تجمع طالبات التغذية الإكلينيكية (العلاجية)

[miss me]

السلام عليكم ورحمة الله وبركاته
كيفكم بنااااات <<< مبسوطه مافي في قسمها اولاد
المهم و من تحت ملاحظتي الدقيقه للموقع لاحظت انو الاتجاه كلو للعلاج الطبيعي والأشعه والتقنية << لاحظوا كلو ما عدا حبيبتي التغذية الاكلينيكية
وشلت هم حروح اول يوم وانا حزينة ما اعرف احد
فقلت خليني اعمل دا الموضوع كل البنات اللي حابين يدخلوا تغذية يحطوا اسمهم هنا منها نتعرف على بعض وما نحس بالغربه أول <<< لو درست بره المملكه ايش حتسوي
يللا انا حبدأ أول وحده

Miss Me

[مســـــــــــــــك]

فكرة حلوة
Miss Me
وان شاء الله تتعرفوا على بعض وماتحسي بالغربة
تقبلي احترامي وتقديري

[rere_al3asl]

احناا معااكي يا miss me
انا لسا محتااره بتخصص بس احتماال كبير تغذيه والله اعلم

[miss me]

شكرا على مرورك مسك

المشاركة الأصلية كتبت بواسطة rere_al3asl احناا معااكي يا miss me انا لسا محتااره بتخصص بس احتماال كبير تغذيه والله اعلم

ترى مررره حلو التخصص و مررره مجالاتو واسعه يعني حيفيدك في حياتك و في عملك
الله يوفقك يا رب و يكتبلك الخير

[senorita]

موضوع حلو خيتووو

التغذيه تخصص حلووو

والله يكتب لنا اللي فيه الخير يارب

[no0of2009]

انا بس حبيت اطل عليكم لان باقي مااخترت التخصص

ومايمنع اسلم عليكم هههههه

[senorita]

^^^^^

أنا كمان يا نووف ما اخترت

وعلى طاري اختيار التخصص..

متأكدين ان اول يوم راح نختار وبيكون بناء على معدلاتنا؟

[no0of2009]

والله انا مو عارفة بس كل تاخيرة فيها خيرة

[mzat kau]

لوول الله يوفقكم يابناااااات في التغزيه

بنات ترا مرررررررررة كتير اللي اعرفهم ويبو تغزيه سو لاتشيلو هم راح تلاقي كتير معاكي هههههههه

انا محتارة بين العلاج الطبيعي والمختبرات الله يوفقنا :)

[asma t.s]

هاي بنااات
انا حيقة حيرانة بين تغذية وبين مختبرات خصوصا انه فتحه أقسام كتيرة في المختبرات جديدة ممكن
أتخصص بيها
وبالنسبة للتغذية كانت حلمي من زمان بس
اممممم
حسيت انه مالها تخصصات كتير وكمان بنات الاقتصاد المنزلي رح يتحولو لها
فرح يكوووون عدد كبير فيها واعتقد رح يصير اكتفاء في العمل ادا اتخرجنا
الله يكتب لنا الي فيه الخير يارب
ودعواتكم لي
:)