~ خِبرآتكم مَع أستاذآت التحَضِيريْ ،*

[Wishes~]

السلام عليكم ورحمة الله وبركاته ،
بما انه نزلت اسامي اغلب الاستاذات بالاودس حابه نخلي هالموضوع يفيدنا ويعطينا نبذه عن الاستاذات من حيث طريقه الشرح والاسلوب وغيره والدفع السابقه ما يقصروا معانا

حبدأ بأسامي الاستاذات اللي نزلتلي ،

احصاء: الاء ص. صادق شاولي
مهارات الاتصال: مرفت م. شريف صالح العرضاوي
مهارات التفكير: وسام ص. بكر باسبعين

تجاربكم وملاحظاتكم ع الاستاذات

[в я σ σ]

-

وعليكم السلام ورحمة الله وبركاتة

خطة (أ)

رياضيات / منى منصوري .. أستاذة رايقة ومزاجها عالي ماعليها من أحد شرحها جميل وتهتم بالتحضير، أكتبوا معاها أو تابعوا في الكتاب وأضمن لكم a وفوق إن شالله
عربي / عزيزة السلمي .. ماحبيتها أبدًا معقدة المادة كثير
ثقافة إسلامية / عبير أبو الطاهر .. ممممم ماناسبتني أبدًا ماكانت توصلني المعلومة معاها، الثقافة مادة تعتمد ع الحفظ كثير شدوا حيلكم وذاكروها أول بأول
حاسب / خلود زين العابدين .. عادية بحكم إن مافي شي جديد في الحاسب كلو نفس الثانوي


خطة (ب)

إحصاء / لبنى الطيب .. ماأشوفها تشرح بقد ماتكتب أمثلة بس برضوا أكتبوا معاها وإذا قدرتوا أحضروا المراجعة مع أستاذة تغريدة
الإحصاء سهل جدًا بس يبغاله تركيز لا تراكموا المذاكرة لوقت الإختبار وبعدين تقولوا صعب + القوانين تجي جاهزة في الإختبار

مهارات تفكير / أعتقد اسمها سماح .. المادة دسمة ومتشابهة وتعتمد ع الأستاذة، اللي أخذوها مع أميرة النمر عجبتهم المادة
مهارات إتصال / شيماء جستنية .. عسل عسل وتعطي المحاضرة جو جميل والمادة من أسهل مايكون +a بالراحة إن شالله


الإنجليزي

المستوى الثاني / هبة حمدي .. ايش أقول وايش أخلي رائعة بمعنى الكلمة متعاونة بشوشة ومتفهمة الله يسعدها
المستوى الثالث / هبة حمدي + مبروكة .. كل وحدة أحسن من الثانية ماشالله
المستوى الرابع / د.ليليان .. أول أجنبية تدرسني وعانينا معاها كثير بحكم المستويات اللي قبل كانوا عرب بس عدت على خير والحمدلله


التحضيري سنة ممتعة حتشوفوا فيها كل أنواع الناس
أختاروا صحباتكم كويس ولا تسحبوا ع المحاضرات كثير
ثقوا بأنفسكم ولا تسمحوا لأحد يحطمكم أو ينتقص من قدراتكم وحاولوا يكون معدلكم مرتفع من أول سنة
في دورات كثير في الجامعة أحضروا وقت البريكات


بالتوفيق يارب لكم جميعًا

[Wishes~]

в я σ σ

يعطيك العافية حبيبتي
ربي يوفقك بتخصصك يَ جميلةة

[L-y-h]

انا لسه ماطلعت لي الاسماء
بس نستفيد يالله
يسلموو

[slave heart]

انصحك تروحي لدكتور ماده مهارات الأتصال أميره النمر او النمري ياختي من كتر الحماس حقة. المحاضره تتشوقي يومها مررره تبسطك شرح متعه تحسي إنك جايه ع مدوه دوره مو محاضره هيا مو بس دكتووره هيا اعلاميه وكمان تعطي ندوات ودورات برا جداااا هيا شي جميل ممتع لا تفوتيها ع نفسك وكمان لمى تذاكري الماده اصلن مايحتاج تذاكريه وقت الأختبار تذكري من مواقفها شي الصراحه اتعب وانا امدح فيها وكمان بالنسبه لرياضيات وديان باصفار والإحصاء هاله وبنات يقولو لبنى الطيب

[Reema12s]

وعليكم السلام ورحمة الله وبركاته
انآ نزلتلي
عربي / منيرة ع عبدالله باعباد
الثقافه الاسلامية/ حنان م احمد الوجيه
الرياضيات/وديان ح محمد باصفار
Wishes~
تسسلمي ع الموضوع جآ ب وقته❤

[مـ♥̨̥̬̩س سوؤسوؤ♥̨̥̬̩]

السلام عليكم :

انا نزلتلي لغةة عربيةة فاطمةة شحادةة بلييز الي درستها تقوول وتعطيني كيف شرحها اسلوبها؟؟ أنا فرع السلامةة..

[حلم طبيبه]

بنآت أفيدوني
كيف شرحهم وأخلآقهم وسيعين صدر ولا من آلنآس آللي مدري
كيف

نزل لي .. آلريآضيآت مع (اماني ز. عبدالله باجمال)
كيف كويسة وتفهم ولا ؟

الثقآفة آلآسلآمية مع (معتوقه م. حسن باسل)
وهذي كمان كيف ي جمآعه :( ؟!!

اللغه العربيه مع (فوزيه ص. علوي الحبشي)
كيف هذي آلأستآذه ؟

[حلم طبيبه]

.
.

up

[Mon.aljehani]

المشاركة الأصلية كتبت بواسطة reema12s وعليكم السلام ورحمة الله وبركاته انآ نزلتلي عربي / منيرة ع عبدالله باعباد الثقافه الاسلامية/ حنان م احمد الوجيه الرياضيات/وديان ح محمد باصفار wishes~ تسسلمي ع الموضوع جآ ب وقته❤

وعليكم السلام .
بالنسبة للاستاذة منيرة مرا جيدة ف الشرح وتعيد كذا مرا اذا م فهمتو بس اهم شي عندها الحضور بدري .
حنان م اعرفها , وان شاء الله البنات يفيدوك .
وديان باصفار مممرا يناس دي الاستاذة ومرا جيدة ف الشرح وتشرح حبة حبة لين م تدخل المعلومة براسك , وحتى اسلوبها مرا جميل ودايم مبتسمة ماشاء الله ,
وم يهمها الحضور والغياب ابدا , من جد الله يسعدها ذي الاستاذة