موعد الملتقى العلمي الثامن لكلية العلوم الطبية التطبيقية

[Dr.candy]

السلام عليكم يا ايها الشعـــــــــــــب الطبيين التطبيقين

واخييييييييييييييييييييرااااااااااااااااااااا عرفنا شي عن الملتقى العلمي


اعلان هام

من المنتدى الرسمي لجامعة الملك عبدالعزيز

كلية العلوم الطبية التطبيقيه حيث اعلن عميد الكلية / هيثم زكائي عن موعد الملتقى العلمي الثامن الذي سوف يكون باذن الله يومي الثلاثاء والاربعاء 8-9 ربيع الأول 1433 ان شاء الله ...




مقتبس من كلام دكتور هيثم في المنتدى الرسمي للكلية

"اشكر كل من شارك في الموضوع
الملتقى الثامن سيكون يومي الثلاثاء والاربعاء 8-9 ربيع الأول 1433 ان شاء الله.
ياريت كل الاقسام تستعد من الان لعمل الاركان الخاصة بها. السنة دي نبغى نشوف منافسة حقيقية بين الاقسام.
وكمان ياريت كل ابناءنا وبناتنا طلاب الامتياز يجهزوا ابحاثهم وترى الجوائز ح تكون قيمة.
تحياتي"


مصدر الخبر

http://forum.kau.edu.sa/vb/ssaie-cau...caecaae-15199/


يلا يلا شدو الهمــــــــــــــة نبغى نتفاعل و نتنافس .....

[K.RAD]

حركات ... الله يسعدك ويوفقك يارب ...

شكرا شكرا لنقل الخبر من مصدره

بس اسالي مشرفتنا يمكن الروابط ممنوعة

[Dr.candy]

^^
يس يس انا عارفة ان شرطتنا المرورية بتعدل الموضوع

عادي والله ..

[weddah]

ليه ما تقولي مشرفتنا الحلوه اللطيفة اللي تحبنا

ما نقدر نشيل كلام دكتور هيثم على راسنا

يعطيكِ العافية على الخبر احسه قريب مو مره بعيد
حيكون في بداية الترم التاني تقريبا ؟؟؟

ان شاء الله يكون ملتقى حلو واحلى من اللي فاتت
وكل قسم يبدع ويتميز كالعادة

[الكبير كبير]

يسسسسسلمووو كـآندي

يعطيك العافية

ان شاء الله نشوووووف منافسة حلوة

ومعلومات قيمة زي آوول

[Dr.candy]

المشاركة الأصلية كتبت بواسطة weddah ليه ما تقولي مشرفتنا الحلوه اللطيفة اللي تحبنا ما نقدر نشيل كلام دكتور هيثم على راسنا يعطيكِ العافية على الخبر احسه قريب مو مره بعيد حيكون في بداية الترم التاني تقريبا ؟؟؟ ان شاء الله يكون ملتقى حلو واحلى من اللي فاتت وكل قسم يبدع ويتميز كالعادة

وولا يهمك يا احلى مشرفة اللطيفة الامورة تبعتنا

يس يس على بداية الترم الثاني وكمان احس قبل ما ندخل في الدراسة و نتعمق مع الاختبارات

يارب ان شاء الله يكون غيييير

[Dr.candy]

المشاركة الأصلية كتبت بواسطة الكبير كبير يسسسسسلمووو كـآندي يعطيك العافية ان شاء الله نشوووووف منافسة حلوة ومعلومات قيمة زي آوول

الله يعافيكي ويقويكي

ان شاء الله وانتو شدو الهمة نبغى شي من التمريض ..

[bayan sait]

طيب نحن سنة تانية نقدر نشارك فيه ؟

و الكورنرز دي يعني كل قسم كورنر و لا كل سنة من كل قسم ينفع ؟!
يعني نحن تانية علاج لازم نكون مع تالت و رابع ولا نقدر نعمل شي لنا مستقل ؟!
و فين حيكون ؟!
و ايش الحاجات اللي ممكن كل قسم يقدمها و يعرضها ؟

[weddah]

اسمحولي اجاوب على بيان

اكيد تقدروا تسجلوا سنة تانية وتاخدوا شهادة حضور وعليها ساعات اكاديمية

الكورنيرز يكون لكل قسم كورنر واحد وسنة ثالث هما المسؤولين عنه يوقفوا عليه
يعني ما نبغى نكلف عليكم لسه جديدين
لازم تجوا تشوفوا الوضع عشان السنة الجاية حيكون مسؤوليتكم

حيكون في قاعة المؤتمرات ان شاء الله

وممكن تشاركوا بالأشياء اللي تنحط في الكورنر
وممكن يعملوا معرض فني زي كل سنة الكل يقدر يشارك فيه
بس الابحاث والبوسترز تكون من الامتياز غالبا وممكن سنة رابع

حيكون فيه فطور وغدا

وفي نهاية الملتقى يكون فيه جوائز للحضور وافضل كورنر وافضل ابحاث واشياء كدا

هذا باختصار اللي نشوفه كل سنة

[bayan sait]

المشاركة الأصلية كتبت بواسطة weddah اسمحولي اجاوب على بيان اكيد تقدروا تسجلوا سنة تانية وتاخدوا شهادة حضور وعليها ساعات اكاديمية الكورنيرز يكون لكل قسم كورنر واحد وسنة ثالث هما المسؤولين عنه يوقفوا عليه يعني ما نبغى نكلف عليكم لسه جديدين لازم تجوا تشوفوا الوضع عشان السنة الجاية حيكون مسؤوليتكم حيكون في قاعة المؤتمرات ان شاء الله وممكن تشاركوا بالأشياء اللي تنحط في الكورنر وممكن يعملوا معرض فني زي كل سنة الكل يقدر يشارك فيه بس الابحاث والبوسترز تكون من الامتياز غالبا وممكن سنة رابع حيكون فيه فطور وغدا وفي نهاية الملتقى يكون فيه جوائز للحضور وافضل كورنر وافضل ابحاث واشياء كدا هذا باختصار اللي نشوفه كل سنة

اهاا نااايس
بس كيف حيكون التسجيل وكدا !

we trust سنة تالت إن شاء الله حيفوزونا
و بعد عمر طويل لازم السنة الجاية تجي و تشوفي كورنرنا