استفسار دورة الحاسب والسنترا ... خطه أ

[Dloo*]

السلام عليكم
اخواني اخواتي
انا سنة تحضيريه انتساب خطه (أ)
ابغى اعرف بالنسبة لدورة الحاسب احنا نشترك ومجان ولا بالدفع وايش الموضوع والوقت والمكان والفائده
وابغى اعرف كمان بالنسبة للسنترا كيف ادخلها وكيف اداكر وكيف اعرف المحاضرات والتاشير
لاني بادن الله الواحد الاحد ابغى اجيب معدل عالي انشاءالله
وجزا الله الف خير من يساعدني ويفيدني
تحياتي الخالصه لكم ولمنتداكم القدير..

[Dloo*]

وين يا نآآآس ماحد رد
تكفووووون افيدوني

[برآءة حروف]

شوفي ياقلبي

لو انك بدل ماتستني احد يرد عليك ومشوار على مايردوا

في مواضيع للييييييييل موجودة في ذا القسم لو قريتيها بتعرفي كل شي بدون ماتسألي

الله يصلحك بس

يلا يالدووووبه عشان ماتزعلي حجاوبك .... بس لاتعيديها

اوك قلبوو

المهم دحين انو دورة الحاسب سجلي فيها لانك مرة حتستفيدي وحيدوكي عليها شهادة كمان

شوفي ياعومري هيا ماحتكون بفلوس ببلاش

وادخلي على دا الرابط حق التسجيل

http://www.alalamiahedu.net/cms/kau2...t_register.php

ودحين حنجي للسنترا

شوفي اختي الدورة حقتنا بتبدا 28/12 طبعا حيفتح عندك السنترا قبل المحاضرة بربع ساعة

واحسن لك تبدي تذاكري من دحين وتتصفحي الكتب وتقريها بتركيز

وبعدين لما يجي وقت الدورة تأشري المهم اللي بتقول عليه الاستاذة

ويبدا وقت الجد في المذاكرة

اتمنى اني قدرت اساعدك لو شويتين واذا انتي فحطتي في ذا القسم وشوفتي المواضيع حتعرفي كل شي بدون ماتسألي

وبالتوفيق قلبوو

تحيتي

^^

[هـــمـــس الطائف]

Dloo*

بالنسبه لدورة الحاسب هذي منظمتها جامعة الملك عبدالعزيز بفروع

معهدالعالميه يعني كل شخص يقدم على الفرع اللي بمنطقته

ومدتها ثلاث اسابيع والاشتراك بالمجان ..وطبعآ حتاخذي شهادة بنهاية الدوره

وفائدتها تطبيق عملي لمواضيع الكتاب وشرح لموضوع مبهم عليكي ...

وبالنسبه للسنترا لسى ياعسل مابدأت محاظرلتنا وماراح يفتح معاك السنترا الا قبل المحاظره ب15 دقيقه

احنا خطه أ محاظراتنا يوم 28_12

اتمنى افدتك ...

[lord fareees]

جزالك الله الف خيرررررررررررر

[Dloo*]

يآآآآآ لبــــــــــــى قلوبكم ,,,,,
فديتكم وفديت عمركم.
جزاكم ربي الف خير ...
برآءة حروف والله مافي حالي افحط في اي قسم..بس مررره شوووكرا اقوى شي...
وابغى اعرف يعني الحين ما اداكر ولا ادخل السنترا واسجل.
<< انا حاسه بنضرب منك اليوم

[أم نواااااف]

انا اشوف لازم تذاكري من الحين والسنتره زي ماقالو البنات ماراح تفتح الا يوم 28-12

[أحلى عسيريه]

الله يوفق الجميع يارب

[في منتهى الرقة]

بنات اختي خطه أ
تقدر تداوم مع طالبات الانتظام
ولا راح يمنعوها الامن من الدخول

[جمآآآنه]

مرة الموضوع فادني كلكم يعطيكم العافيه من عند اللي كتبت الموضوع الى عند اللي افادت باللي عندها..

بس عندي سؤال لو تكرمتو..

انا ابغى اسجل في الدورة وكل مرة يقول رقمك الجامعي غير مسجل لدينا..

ايش ممكن يكون الحل ما ابغى توفتني الدورة مرة الله يخليكم وانا من اهل الرياض يعني من كلامكم انو اقدر احضرها في الرياض..