغطين ^^< ربنا يستر

[weddah]

ايوه أمونة مبنى 13 دايما فيه دكاترة رجال يجيكم الكلاس وتتغطوا وعادي يشرحلكم

[TCHECO]

هههههههههههههه أخبارك طارق *_^

الله يعينهم عليك انت هنا وسلطان عندنا *_^...

شوف ياعزيزي الاختلاط في الكلية صعب جدا ويفتح أفاق كثيرة انتم في غنى عنهها ..
ولكن في المستشفى الامر ياخذ نواحي اخرى لانك اصبحت مؤهل وتعرف وش لك وش عليك ..
بالتوفيق لك ياحبي ولاتقطعنا ..
تقديري ..

[AM00NA]

ذا هيل .. والله اتوقعت شبكه ولا من بعيد ولا اي شي بس اهم شي مو في الكلاس ههههههههه.. الله يعين بس..
يسلموووو ع الرد ^_^


وده .. شكراً يآعسل دآيم تفيديني ربي يسسعدك..

طآرق .. الهيئة لا تشوف الموضوع ههههههههههه ... ^_^