س | متى نتائج اختبار التصميم ..؟

[missme]

السلام عليكم ،،

كيفكم جميعًا ؟
حابة أسأل سؤال أن الأسبوع اللي قبل اللي فات
اختبر بنات السنة التحضيرية

اختبار التصميم الداخلي
فحابة أسأل متى تطلع النتائج ؟

شكرًا ~

[ساكنه في بيتنا]

وعليكم السلام و رحمه الله و بركاته

و الله مدري يوم الربوع شفت لوحة الشؤون ماكانو معلقين شي زي كدا .. اكيد رؤى حتفيدك ان شاء الله :) ..

[Roa'a]

لسه الأوراق بتصحصح يا ألبي
عرفت من الدكتوره انهم يوم الاتنين اللي فات والتلوت كلن
عندهم اجتماع عشان يصححوا الأوراق ويسووا المفاضله
اكيد قريب حتنزل ان شاء الله ^_"

[missme]

مشكورين ^^

أتمنى تنزلوا موضوع عند نزول النتائج

دمتم بود ~

[MS.Sowaleh]

اه والله عن جد التسكين قرب يقفل

[Roa'a]

العفو يا قلبي
ان شاء الله اذا سمعت خبر
راح أقولكم ^_"

[اناأصدق إحساس في الدنيا]

انا داخله اقتصاد عشان التصميم ومتى انتهى الاختبار والله مادريت انو بدأ بس اقدر ادخل من غيرو
ولا في اختبار تاني ولا افيدوني عن جد انصدمت لا ياربي انا ابغى تصميم
بناااااااات ارجوكم طمنوني

[طقوس ..~]

المشاركة الأصلية كتبت بواسطة اناأصدق إحساس في الدنيا انا داخله اقتصاد عشان التصميم ومتى انتهى الاختبار والله مادريت انو بدأ بس اقدر ادخل من غيرو ولا في اختبار تاني ولا افيدوني عن جد انصدمت لا ياربي انا ابغى تصميم بناااااااات ارجوكم طمنوني

هوا راح وعدى


ومااتوقع فى اعاده


واصلا هوا من شروطه تكوني تحضيري علمـــي

[ساكنه في بيتنا]

لو ليكي خير فيه لكان ربنا يسر امرك فيه ..

قولي الحمد لله على كل حال ..

ما تقدري تدخلي التصميم من غير دا الاختبار .. بس ما ادري فيه واحد تاني ولا لا

اصلا غلق الترم متى حيعملوه .. فشكلو مافي .. << الا تقفل في وجهها كل الأبوب

ان شاء الله رؤى تفيدك بدا الخصوص و لا تزعلي يا بنتي اكيييد ما ليكي خير فيه ..

اتخصصي قسم قريب من التصميم و ريحي ضميرك شويه :) ..

[Roa'a]

امممم
ترى في فرصه السمستر الجي ان شاء الله
لو تبغى تصميم واتخصصتي ومافي مفر
تقدري تاخدي كل المواد عام
وبعدين تحولي وتدخلي الاختبار

وكمان ززي ماقالت خوخه التصميم للمسار العلمي بس
^_"
الله يوفقك