بنات الجغرافيا فرع الفيصليه

[جغرافيــــه]

بنات الله يعطيكم العافيه انا ب احط اسماء المواد اللي بقيت لي كلها
و ابي كل وحده تكتب اسم الاستاذه اللي اخذت معاها و تكتب عنها كل شيء
اسلوبها و نظام التحضير و طبيعة الاسئله اذا موضوعي او مقالي
و اللي تعرف استاذه معينه كويسه يا ليت تذكر وش الماده اللي اخذتها معاها
و 1000 شكر مقدما
المواد >>
1 طرق البحث الجغرافي
2 تطور الفكر الجغرافي
3 الخرائط الموضوعيه الرقميه
4 مباديء المساحه و الدراسات الحقليه
5 علم المناخ
6 اشكال سطح الارض
7 نظم المعلومات الجغرافيه
8 نصوص جغرافيه باللغه الانجليزيه
9 الجغرافيه الحيويه
10 الجغرافيه السياسيه
11 جغرافية مدن
12 جغرافية سكان
13 مباديء استشعار عن بعد

و ياليت تفيدوني عن هالاستاذات من كل النواحي >اسلوبها و تكاليفها و تحضيرها و اسالتها
1 ناديه با عراقي
2 نجوى اصيل
3 سارا البقمي
و جزاكم الله خير

[jody 66]

صحباتي اخذو مع نجوى اصيل بيقولو تعطي اسئله نهاية كل باب
منها يجي بالاختبارات ..
المدن اخدتها الترم ذا مع دكتورة مشاعل المالكي
ترا طيبه و توزيعها للدرجات 25 دوري و ثاني 10 كويز عن مدينه جده
و 6 درجات بونس مناقشه عن موضوع معين تحدده + بونس في الدوريات تجي
و 40 نهائي
الاسئله تحط على كل سؤال نص درجه الاستاذه جججدا كويسه

+

معليش ابا اعرف مين احسن فايزة جان ولا ساره البقمي في ماده طرق البحث ..؟

[feno]

2 تطور الفكر الجغرافي
تنزل مع نجوى وانا ما جربتها بس يقولو مو تمام
وسلوى حافظ مرااااااااااااااااااا اسئلتها دقيقة بس اوقات اسئلتها تكون تمام
3 الخرائط الموضوعيه الرقميه
مريم الزهراني مراااااااا تمام
4 مباديء المساحه و الدراسات الحقليه
اتوقع تنزل مع دلال السهلي ما جربت المادة معاها بس الاستاذة
اخدت معاها جغرافية مملكة عسسسسسسسسسل واسئلة عسسسسسسسسسل وكل حاجه
5 علم المناخ
نصيحة مرا لا تاخديها مع افراح الزهراني دي مو استاذة دي عقدة مع انهم يقولو تعدلت بس انا اخدتها معاها ومرا مو تمام جدن سيئة
6 اشكال سطح الارض
انا اخدتها مع استازة تقاعدت خلاص
7 نظم المعلومات الجغرافيه
خديها مع استاذه جوهرة لو كنتي مرا تمام a+ وانتي مغمضة
8 نصوص جغرافيه باللغه الانجليزيه
فاطمة الحمدان ما اخدتها معاها بس يقولو يبغالكي تشدي حيلك معاها
9 الجغرافيه الحيويه
انا اخدتها مع ابتسام عواري تمام بس ماا اعرف مين بيعطيها دحين
10 الجغرافيه السياسيه
مع منيرة رديعان انا اخدت معاها زمان علم انسان كانت مرا تماام
بس دحين مرا سيئة اسئلتها مقالي وتخليكي ترسمي خرايط على يدك كتير كتير
انا اخدتها مع استاذة دليل كانت مرااا كويسة بس تعبانة ومعتذرة ما اعرف ترجع او لا الله يشفيها ي رب
11 جغرافية مدن
تنزل مع عائشة عبدالقادر ومشاعل المالكي كلهم مرااااااا كويسين
12 جغرافية سكان
نادية باعراقي جدن سهله والاستاذة تمام مرااا
13 مباديء استشعار عن بعد
هند مشاط مراااا ما تعرف تشرح بس اسئلتها ماشي حالها

وتقييمك للاستاذة حيختلف بس دا من وجهة نظري وومكن في وحده انا اشوفها مو تمام وغيري يشوفها تمام
فلا تخلي دا الشي ياثر عليكي في النهاية انتي حتجيبي الدرجات من مجهودك
يعني انا في كتير خوفوني من استاذات لما اخدت معاهم مرا ارتحت على اسلوبهم
والله يوفقك


انا ما اخدت لا مع سارة ولا مع فايزة جان
لكن اللي اسمعو من صحباتي محد اخد مع فايزة جان ومرتاح تطلع عيونك ف التكاليف ولسانها طويل على البنات ومو تمام
بس سارة صحباتي ماخدين معاها تدريب 1 يقولو مرا مرتاحين وممراااا كويس
حتى الاستاززات ينصحو البنات ياخدو معاها
وربي يوووفقك

[Ar.sh]

السسلام عليكم
بنات الفيصليه
أنا ضفت بشريه مع نجوى
بالله كيفف المنهج وكيف الأستاذه ؟؟؟
آفيدوني الله يغطيكم العافيهه '(
وأبغى تجيبوا لي ماده من التخصص غير المدن والطبيعه
مع أسسماء أستاذات مجربينهم وكويسسات

اللي تعرف تفيدني بأقرب وقت أخاف تقفل الشعب

[المستقبل ينتظرنا]

بنات شكلكم زميلاتي انتوا قولوا لي انتوا سنة كم دفعتكم انا 07

صح انا اعرف هدولي الدكاتره

دكتوره سلوى حافظ ماتعطيك درجتك االلكامله بامانه مدري ليش تسوي كدا معانا

ودكتور فايزه جان صح تعصب ويعصبوها البنات بس كله بمصلحتنا


ازكر مره هزاتني عشان غبت وانا كنت مريضه فعلا وهيا ماشاءالله تخاف على مصلحة البنات واسئلتها حلوووه وواضحه

[أحلى حلوة]

1 طرق البحث الجغرافي / حاخذها السمستر الجاي مع سارة البقمي ما اعرف عنها شي
2 تطور الفكر الجغرافي / باقي ما اخذتها
3 الخرائط الموضوعيه الرقميه حاخذها السمتر الجاي مع مريم الزهراني صحبتي اخذت معاها ونجحت ب a+ وتمدح الاستاذة
4 مباديء المساحه و الدراسات الحقليه / اخذتها مع صباح الحربي معفنه كل شوي بحالة اسئلتها موضوعية مرا سهلة ومرا تقول غيرت رائي ابغاها مقالي بس النهائي كان موضوعي وسهل اخذت عندها b+
وفيه خيرية الشهابي < بس ما جربتها يقولوا زي صباح
5 علم المناخ / اخذتها مع ميرفت ما انصحك تاخذي معاها سيئة في التعامل اسئلتها كانت مقالية ومي سهلة والنهائي موضوعي
6 اشكال سطح الارض / مع ابتسااام الزهرااني ولا تترددي ابدا مرا عسل الاستااذة واسئلتها ححلوة
7 نظم المعلومات الجغرافيه / باقي ما اخذتها - صاحبتي اخذتها مع شوق تقول في البداية مافي احسن مننها وبعدين قلبت
8 نصوص جغرافيه باللغه الانجليزيه / ما اعرف مين يعطي المادة وباقي ما اخذتها
9 الجغرافيه الحيويه / ما اخذتها
10 الجغرافيه السياسيه / ما اخذت المادة بس الاستاذة منيرة الرديعان اخذت معاها بشرية شرحها كان يعجبني وممتع بس ما يفيد لانها ما تشرح من الكتاب وتضطري تكتبي معاها المحاضرات اسئلتها من المحاضرة ؛ وللاسف مافي غيرها يعطي المادة مصيري ارجعلها
11 جغرافية مدن / فيه مشاعل المالكي ودلال السهلي كلهم عسسسل مشاكل تشرح تماام بس اسئلتها يقولوا يبغالها تذكيز ودلال يقولوا تسهل الماادة .. اخذت المادة السمستر الجاي مع مشاعل جربتها في الاحصاء وكانت عسل
12 جغرافية سكان / مع نادية باعراقي تمااااام واسئلتها مراا حلوة
13 مباديء استشعار عن بعد / حاخذها مع مروى بخاري مع انهم ما مدحولي هيا ابدا بس وكلت امري لله

و ياليت تفيدوني عن هالاستاذات من كل النواحي >اسلوبها و تكاليفها و تحضيرها و اسالتها
1 ناديه با عراقي - عسسسل ؛ اسئلتها ححلوة وتكاليفها قليلة
2 نجوى اصيل - ما جربتها
3 سارا البقمي - ما جربتها



موفقة

[جغرافيــــه]

جزاكم الله خيررر
الله يوفق الجميع