نادي في جدة

[أحلى جامعيه]

كيفكم يابنات ان شاء الله تكونو مبسوطين
كنت بسألكم على نادي في جدة جيد ونظيف وسعره يكون تمام
الي جربت نادي كويس ياريت تدلني عليه عن مكانه وسعره وكيف المدربات فيه
وجزاكم الله خير

[مني يغار الورد]

والله مااعرف لو في احد يعرف ان شاء الله يفيدك

[بطيخ بالحبحب]

شوفي ياعسل في كثير في حي الصفا ومن ضمنهم (نادي وعود) .......روحت و.سجلت بس ماروحت لظروف صارت لي
وعندك في مستشفى بخش اللي في حي الشرفية..........................يمدحوه كتير بس ماروحتلو
وكمان عندك في مستوصف السامرية في حي النسيم ................شفتوه حلو وعجبني وفيه ثلاثة مدربات واحده فيهم أمريكية يمكن أسجل فيه قريب واذا تبغي شيء قولي بس

[مشاعر]

النادي مستشفى الدكتور سليمان فقيه رااااااااااااااااائع
وسعره كويس وفي تخفيض اللطلبة

مشاعر

[noo0oona]

اللي في حي النسيم وين مكانه بالضبط وفيه سباحه والا ؟

[E7sasBanota ~]

في في شارع التحلية

نادي إيسبا

سعره 600 ريال

سباحة ساونا جاكوزي واجهزة وايروبيكس وكل شي

اظن انهم يسوولك جدول وتمشي عليه كل يوم شي

انا ماجربته بس مدحولي ياه

وعندي رقمهم اذا تبي تكلميهم

^.^

اجازة سعيدة

ودي

[مشمشانا]

نادي سليمان فقيه مرررررررررة كويس انا جربتوا قبل ثلاث سنين وانقطعت عشان الثانوية
بس خالتي دائما تروحله وتقول اسعاروا حلوة والنادي نفسه مرتب ونظيف وصحي وراح ترتاحي اذا سجلتي فيه

[أحلى جامعيه]

طيب ممكن اعرف ايش الرياضات الي موجودة في نادي سليمان فقيه وفيه سباحة ولالا وفين مكانو؟؟
الي عندها رقم نادي سليمان فقيه ياريت تعطيني هوا او ترسلو على الخاص

ويسلموووووووووووووووو ماقصرتو

[to0ofy]

ريحتيني
موضوعك جا في وقته
انا كمان كنت بدور على نادي
بس اهم شي يكون نظيييييييف ومرتب ومريح


سمعت ان سليمان فقية مرة حلو
بس ماعندي الرقم
اذا احد عندو ممكن يرسلي هو



سارسووووووووووووره
اذا ممكن ترسليلي رقم إيسبا

ععشان اشوف الاتنين

[E7sasBanota ~]

فقيه ترا كويس كمان ماما كانت مسجلة فيه

احلى شي بفقيه انك لو سجلتي وماقدرت تروحي مثلا يوم وتقوليلهم هوا وتروحيه يوم تاني مايروح عليكي اليوم ويضيع

وتقدري تجيبي زائرة << كنت اروح مع ماما


بس سعره اغلى من ايسبا اظن

اوك تووفي دحين ارسلك الرقم عالخاص ^.^


بالتوفيق لكم