الأقسام المتاحة لدفعة 2012 طالبات

[Class of 11]

زي ما نزل لنا بالاودس في التسكين كان محدد قسمين فقط من اقسام كلية العلوم الطبية والتطبيقية (مختبرات وتمريض) وهادي صورة نتائج التسكين واقل نسبة قبلت في كل كلية للطالبات.


وفي كتير من دفعتنا مو عارفين اذا يقدروا يدخلوا اشعة وتغذية والأقسام الأخرى مع العلم انهم فتحوا في الاودس خيارات الأقسام للكليات الأخرى زي العلوم والتصاميم والفنون وغيره وما فتحوا للعلوم الطبية التطبيقية وده الشي اللي يشكك.


ملاحظة: موضوعي مجرد استنتاج لو في عندكم أي تعديل أو توضيح اتفضلوا انا بس غرضي افهم الموضوع والاخرين يستفيدوا.

[AM00NA]

اهلاً فيكي ..
رغبة " كلية العلوم الطبية التطبيقية فرع الجامعة الرئيسي تقنية مختبرات "
تشمل الاشعة التشخيصية _ التغذية الاكلينيكية _ تقنية المختبرات _ العلاج الطبيعي..
الكلام اللي فاهمينة الطالبات من دفعتك صحيح وراح يختارون الرغبات في الايام الاولى بإذن الله ..

كلامي " لا يشمل التمريض " ..
لإن رغبة قسم التمريض لحالها واللي اتخصصت فيه خلاص
اول يوم تداوم في كلية التمريض..
وبالتوفيق

[Class of 11]

مشكورة اختي، بس ابغى أعرف صحبتي اللي انقبلت في التمريض خلاص ما تقدر تصير مختبرات؟

[AM00NA]

ان شاءالله اذا قدمت تحويل في اول اسبوع في شؤون كليتنا
وكان يوجد اماكن شاغره في القسم سيتم تحويلها ..
عندنا بنات حولوا من التمريض في اول اسبوع والله يكتب اللي فيه الخير

[Class of 11]

جزاكِ الله خير

[طارق الحارثي]

صراحة في وقت التسكين في نااااس كثير اتلخبطوو ><
عشان مو مكتوب اشعة ومختبرات وعلاج طبيعي ...
بس مكتوب تقنية مختبرات ..
ليش ماييحطون في التسكين كل الاقسام عشان محد يلخبط !!

[AM00NA]

صحيح يحصل لخبطه كثير بسبب وجود كلمة " تقنية مختبرات "
لان البعض بيحسبه تخصص المختبرات بس
المفروض ينكتب " كلية العلوم الطبية التطبيقية " فقط
وفي الايام الاولى عادي يختارون الرغبات ..

[nebras1993]

معليه سؤال كمان ، انتي قصدك اول اسبوع دوام اللي تاريخ 7 شوال ، ولا اول اسبوع دراسة اللي تاريخ 14 شوال عشان بإذن الله اقدر احول من تمريض ل مختبرات . و قوليلي الحقيقة في امكانية تحويل من جد من التمريض للمختبرات ولا بس تهدي عليا ؟!!! ، معليه طمنيني مرة شايلة هم أني اقعد تمريض ، واروح لمين في الشؤون عشان احول من عندها ؟ ومرة جزأكي الله الف خير لو ساعدتني....... وشكرا

[AM00NA]

المشاركة الأصلية كتبت بواسطة nebras1993 معليه سؤال كمان ، انتي قصدك اول اسبوع دوام اللي تاريخ 7 شوال ، ولا اول اسبوع دراسة اللي تاريخ 14 شوال عشان بإذن الله اقدر احول من تمريض ل مختبرات . و قوليلي الحقيقة في امكانية تحويل من جد من التمريض للمختبرات ولا بس تهدي عليا ؟!!! ، معليه طمنيني مرة شايلة هم أني اقعد تمريض ، واروح لمين في الشؤون عشان احول من عندها ؟ ومرة جزأكي الله الف خير لو ساعدتني....... وشكرا

لا عزيزتي انا مابهدّي على أحد بكلام غير واقعي و ماقد صار (:
عندنااا 3 بنات او اكثر حوّلوا من التمريض للاشعة
وطبعاً نسبهم كانت قريبة من نسبة القبول في كليتنا..
روحي للشؤون بداية دوامهم اللي هوا اعتقد من 7 شوال
واطلبي تحويل وهما يحددو حسب النظام والاماكن الشاغرة والاكتفاء ..
عندنا مديرة الشؤون اسمها سرا الشمراني الله يسعدها قمممة في الاخلاق
كلميها وان شاءالله تساعدك في الموضوع
اول ماتدخلى كليتنا تلاقي مكتبها في غرفة على يسارك ..
وبالتوفيق والله يكتب لك اللي فيه الخير (:

[nebras1993]

مرة شكرًا .. تسلمي .... الله يسعدك و يوفقك يا رب زي ما ساعدتيني يا شيخة