المكافأة مستمرة رغم الاعتذار !!

عزيزة اللزيزة · #1 21-03-2011, 08:06 PM

السلام عليكم
كيف حالكم ؟

أنا طالبة ادبي وانزلي مكافأة 840 ريال

وقدمت اعتذار الترم الي راح بداية السنة ،، لكن المكافأة الترم دا نزلت لمدة شهرين وسحبتها ،،

وبعدين لما شفت انها مكافات بعد الاعتذار حسيت بالذنب وقلت يمكن ما يحق لي أسحبها ،،

هل اتصل على الجامعة وأبلغهم؟
ولا هي من حقي المكافأة.

ارجو الإفادة منكم

شكرًا مقدما =)

جلنـــار · 21-03-2011, 08:13 PM

^^^
غريبه يا عسل أنا وصحباتي كنا معتذرآت عن الترم اللي فآآت والمكافأه ما نزلت الشهر دآآ قالوا لنا تنزل مع شهر أربعة

ولمن أعتذرنا ما نزلنا غير مكافأة الشهر اللي اعتذرنا فيه !

موفقه يااارب

:)

عُمر الحربي · 21-03-2011, 08:21 PM

حلال لك يا بنت الحلال !

هذا حقك , ومن أبسط حقوقك بعد ,, واذا ما تبغينها , انا ابغاها !

:)

عزيزة اللزيزة · 21-03-2011, 08:21 PM

والله أنا استغربت كمان ، لكن هل هي من حقي دحين ولا فلوس حرام دي وما استاهلها؟

عزيزة اللزيزة · 21-03-2011, 09:17 PM

والله ماني عارفة
وخائفة اصرفها وتطلع مو حلالي ،، الا الفلوس الحرام

الخزاميه · 21-03-2011, 10:43 PM

غررررررررريبه

بس روحي اسألي

عزيزة اللزيزة · 22-03-2011, 12:05 AM

اسأل مين؟

بالذات انه حاليا انه مو في جدة ؟

ابغا كل وحد يقولي لو كان مكاني ايش يسوي؟

شكرًا

عزيزة اللزيزة · 22-03-2011, 07:42 PM

ايش رأيكم ؟

سلطان الروقي · 23-03-2011, 12:18 PM

والله وأنا اخوتس إذا انا مكانتس والله للهط الفلوس وما يشوفنها ههههههههههه

يا بنت الحلال إسمعي
الأن المكافئات تنزل لطالب لمدة 5 سنوات
يعني الطالب لازم يخلص الجامعة في مده اقصاها 5 سنوات مع المكافئة يعني إذا أنتي من الطلاب إلي يعتذرون كثير
وتروح عليهم أترام تنزل فيها مكافئات لكن إجباري إنتي راح تتأخري عن الموعد المحدد إلي هو 5 سنوات
يعني ممكن تكمليها في 5 سنوات وترم الترم هذا يكون بدون مكافئة .. وهكذا ...

عزيزة اللزيزة · 23-03-2011, 01:27 PM

ايوا يا سلطان انا فاهمة.

بس المشكلة انا مع بداية السنة الجديدة راح احول ملفي لجامعة في الشرقية. عشان كذا مترددة من ناحية المكافأة هل هي حلالي ولا لا.

يعني كأني خلاص سحبت ملفي من جامعة عزوز

المكافأة مستمرة رغم الاعتذار !!

ملتقى المسار الإداري و الإنساني إنتظام