اختبار انجليزي 101 وانتهى.... كيف كان؟؟؟؟؟

[ثامر بن جدعان]

بسم الله الرحمن الرحيم


الحمد لله الجميع اليوم أنهى أول اختبار من الخطه أ مادة الانجليزي 101
سؤالي للجميع ... عن مدى رضاك/ي عن اجاباتك بالمادة اليوم ..؟؟!!

وكيف النفسية بكرا
انا عن نفسي
اشوف نفسي راح اجيب a
وانتظركم
على فكره من الراحه النفسية اكتب الموضوع وانا في مبنى الاختبار
مبنى برنامج الأمير محمد بن فهد بالدمام

[ارق احساس]

الاختبار اليوم
يجنننننننننننننننن الحمدلله
الله يوفق الجميع
ادري قاطه نفسي بس حبيت اعبر

[ام حصوصي]

من جد الحمدلله كما ينبغي لجلال وجهه وعظيم سلطانه..
ويارب باقي المواد نفس الشي..
وبالتوفيق للجميع

[سنين الصمت]

طيب وش كان التركيز عليه؟؟؟؟

يعني وش تنصحونا نركز عليه من القاعدات؟؟

وكم فقرة جاكم؟؟

وهل القطعه من الكتاب؟؟؟


ياليت تقولو لنا الاسئله اللي حفظتوها؟؟ ينولكم ثواب

[الحربية999]

الاختبار الحمدلله مررررررة كان ناااااااااايس
والقطعة مو من الكتاب بس تجي في القطعة نفس الفوكابلاري اللي اخذناه وهو الشي المهم
واذا فاهمة القرامر انشاءالله بتمشي الله الموفق...

[ashmrane]

اعتقد بان اسالة الرياض غير لانه بعد الاختبار الكل زعلان ومتذمر وهذا رائي الكل اليوم وياشباب وصبايا خطه ب
انتبهو والله يوفقكم والله الاسئله صعبه ويكفي 60 سوال

[الفيـصل]

مبروك والله يوفقك ويوفق الجميع

ممكن تقول لنا وش جاء لكم في الاختبار
والقطع اذا تتذكرها أفيدنا فيها حنا خطه ب

[بث تجريبي]

والله صعب مره اختبار الرياض الله يعين

[بااتك]

اي هااف قود امبرشن ,, أيام ابتمستك

يعني أنطباعي جيد وأحس بتفاؤول والله من قدي هع هع هع << هذا الي عارف كلمتين وجاي يكشخ



الحمدالله الاختبار كان تافه جدا ,, وأن شاء الله كل الاختبارات مثل اختبارانا اليوم



وبالتوفيق للجميع والحصول على اعلى الدرجات

[الدآفور]

انا اختبرت في الرياض

وصراحة الأسئله أسهل من السهل..

موفقين،،