ياليت تدوني ارائكم في دكاترة Phyz 202 ؟

[Eng.khaled]

السلام عليكم ورحمة الله كيف حالكم شباب

كل عام وانتو بخير جميعا


بس عندي كم دكتور ابغا استفسر عنهم لأني هذا الترم منزل Phyz 202

1 سعيد سالم سعيد بابكير
2 شمشاد احمد خان

ابغاكم تقولولي اش ميزات كل واحد وعيوبه من كل النواحي الدرجات , الكويزات ,الحضور,....

وجزاكم الله كل خير

وبالنسبة للمادة كيف زي Phyz 101 ولا اسهل؟؟

[3a9im88]

فيزياء المستوى الثاني .. عندك سعيد بابكير .. مرررة طيب .. بس أكتر شي يتضايق منو الصوت في المحاضرات .. و ما يدي أحد أقل من 13 من 15 في الحضور و الغياب مهما جبت في الكويزات و مهما غبت بس مو انو أكتر من 6 محاضرات اللي هيه حقت ال Dn .. حتى لو طردك من المحاضرة ما حيديك أقل من 13 ..
و أتأخر زي ما تبغا .. عاااااااااادي .. بس شرحو .. أنا عن نفسي صفررررررررررررررررررر ..
مالك غير ملخصات أشرف بركات اللي في مكتبة كده جنب بيتو .. جنب عزيز مول أسأل الشباب اللي ياخدو عندو يدلوك .. أو إنك تروح لأشرف بركات .. بس الماادة أسهل من المستوى الأول و ما فيها أي فهلوة .. هيه 200 قانون بالكتيييييير .. حفظها و السلام .. أو إنك تجيب الآلة الحاسبة هاديك اللي تسجل القوانين فيها .. و ترا عادي ما يشوفوها .. و تخش بيها و أخر حلاوة .. بس أكيد لازم تعرف تستخدم القوانين فين .. مو تخبيصلي ههههههه ..
هادا بالنسبة لبابكير .. أو إنك تروح لواحد تاني اسمو الكاظمي .. نظام حضوووووووووووووووووور و بدري بدري .. عشان تلاقيلك مكان و شغل حقك حقك .. بس شرحو و اللي ينكتب في السبورة هوا المهم ..هههه و كمان لازم تشتري الكتاب عشان الواجبات و الأشياء الطيبة دي هههههه ..
عاد انتا شوف كيف .. و بالنسبة للمعمل يا وااااد أبعد من واحد اسمو عينوسة .. شدييييييييييييييييد و عصبييييي ..
عندك الجفري كويس .. الزهراني عنصري .. أخطر مرة طبيب .. بس صدقني ما حتفهم شي .. حتصم التجارب كلها .. و دور على ال Cd حق المعمل .. من بدريييي

[Eng.khaled]

الف شكر والله انتا افدتني كتتتتتتتتتتير

يجزاك خير يا رب

[لابيلو]

خالد

انا اخذت المادة في الصيف مع شمشاد
امانة الدكتور مرررررررررررة طيييب في تعامله ودرجاته لكن شرح لو دورت في كل الجامعة ماراح تلاقي دكتور فيزياء يعرف يشرح وهذا معروف عن الجامعة انه اسوأ قسم هو الفيزياء
اللي اعرفه انه بابكير ما يدرس هندسة على الاقل في الصيف اللي راح

المادة مو مرة صعبة زي ما قال اخوي 3a9im88 كلها قوانين بس هو قال 200 انا اقولك 2000 قانون

والمعمل لا تاخذ عند الجفري الا اذا انت بايعها بامانة تراه في الدرجات مرررة بخيييل
انا اخذتها عند الزهراني وصراحة اعطانا فوق حقنا بكثييير



واهم شي مذكرة اشرف بركات هو ساكن في المنطقة اللي حول عزيز مول اذا تعرف مسجد الانوار جنب مدارس المنارات وفي ملاعب كووورة هناك كمان


اتمنى اني اكون افدتك ولو بشي بسيط


اخوك
لابيلو

[حمادجي]

طيب والدكتور سيد صبغت الله

كيف شرحه ؟؟

أهم شي الشرح كيف مو مهم درجاته واخلاقه

[JeDDaH BooY]

المشاركة الأصلية كتبت بواسطة لابيلو شرح لو دورت في كل الجامعة ماراح تلاقي دكتور فيزياء يعرف يشرح وهذا معروف عن الجامعة

صبغت الله شرحو مرررررة تمام وعن تجربة شخصية "