ll حياكم الله ..هنا للإجابه على أسئلتكم أحلى دفعه ll med 12

[أبو مالك2005]

قال الله تبارك وتعالى: وَمَا عَلَّمْتُمْ مِنَ الْجَوَارِحِ مُكَلِّبِينَ تُعَلِّمُونَهُنَّ مِمَّا عَلَّمَكُمُ اللَّهُ فَكُلُوا مِمَّا أَمْسَكْنَ عَلَيْكُمْ [المائدة:4]

[عاشقة التحدي]

السلام عليكم ورحمة الله وبركاته
عندي كم سؤال
1\بالنسبة للي حنكتبو في المعامل هل هوا داخل في الاختبار النصفي والنهائي؟؟يعني اللي ندرسوو في المعامل(العملي)حيكون خاص فيه اختبارو العملي وبسس ولا لأ؟<<عشان بعرف اجيب للمعامل دفتر لحالو ولا كل معمل مع مادتو
2\بالنسبة للترمنولوجي كنتو تكتبو فيها شي ولا لأ؟

[بشائر الفرح =)]

المشاركة الأصلية كتبت بواسطة عاشقة التحدي السلام عليكم ورحمة الله وبركاته عندي كم سؤال 1\بالنسبة للي حنكتبو في المعامل هل هوا داخل في الاختبار النصفي والنهائي؟؟يعني اللي ندرسوو في المعامل(العملي)حيكون خاص فيه اختبارو العملي وبسس ولا لأ؟<<عشان بعرف اجيب للمعامل دفتر لحالو ولا كل معمل مع مادتو 2\بالنسبة للترمنولوجي كنتو تكتبو فيها شي ولا لأ؟

وعليكم السلام ورحمة الله وبركاته
أهلاً وسهلاَ ,

إيوا اللي حتدرسوه بالعملي يكون خاص بإختبار العملي فقط واللي تكتبيه مع الدكتوره في المعمل يكون خاص بإختبار العملي , يعني ماراح يسألوكم ف إختبار التظري عن حاجه أخذتوها عملي والعكس بالعكس ,,


الترمنولوجي إيوا إذا حابه تكتبي نوت مع الدكتوره ف دفتر أو ف الكتاب على ستكرز + بالإضافه إلى الواجبات اللي هيا تمارين نحلها بنفس الكتاب ..

بالتوفيق يارب :)
ومعليش ع التأخر بالرد

[ذهب محمد الى الحديقه ولعب]

سلام عليكم

اكون شاكر لكم كثير اذا رديتوآ قبل مايجي بكرا ..

طبعا بحكم اني علوم طبيه اساسيه ماعندي مقابله وحضررت اليوم للمسرح وماكان مفيد بالدرجه الكبيره بالنسبه لطلاب علوم طبيه اساسيه اكثر الكلام عن المقابله الشخصيه ومسيرة طلاب الطب والسنوات السريريه وما الى ذلك


المهم قررت اني بكرا ما احضرلهم .. راح اروح للعماده واغير البطاقه بعدها بروح لاقرب محل سكرب ولاب كوت

فحاب اسال عن اقرب المحلات للجامعه... مافيني للمشوره وكمان اذا ممفتوح ولا لا قبل الظهر

وكمان سؤال بخصوص الكتب ... احترت ناس يقول خذها وناس يقولو ثقيله ع الفاضي والمذاكره تعتمد على السلايدات ...

ابغى اعررف اشتري كتب بكرا ولا لا واش هيا اذا بشتري وانتظر الاسبوع هذا يعدي واشتري نهاية الاسبوع .؟؟ واش هيا الكتب المهمه (اسماءها ) واقرب محل برضو من الجامعه :)


اتمنى تجاوبوني في اسرع وقت وشكرا

[بشائر الفرح =)]

المشاركة الأصلية كتبت بواسطة ذهب محمد الى الحديقه ولعب سلام عليكم اكون شاكر لكم كثير اذا رديتوآ قبل مايجي بكرا .. طبعا بحكم اني علوم طبيه اساسيه ماعندي مقابله وحضررت اليوم للمسرح وماكان مفيد بالدرجه الكبيره بالنسبه لطلاب علوم طبيه اساسيه اكثر الكلام عن المقابله الشخصيه ومسيرة طلاب الطب والسنوات السريريه وما الى ذلك المهم قررت اني بكرا ما احضرلهم .. راح اروح للعماده واغير البطاقه بعدها بروح لاقرب محل سكرب ولاب كوت فحاب اسال عن اقرب المحلات للجامعه... مافيني للمشوره وكمان اذا ممفتوح ولا لا قبل الظهر وكمان سؤال بخصوص الكتب ... احترت ناس يقول خذها وناس يقولو ثقيله ع الفاضي والمذاكره تعتمد على السلايدات ... ابغى اعررف اشتري كتب بكرا ولا لا واش هيا اذا بشتري وانتظر الاسبوع هذا يعدي واشتري نهاية الاسبوع .؟؟ واش هيا الكتب المهمه (اسماءها ) واقرب محل برضو من الجامعه :) اتمنى تجاوبوني في اسرع وقت وشكرا

أهلاً وسهلاً حياك الله

أعتقد إنك اشتريت السكرب واللاب كوت هه أو باقي , معليش م ردينا عليك بدري
بس بالنسبه للمحلات فعندك المظهر الطبي و الأقمشه الخالده وفي الثوب السعودي والسويدي
وإذا قصدك أفرع قريبه من الجامعه فما اعرف والله
المظهر الطبي ف مركز دانيه - شارع حراء
الأقمشه الخالده ف شارع صاري - تحت فندق التلال الرمليه
السويدي له أكثر من فرع ف الخيمه والبوادي إختار اللي يناسبك :)


بالنسبه للكتب يا دكتور فعلى حسب الماده وكيفية تلقي المعلومه وبالتالي مذاكرتها

المصطلحات الطبيه - medical terminology
لـ chabner

مهم يكون الكتاب معاك لإن دراستك كلها منه

التشريح - anatomy

ف البدايه حتدرسوا من كتاب لونه أزرق مؤلف من دكاتره الكليه نفسهم
اسمه fundamentals of systemic anatomy
تشتريه وتدرس منه لإن مهم وطريقة عرض المعلومه فيه حلوه ومبسطه مع الصور

وكمرجع أكبر وأساسي لكل السنوات كتاب snell سيد كتب التشريح وأهمها

وبعدها حتبدأو ف lower limb وهذي الجزيئه كتاب الدكتور محمد داوود مرااا مفيد وفيه نفس المعلومات اللي تدرسوها ومرتبه بنفس الطريقه وسنيل كمانن فيه جداول ومرتب وشامل أكثر

وبعدها الـ upper limb - للدكتور محمد داوود برضوا أو سنيل

وبعدها abdomen and thorex الشيتات حتكفي تقريباً لإنها جزيئه قليله وسهله

وبعدها head and neak كنا نعتمد على الشيتات بشكل أساسي و سنيل حلو كمان


الكيمياء الحيوي biochemistry

فيه كتاب للماده كمرجع حلو إنك تقرأ منه ويساعدك على الفهم أكثر بس الشيتات بتغطي أغلبيه الماده فممكن تستعيره ف البدايه وبعدين تقرر تشتريه أو لا :)

اسمه biochemistry - 5th edition
لـ lippincott,s

علم الخلايا والأنسجه histology

الكتاب المقرر عليكم هو كتاب الهستولوجي من تأليف الدكتور محمد داوود معاه كتاب العملي
هو حلو الكتاب وأغلب المعلومات اللي فيه بتدرسوها بس تقدر تقول طباعته مو مره جيده بالإضافه إلى أن الشيتات بتكفي وسعره مو مرا غالي يمكن 70 أو أكثر م أفتكر

علم الأمراض pathology

حتبدأو فيه بعد الحج إن شاء الله .. وهذه الماده كتابها مهم ممكن ف البدايه حتقرأ منه للفهم والشيتات حتساعدك وتبسط لك أكثر بس بعدين على الترم الثاني حتحتاجه كثير إلى آخر سنه ف الطب يعني حيفيدك لقدام بإذن الله ..

والكتاب المقرر إسمه basic pathology
لـ robbins

embryology علم الأجنه

كتاب الماده هذي حلو ومبسط ومهم ف نفس الوقت لإن دراستك كلها تعتمد عليه
وهو من تأليف دكاتره الكليه .. اسمه medical ebryology - 3th edition

الثقافه والعربي ضروري تشتريهمم أو إذا تعرف أحد عنده الكتاب تستعيره منه

وبالنسبه للوقت اللي تشتريه فيه على ححسب الوقت اللي حتبدأو فيه أو على نهاية الأسبوع
المهم قبل م تبدأو ف المحاضرات وكله يعتمد على الماده وأهمية تواجد كتابها بين يديك وقت البدء فيها :)

والمكتبات في مكتبة المريخ والشقري وفرع خوارزم اللي ف نفس الكليه تلاقي فيها كل الكتب اللي تحتاجها :)

بالتوفيق يارب
والله يسهل لكم ويجعلها بداية مليئه بالنجاحات :)

[عاشقة التحدي]

كان فيه موضوع عن التطبيقات والبرامج الطبية دوران وما لقيتو
ممكن احد يدلني له؟؟

[بشائر الفرح =)]

المشاركة الأصلية كتبت بواسطة عاشقة التحدي كان فيه موضوع عن التطبيقات والبرامج الطبية دوران وما لقيتو ممكن احد يدلني له؟؟

أهلاً بك

أظن قصدك هذا الموضوع
Medical Apps For Apple's Product
للدكتوره شيماء الأحمدي ..

تفضلي

http://www.skaau.com/vb/showthread.php?t=422044

وبالتوفيق يارب

[sara g]

كيفك دكتورة بشاير لو سمحتي ابغى اسألك على كتاب سنل اخذ الاثنين او باي سستم
او ريجين لاني محتاره وماني عارفه خايفه اخذ واحد والخبط لان الترمين مختلفه من ناحية النظام ؟ وكمان مدحولي اطلس جرانتس انه حلو وبسيط هل برايك
انه مفيد وايش الاطلس اللي استعملتيه وحسيته حلو وفادك ؟ وبخصوص كتاب البايوكمستري والهستو
قالو انهم مهم مفيدين والسلايدات كاافيه ايش رايك وهل فيه اطلس للهستو ؟
طيب الموازي يحولوهم اذا كانت الاولى على الدفعة انا مو موازي انتظام فحابة اعرف على حكاية
الاوئل وكذا اللي اعرفه وقت التخرج ولا من الان فيه كذا الاولى على الدفعه والله يوفقك يارب وسامحيني طولت عليكي بالاسئلة بس والله مرره خايفة الله يوفقك ويرضى عليكي يارب ماتقصري

[بشائر الفرح =)]

المشاركة الأصلية كتبت بواسطة sara g كيفك دكتورة بشاير لو سمحتي ابغى اسألك على كتاب سنل اخذ الاثنين او باي سستم او ريجين لاني محتاره وماني عارفه خايفه اخذ واحد والخبط لان الترمين مختلفه من ناحية النظام ؟ وكمان مدحولي اطلس جرانتس انه حلو وبسيط هل برايك انه مفيد وايش الاطلس اللي استعملتيه وحسيته حلو وفادك ؟ وبخصوص كتاب البايوكمستري والهستو قالو انهم مهم مفيدين والسلايدات كاافيه ايش رايك وهل فيه اطلس للهستو ؟ طيب الموازي يحولوهم اذا كانت الاولى على الدفعة انا مو موازي انتظام فحابة اعرف على حكاية الاوئل وكذا اللي اعرفه وقت التخرج ولا من الان فيه كذا الاولى على الدفعه والله يوفقك يارب وسامحيني طولت عليكي بالاسئلة بس والله مرره خايفة الله يوفقك ويرضى عليكي يارب ماتقصري

أهلاً عزيزتي ,
الحمد لله إحنا بخير أهم شيء أنتوا تكونوا مبسوطين

بالنسبه لسنل فالأفضل by region لإنه أسهل لكم ف الدراسه و التناول بمعنى حيكون شرح الكتاب كله على مناطق الجسم شابتر عن الـ upper limb وشابتر عن lower limb وكذا يمسك مناطق الجسم منطقه منطقه ويشرحها ويفصل فيها بنفس طريقة دراستكم حيكون أسهل بكثير من by system لإن هذا تصنيفه على أساس أجهزه الجسم .. يفيدكم لما تكبروا شويه وتأخذوا المديولز :)

وبالنسبه للأطلس فجربت أطلس قرايز أعتقد هو اللي تقصديه :) أويمكن واحد ثاني المهم إنه جداً رااائع وصوره ممتازه لأبعد الحدود .. بس حلو بالنسبه للأطلس إنك تستعيريه بالبدايه وتشوفي نفسك معاه وطريقة دراستك وبعدها تشتري .. و الأطلس مرا مفيد خاصه لما تبدأو ف اللور والأبر والهيد أفتكر كنا نجيب الأطلس معانا على المشرحه وندرس منه على نفس العينه مرا كان يساعدنا :)

وبالنسبه للبايو والهستو فإيوا السلايدات تكفي وممكن إذا حابه تستزيدي للفهم تستعيري الكتب مو شرط تشتريها .. متى ما حسيتي إن الكتاب حيفيدك ومحتاجه ترجعي له لازم يكون معاك :) لكن إنتي لا تستعجلي حتدرسي المادتين هذي وتشوفي قد ايش الشيتات بتغطي المعلومات المطلوبه منكم والقراءه الإضافيه لا بأس بها إذا كان عندك وقت :)

أطلس للهستو أعتقد ايوا والله ماني فاكره مزبوط .. بس اللي متأكده منه إنه اللي كنا نحتاجه ونرجع له كثير الكتاب العملي ووبتكون فيه الصور اللي تأخذوها ف المعمل :) فمو شرط يكون عندك أطلس للهستو .. :)

بالنسبه للموازي وإمكانية التحويل فهذا الكلام اللي قالوا لنا إنه الأولى فقط بمعنى الأعلى معدل على دفعة الموازي تقدر تحول إنتظام وإيوا في بنات أعرفهم حولوااا والفرصه هذي متاحه لطالبة الموازي ف كل السنوات اللي بتدرسها مو بس سنه ثانيه يعني تقدر تشد حيلها وتحول بإذن الله مافي شيء صعب :)

حياك الله ف كل وقت
وإنتي اللي سامحيني ع التأخر ف الرد هه بس إنشغلنا بالدوام :)

اللهم آمين وإياك
دائماً ف خدمتكم :)

بالتوفيق يارب

[sara g]

جزاك الله الف خير ما قصرتي دكتورة بشاير
كنت اقصد الاطلس grants .. وبالنسبة للأوائل انا انتظام وحابة
اعرف هل عندنا نفس الموازي اوائل على الدفعه وكذا ؟والله يوفقك ويسعدك يارب لا تأخير ولا شيء