المدارس الأهلية, الرزق الجميل

[سووماا]

والله بالفعل موضوع تشكري عليه ..
أنا كمان معلمة في مدرسة أهلية براتب 1700 بداية رحت عندهم وأنا ما عندي إلا وثيقة التخرج فقط وبفضل الله وجدت مدرسة قبلت فيا وكانت مدرسة معرووفة وإدارتها تخاف الله وملتزمة زي أنا ماأبغى ، رحت قبلها في مدارس لكن ما يبغوا إلا خبرة ( الله المستعان كيف نجيب الخبرة وهما ما يرضوا يوضفوا أحد ) بدأت متوكلة على الله فيها والله العظيم ما كنت أعرف شيء درست واستفدت وروحت دورات وطورت من نفسي وأصبح لي شأن عظيم في المدرسة ومديرتي مبسووووطة فيا وحاطتني فوق رأسها وأنا ما أنسى لها هذا الفضل بعد الله حتى أصبحت واسطة عندها وتبغى معلمات تجي عندي وتطلبني اجيب لها وزاد راتبي مع زيادة الخبرة حتى وصل بفضل الله 2000 والحمد لله -
الآن بعد مرور ..سنوات في مدرستي الغالية عرض علي مدرسة أخرى براتب أعلى وراتب على مدارالسنة وأنا في حيرة من أمري هل أوافق وأترك المدرسة التي أضافت لي الكثير وأنا أيضا أضفت لها الكثيرعلما بأن مدرستي لا تعطي راتب في الإجازة وهذا الموجود في المدرسة الثانية وسمعتها مثل الأولى وأحسن
أنصحوني ماذا أختار علما بأنها بعيدة عن بيتي ؟؟..
وأنصح أخواتي الغاليات المبدعات بأنها تجرب المدارس الأهلية ولكن قبل الذهاب تدعععي وتلجأ إلى الله وتستخير في المدرسة والله بيساعدها ولا تنسى دعاء الوالدين حتى تأخذ خبرة وتطووور نفسها وما تنسى تخصصها وتتحمل التعب الموجود في المدارس الأهلية لأنهم فعلا يريد ون المعلمة النشيطة التي تكون كالنحلة والفائدة في الأخير لك اكتسبتي خبرة وتعلمتي أشياء أمكن لو كنت في حكومي ما تعلمتيها ..
أسأل الله العظيم أن يوفقنا لما يحبه ويرضاه ..ويرزق أخواتي اللاتي يبحثن على وظيفة وظيفة تسعدهن دنيا ودين ..

[مطالبة]

المشاركة الأصلية كتبت بواسطة سووماا والله بالفعل موضوع تشكري عليه .. أنا كمان معلمة في مدرسة أهلية براتب 1700 بداية رحت عندهم وأنا ما عندي إلا وثيقة التخرج فقط وبفضل الله وجدت مدرسة قبلت فيا وكانت مدرسة معرووفة وإدارتها تخاف الله وملتزمة زي أنا ماأبغى ، رحت قبلها في مدارس لكن ما يبغوا إلا خبرة ( الله المستعان كيف نجيب الخبرة وهما ما يرضوا يوضفوا أحد ) بدأت متوكلة على الله فيها والله العظيم ما كنت أعرف شيء درست واستفدت وروحت دورات وطورت من نفسي وأصبح لي شأن عظيم في المدرسة ومديرتي مبسووووطة فيا وحاطتني فوق رأسها وأنا ما أنسى لها هذا الفضل بعد الله حتى أصبحت واسطة عندها وتبغى معلمات تجي عندي وتطلبني اجيب لها وزاد راتبي مع زيادة الخبرة حتى وصل بفضل الله 2000 والحمد لله - ماشا الله الله يبارك لك في وقتك وجهدك الآن بعد مرور ..سنوات في مدرستي الغالية عرض علي مدرسة أخرى براتب أعلى وراتب على مدارالسنة وأنا في حيرة من أمري هل أوافق وأترك المدرسة التي أضافت لي الكثير وأنا أيضا أضفت لها الكثيرعلما بأن مدرستي لا تعطي راتب في الإجازة وهذا الموجود في المدرسة الثانية وسمعتها مثل الأولى وأحسن أنصحوني ماذا أختار علما بأنها بعيدة عن بيتي ؟؟.. بعيدة عن بيتك يعني حتحتاجي سواق؟ يعني الزيادة حتروح للسواق؟ لو لا وحتكسبي الزيادة بالإضافة الى رواتب الإجازة روحي عقدك مع مدرستك القديمة انتهى بنهاية العام مافيها احراج كل واحد يطور نفسه من حقه يلقى مكان يقدر هذا التطور مدرستك القديمة ماعندها امكانات تدعمك وانتي متميزة اش حتسوي, تدفني نفسك عندهم انا اقولك على شي لو مدرستك القديمة مستعدة تقدرك, بإمكانهم يحطوك مشرفة تعليمية على جميع معلماتهم او مدربة داخلية هم بيدهم يساندو تقدمكم لكن مايبغو هذا الشي مو ظمن خططهم لذالك روحي للمكان اللي يقدر يقدم لك فرصة تطور مثلا مدرسة اكبر سمعتها اقوى شوفي روحي لمديرتك كلميها بكل ذوق قولي جاني عرض راتبه ...عقد مستمر مو سنوي واستخرت الله وارتحت له لكن قلت اشاورك اذا فيه امكانية تحسني راتبي او تغيري وضيفتي لمشرفة ((بناء على تميزك)) خلي الكرة في ملعبها واديها فرصة تفكر وقفلي مكالمتك بأنك ارتحتي عندهم لكن حابة تطورين نفسك, ووضيفتك الحالية ماترضي طموحك وقولي لها ردلي خلال يومين لن المدرسة الثانية حتوقع معايه عقد خلال هذا الأسبوع انتبهي لا تقولك استنى لشوال وتكون ضيعت عليك فرصة العمل الجديد حتفكر هيه بس صدقيني حتحسبها وفقا لمصالحهم مافيها شي كل الناس كذا والشغل شغل وأنصح أخواتي الغاليات المبدعات بأنها تجرب المدارس الأهلية ولكن قبل الذهاب تدعععي وتلجأ إلى الله وتستخير في المدرسة والله بيساعدها ولا تنسى دعاء الوالدين حتى تأخذ خبرة وتطووور نفسها وما تنسى تخصصها وتتحمل التعب الموجود في المدارس الأهلية لأنهم فعلا يريد ون المعلمة النشيطة التي تكون كالنحلة والفائدة في الأخير لك اكتسبتي خبرة وتعلمتي أشياء أمكن لو كنت في حكومي ما تعلمتيها .. أسأل الله العظيم أن يوفقنا لما يحبه ويرضاه ..ويرزق أخواتي اللاتي يبحثن على وظيفة وظيفة تسعدهن دنيا ودين ..

نصايحك جدا رائعة
ان شا الله كلنا نستفيد منها


ربي ييسر امرك

تحياتي

[مطالبة]

عن السي في

طبعا اكيد قرئنا الكثير عن السيرة الذاتية في المواقع العربية
لكن خذوا العلم من اهله
الأجانب أكثر تقدم منا في مجال التقديم للعمل وكتابة السي في

حنشوف بعض ملاحظاتهم على السي في
واللي تخليه يسير مميز

ويحقق الهدف منه
لأن الهدف من السيرة الذاتية
الحصول على مقابلة عمل

(عشان كذا اقولكم احنا في نعمة ممكن تروحي تقدمي عمل وعلى طول تسوي لك مقابلة) بس اكيد من كثرة الوعي حيجي يوم نقدم سي في, وننتظر مقابلة العمل, اذكر لمن قدمت اول مرة كنت شايلة ملف تخرجي فيه وثيقتي وحسن السيرة, واستمرينا لسنوات نعبي ملفات ونسخ من شهادات الين وعيوا اصحاب العمل لأهمية السيرة الذاتية, وسارت الواجهة الأولى لك, اتصور الن لو واحدة تشيل وثيقتها ورتوح تقدم تعطي انطباع سيء انها مو قد مسؤولية لأنها شايلة ورقة رسمية في تقديم عادي.


على فكرة
عندنا نسميها سيرة ذاتية , في بريطانيا سي في في امريكا ريسم , لكن الدارج حتى هنا سي في

عن السي في
من خلال قراءاتي في المواقع الأجنبية:
(على فكرة انا مدربة اقدم دورة نحو وظيفة متميزة) وحكتب الخلاصة المهمة هنا:


- قبل تكتبي سيرتك تعرفي على العمل اللي مقدمة له, بصفة عامة يعني مقدمة عمل تربوي, تربوي احتياجات خاصة, تربوي موهوبين, تجاري, اداري, لأن سيرتك من اولها لأخرها لازم تكون مقصودة للوضيفة المرغوبة, لو بتقدمي لأكثر من وضيفة اعملي اكثر من سيرة, اكبر غلط تكون سيرتك نفسها نفسها لكل الأعمال, يعني مثلا في خانة التدريب مهم تبدئي بالدورات اللي تمس العمل المقصود, بتقدمي اداري رصي دوراتك الإدارية اولا وبعد كذا رصي الباقي, حكاية رص الدورات حسب التاريخ اكثر تنظيما واقل ذكاء, اصحاب العمل ينظرون بلمحة على سيرتك للبحث عن احتياجهم لمن تحطي 3 دورات ادارية في الأول يعطي قوة افضل من نشر الدورات الثلاث بين كل دوراتك بحجة الترتيب الزمني, وممكن ماينتبهو لها, لن العين مو صامتة لمن تيجي تطالع على طول ترسل انطباعات اول ماتشوف دورة اداري تحتها ثنتين تربوي بعدها واحدة اداري تعطي انطباع انك تربوي اكثر برغم انها لها نفس القدر من الدورات, ولا احد حيجي يدقق في تواريخ دوراتك هل هي مرتبة زمنيا او لا, وفي حالة قلة الخير واحد سألك ليش مو مرتبة زمنيا قولي دوراتي الأقوى في الأول في تلميح ان الدورات المرغوبة من قبلهم هي اقوى دوراتك بالتالي انتي ادارية درجة اولى.

- اكتبي باختصار شديد لكن اختصار ذكي عن كل شهاداتك, مثلا ماستر تربوي مع مرتبة الشرف الأولى, لو مرتبتك الثانية لاتذكريها قولي ممتاز, بكالوريوس بمعدل ...لو مو قوي اكتبي التقدير لو تقدير جيد لاتجيبي سيرته اكتبي بكالوريوس من جامعة... واكتسبي شوية من قوة الجامعة اللي انتسبتي لها, الأجانب يهتموا بكتابة المرحلة الثانيوية باعتبارها شهادة, هنا لو ثنويتك فيها شي مميز يعني من برى السعودية او مطورة واخذتيها في 2ونص سنة او فيها شي غير اكتبيها لو علمي وادبي لاتجيبي سيرتها عشان لاتغرقي في تفاصيل مو مهمة.

- يفضل ادراج معلومات الإتصال في الصفحة الأولى تحت المعلومات الشخصية لتسهيل الوصول لها.

- انهي سيرتك بهدفك من العمل ... , كيف تكتبي هدفك تنتقلي من الفايدة العامة للخاصة, بمعنى حتقولي انك (أهدف من خلال عملي كـ... إلى "هدف عام" و"هدف خاص" مستعينة بدرجتي العلمية وبما تحصلت عليه من دورات تدريبية ...وخبرات .) الهدف العام مثلا (لتطوير العملية التعليمية ) الهدف الخاص(لتنمية مهاراتي), يعني صيغيها اي صياغة, تشتمل على مسمى الوضيفة المطلوبة, هد عام وخاص, اعتماد على سيرتك, الخلاصة هدف من 3 جمل بالكثير.

- في خانة امكانات او مهارات, اكتبي عن لغتك الثانية حتى لو كتبتي في الدورات اخذتي دبلوم انجليزي تعالي في الإمكانات اكتبي اتقان اللغة الإنجليزية تحدثا وكتابة.

- اختمي سيرتك بعد الهدف بعبارة(الوثائق متاحة عند الطلب), تعطي ثقة اكبر بتوثيق كل كلمة في سيرتك اذا طلبوها.

- السيرة مقدمة لأوادم(بشر), والود ممكن تحمله كلمة, يفضل بالنسبة لي ختم السيرة بعبارة شكر بسيطة تحتها اسمك ثنائي وتوقيعك , التعامل الإنساني يجذب الكل, انتبهي لتوقيعك لايكون مرتبك .

- فيه خانة جديدة يفضل اضافتها وهيه خطة التطوير تجين تحتها تكتبين (اعتزم تطوير نفسي -ان شاء الله- خلال العام الحالي كالتالي) هذي خانة جدا مهمة جدا ذكية جدا امينة, يعني اولا فكري هذي ايت سيرة التربوية والا الإدارية والا لأي عمل حتقدميها!!! حسب العمل فكري كيف ممكن تطوري نفسك في المجال هذا, مثلا لو حتقدمي اداري اكتبي (-دورة خدمة العملاء- دورة مهارات البيع الذكي) لو حتقدمي تربوي اكتبي( ماستر مناهج وطرق تدريس- دورة لغة الجسد-دورة التعامل مع ذوي الطباع الصعبة) طبعا اذا مسكتي الوضيفة ففعلا حتحاولي تطوري نفسك لو مو اللي كتبتيه لكن خلال عام حتروحي لمديرتك معاك اثبات حضور دورة وبكذا حتعرف انك كنتي ناوية تطوري نفسك وفعلا طورتيها (في ايش مو مهم), يعني حطي خطة تطويرية لو ماتوضفتي انتي اصلا حتطوري نفسك ولو توضفتي برضو حتطوري نفسك لكن حتوفقي تطويرك حسب وضيفتك, المهم تكوني امينة يعني لو منتي راعية تطوير نفس لاتجيبين سيرة تطوير, مهم تكوني صادقة مع نفسك وماتبحثي عن رزق بتحايل.

- دائما يقال يفضل السيرة صفحة واحدة, بس فيه ناس سيرتهم حقيقة 3 او 4 صفحات وبدون مبالغة, حاول تختصري بس مو على حساب امكاناتك ومعلوماتك, في النهاية ماحد حيحساب على عدد الورق اهتمي الخط يكون 14اريال اسود, البيانات الجانبية 16 اريال بولد ازرق, اطبعي على ورق فاخر , حطي سيرتك في فايل بلاستك شفاف نظيف, ورقة 2 او 3 المهم المحتوى, افردي ورقة غلاف اكتبي سيرة ذاتية واكتبي اسمك ثلاثي وتحتها متقدمة لوظيفة ....

-ترتيب السيرة
معلومات شخصية- بيانات اتصال- تعليم-دورات-خبرات-بحوث-امكانات-خطة تطويرية-هدف-شكر

-كتبت كثير ...صح!
اسفة على كثرة الكلام
بس احب لكم الخير
زي ماااحبه لنفسي

موفقين باذن الله
تحياتي

[مطالبة]

بنات
قدمت دكتوراة
دعواتكم لي بالتوفيق
وتيسير الرزق

[سووماا]

السلام عليكم ورحمة الله وبركاته
غاليتي وأختي .. مطالبة
أولاً : ألف مبروووووووووووووووووك على تقديمك للدكتوراة وأسأل الله لك التوفيق والسداد والوصول لأعلى الدرجات في الدنيا والآخرة فرحت كثيراً بهذا الخبر حفظك الله من كل شر ..
ثانياً : لا أخفيك غاليتي إني في حيرة من أمري وردك أثلج صدري وكأنك معي تعلمين ما بداخلي..ومديرتي السابقة مستحيل تتنازل عن سياستها بالمدرسة تستغنى بسهولة عن معلماتها ولا ترجعهم للمدرسة لأي سبب كان من تخرج لا ترجع أبداً حتى وإن جلست في البيت ، وكل المزايا مناسبتني في المدرسة الجديدة إلا مسألة المواصلات وقالوا احنا نوديك ونجيبك بالباص..وأيضا ً مفارقة المدرسة والمديرة.

لا أملك من الشكر إلا دعوة لك بظهر الغيب
باااااااااااارك الله فيــــــــــك
وحماك من عذابه
وجمعك بصحبتك في جنان الخلد
مع خير الأنام

[ساكنه في بيتنا]

^_______^

الله يجزاك الخير على كل حرف كتبتبه ..

حمستيني لبداية السنه و بجد مهنة المعلمة جدااااا صعبه مسؤوليه فوق الواحد ما يتصور .. كل كلمة محاسب عليها ..

انا معلمة رياض أطفال لسى في بداية مشواري ..

مهنة التعليم اعتبرها الجسر اللي حيوصلني للي أطمح له ان شاء الله

ناويه اكمل ماستر اما في صعوبات التعلم اما في علم النفس التربوي ( بدي اكون اخصائية تربويه و افتح مكتب بإذن الله ) ..

فاللي فكرت فيه .. انو ما يسير ادرس عن الصعوبات عند الأطفال و انا ما اعرف الأسوياء اصلا كيف التعامل معاهم ,, و نفس الكلام لو بدي ادرس علم نفس تربوي .. مابدي لمن تجي الأم تستشيرني اتفلسف على راسها كلام حفظته من الكتب .. ولا كلام سمعته من دورات .. بدي اقولها نصايحي و انا واثقه من كل حرف بأقوله من خلال تعاملي مع الأطفال في مختلف الأعمار و بإختلاف قدراتهم ..

شكرا على الروابط
الله يفتح لك ابواب رزقه و يعطيكي لييييييييين يرضيكي و ييسرلك امرك ..

فتحتي عيوني على حاجات .. و نبهتيني على حاجات .. و اتعلمت منك كمان حاجات

الله يسخرلك اللي يقدر تعبك ..

حأكون متابعة لبقية الموضوع .. :)

[مطالبة]

المشاركة الأصلية كتبت بواسطة سووماا السلام عليكم ورحمة الله وبركاته غاليتي وأختي .. مطالبة أولاً : ألف مبروووووووووووووووووك على تقديمك للدكتوراة وأسأل الله لك التوفيق والسداد والوصول لأعلى الدرجات في الدنيا والآخرة فرحت كثيراً بهذا الخبر حفظك الله من كل شر .. ثانياً : لا أخفيك غاليتي إني في حيرة من أمري وردك أثلج صدري وكأنك معي تعلمين ما بداخلي..ومديرتي السابقة مستحيل تتنازل عن سياستها بالمدرسة تستغنى بسهولة عن معلماتها ولا ترجعهم للمدرسة لأي سبب كان من تخرج لا ترجع أبداً حتى وإن جلست في البيت ، وكل المزايا مناسبتني في المدرسة الجديدة إلا مسألة المواصلات وقالوا احنا نوديك ونجيبك بالباص..وأيضا ً مفارقة المدرسة والمديرة. لا أملك من الشكر إلا دعوة لك بظهر الغيب باااااااااااارك الله فيــــــــــك وحماك من عذابه وجمعك بصحبتك في جنان الخلد مع خير الأنام

الله يوفقك
روحي
حتى لو بعيدة شوي
تتيسر

ومدرستك السابقة
اذكريهم بكل خير هم اصحاب الفضل الأول
والأيام تفرق الأخوان

دعواتك لي

تحياتي

[مطالبة]

المشاركة الأصلية كتبت بواسطة ساكنه في بيتنا ^_______^ الله يجزاك الخير على كل حرف كتبتبه .. حمستيني لبداية السنه و بجد مهنة المعلمة جدااااا صعبه مسؤوليه فوق الواحد ما يتصور .. كل كلمة محاسب عليها .. انا معلمة رياض أطفال لسى في بداية مشواري .. مهنة التعليم اعتبرها الجسر اللي حيوصلني للي أطمح له ان شاء الله ناويه اكمل ماستر اما في صعوبات التعلم اما في علم النفس التربوي ( بدي اكون اخصائية تربويه و افتح مكتب بإذن الله ) .. فاللي فكرت فيه .. انو ما يسير ادرس عن الصعوبات عند الأطفال و انا ما اعرف الأسوياء اصلا كيف التعامل معاهم ,, و نفس الكلام لو بدي ادرس علم نفس تربوي .. مابدي لمن تجي الأم تستشيرني اتفلسف على راسها كلام حفظته من الكتب .. ولا كلام سمعته من دورات .. بدي اقولها نصايحي و انا واثقه من كل حرف بأقوله من خلال تعاملي مع الأطفال في مختلف الأعمار و بإختلاف قدراتهم .. شكرا على الروابط الله يفتح لك ابواب رزقه و يعطيكي لييييييييين يرضيكي و ييسرلك امرك .. فتحتي عيوني على حاجات .. و نبهتيني على حاجات .. و اتعلمت منك كمان حاجات الله يسخرلك اللي يقدر تعبك .. حأكون متابعة لبقية الموضوع .. :)

احب الصعوبات
راجعت لك
تحياتي

[معلوماتيه]

الف مبروك مطالبة على تقديمك للدكتوراه والله يسهل لك امورك فرحت لك والله على هالخطوة الممتازه
سوماا ياليت تذكرين لنا اسم المدرسه الاهليه لاني تعقدت مافي مدرسه ترضى بدون خبره
يمكن ربي ييسرها لي بهالمدرسه :(

[سووماا]

السلام عليكم ورحمة الله وبركاته
عزيزتي معلوماتية : تقريباً كل المدارس الأهلية اللي في الجنوب أو المطار القديم تقبل بدون خبرة إذا ربي كتب .
عندك مثلاً : المشاعل ، دوحة الجزيرة ، التقوى ، الأمجاد وغيرها
الله يوفقك
دعواتك