...لجميع طالبات التغذية العلاجية~الاكلينيكة هاااام ...

[M!ss MrMr]

بسم الله الرحمن الرحيم


انا عندي اسئلة واستفسارات بخصوص تخصص تغذية علاجية
ياريت تجاوبوني عليها لانو مرة تعبت من التفكير كل يوم...

انا طالبة في ثالث ثانوي...علمي... غير سعودية (يمنية) وماما كمان غير سعودية
وابغى ادخل تخصص تغذية علاجية ..اقدر ولا لا؟
مع العلم انو لا انا ولا ماما سعوديات...اذا اقدر حتكون الرسوم كم في السنة التحضرية وكم في ال4 سنوات الباقية؟؟ وايش طريقة التسجيل؟؟
وايش النسبة والدرجات المطلوبة في النسبة حقت التراكمي(ثاني وثالت) والقدرات والتحصيلي عشان انقبل في الجامعه؟؟
كمان اعرف انو في نسبة معينة في السنة التحضيرية عشان اقدر بعدها ادخل تخصص تغذية كم هيا النسبة؟؟
لو مثلا يدخلو اجانب حيكون انتساب ولا انتظام؟.....لو كان انتظام لازم تكون النسبة اعلى من 97؟؟؟

واذا ماحقدر ادخل دا التخصص عشاني مو سعودية اقدر ادخل بطريقة معينة يعني بواسطة او ب مادري ايش من السفارة.؟؟؟ واذا مافي امل...ايش التخصصات والكليات الي تقبل الاجانب؟؟
ادري اسئلتي كثيرة...بس انتو عارفين هادي الفترة مرة صعبة عند بنات الثانوية العامة..لانو بالجامعه يتحدد المستقبل..
وشكرااااا مقدمااا ...
سلام......

[● ά7Ļά şùģάя ●]

بدآية حبيبتي ع سنتي
أول دفعة ينطبق عليهآ نظآم السنة التحضيرية "السنة المآضية"
كآن مآيسمح للأجآنب دخول الكليآت الصحية من طب بشري وأسنآن وصيدلة وعلوم طبية
لكن يسمح لهم بدخول غيرهآ من التخصصآت
ومدري إذآ النظآم يطبق كمآن هالسنة والسنوآت الجآيه


لكن كآن يمديهم دخول السنة التحضيرية
والقبول والدرآسة عآدي كحآل أي طآلبة سعودية
لآزم نسبة عآلية ودرجة قدرآت وتحصيلي عآلية
مآنقدر نفرض رقم معين لأنو هذآ يختلف من سنة لسنة وحسب شطآرة الدفعة
وإذآ لآقدر الله مآ أنقبلتي إنتظآم ممكن إنتقآلي أو إنتسآب


إذآ نفسك بالتغذية العلآجية
إدخلي بعد السنة التحضيرية "إقتصآد منزلي - تغذية"
وعلى فكرة تحتآج معدل عآلي
وإذآ تخرجتي إن شآء الله كملي درآسآت عليآ في التغذية العلآجية

[M!ss MrMr]

شكرااا حبيبتي ع المعلومات ...تعبتك معايا
بس عندي سؤال اخير
حتى لو كان عندي واسطة قوية ماحقدر ادخل الكليات الصحية...؟؟؟
وشكرااا

[● ά7Ļά şùģάя ●]

الصرآحة
شغل الوآسطآت دآ مآ أعرفلو

^^

[محمد مالكي]

يااوختي قسم التغذية مشكلة الكليات الاهلية مافي

وازا مره نفسك ف تخصصات طبية

روحي كليات اهلية وياكترها

لكن تغذية ماعمري سمعت انو موجودة فيها

طب بشري - اسنان - صيدلة اكلينكية - تمريض - مختبرات - علاج طبيعي