تعالوا شوفوا الخبر العااااجل ... فضيحه الجامعه

[سمو انسانه]

بالبلدي الفصيح
هاتوا الناظور ياجامعة

فتحي حلواني

شوف يبويا هادي الرساله اللى كتبوها البنات عشان يبغوني اوريك هيا.. بتقول الرساله إحنا طالبات الانتساب في السنه التحضيريه خطه (ب) بجامعه الملك عبد العزيز نتقدم بشكوى على الجامعه لما رأينا منهم من ظلم وخداع.. المعروف لدى الجميع ان طالبات الانتساب في جامعه الملك عبد العزيز يحضروا الدوره في الجامعه قبل الاختبار بشهر ولكن دي السنه كان النظام غير ونحنا تعودنا من الجامعه كل سنه نطام جديد المهم انو دي السنه كان النظام مختلف جدا كان التعليم (عن بعد) اللي هوا السنترا يعني حضور المحاضره عن طريق النت من البيت اللى عانينا منو كتير من تشغيل نظام أو عدم وضوح الصوت أو تقطيع في العرض ومتى عرفنا الخبر قبل بدايه دورتنا بشهر ومو عارفين كيف يتم التشغيل غير من صور في منتدى الجامعه ولمن يصير غلط ومو عارفين نسال مين في المنتدى وتجي الاجابه بعد كم يوم لمن تروح المحاضره علينا ونتورط حتى في المحاضرات اللي مسجلينها يا تعلق او انها ما تتسجل. ولمن نروح للجامعه على حسب كلامهم انو نروح ونسال يطردونا ومايدخلونا ايش نعمل احنا ومن جهه تانيه بعض الطالبات ما تتوفر عندهم الاجهزه ومقدمين اعفاء رسوم هدا الترم وماعندهم فلوس يدفعوا من فين يوفرو الاجهزه واشتراك نت ولمن راحو يشتكو للعماده يردوا الموظفات بأسلوب مستفز ويقولوا هدا مو شغلنا ولايهمنا روحو شوفو أي مكان تحضري المحاضره فيه وغير كدا الشرح كانه قراية كتاب مطالعه حق الابتدائي وبس لا اقل ولا اكتر كل المواد على كده حتى الاحصاء والانقلش اللى يبغالهم شرح بالطريقة دي واللي يفهم يفهم واللي ما يفهم بطريقتو والساعات المكتبيه اللي حددوها لمن نروح يقولي انت خطه ب ليش تجو.... التعليم عن بعد كان صعب لانو احنا اول سنه اصلا وما كان في احد يوجهنا واحنا دافعين 3000 عشان نروح نختبر واحنا جالسين في بيوتنا والا نروح عند مدرسات خصوصيات والمنهج بـ 1000 يعني كلو على بعضو نخسر5000 ريال في الترم الواحد بس.. يعني الترمين بـ9 الاف ريال وقال ايش لو نجحت التجربه رح يطبقوها السنوات الجايه نحنا مو حقل تجار عندكم عشان تقولوا ادا نجحت الخطه راح نطبقها في السنوات الجايه ليش ماتسجلونا مجانا وتجربوا براحتكم وبعدين التعليم عن بعد هوا نظام اساسي في الجامعه ورسومه 4000 ليش ماجربتو عليهم وشفتوا ادا نجحت الخطه تطبقوها علينا وكمان مو بس الطالبات اللى متضررين من السنترا ده حتى الاستاذات والدكاتره متضررين من ده النظام الجديد اللى بيقولوا عليه التعليم من بعد ياريتهم خيرونا لمن سجلنا او قالوا لنا ما كان راح يضرهم شي اما يحطونا كده امام الامر الواقع صعب وحرام عليهم اللي بيسووه فينا.. انتهت الرساله.. هاااه يا حبايبنا يللي في الجامعه ايش عندكم هرجه للكلام اللى شفتووه وقريتوووه وعيشوا كتييييير تشوفوا كتييييييير.

[سمو انسانه]

ابغى ردوكم ياحلوووين بذات خطه ب وايش رايكم ؟؟

[MiSs Loly]

ممتااااااااااااااااااااااز كفى ووفى الي كتبها
روووووووووعهـ

[برســتـvipـيج]

والله معاكي حق المشكله ندفع فلوس ويرسبو وهو بفلوسك المفروض الانتساب مايدفعو شي بس لا يعطوهم مكافه والانتظام اعطوهم مكافاه بدل ماندفع رسوم يخذو المكافه بدالها
وشكرا اختي سمو انسانه
يعطيكي العافيه

[غناتي 2010]

[u]بسم الله الرحمن الرحيم[/u]
يا اخت سمو انسانه صح كلامك بس كمان مانظلم الاستاذات ماقصرو سجلو المحاضرات ونزلوها في موقع الجامعه وكانت جدا جدا ممتازه وواضح الصوت والشرح كان قمه في الروعه ...............

[moonfleet]

والله ما عرفنا نصدق مين وحده تقول تصوير تعبان وصوت مافي وادا فيه غلط ما نقدر نسأل احد
والثانية تقول الشرح مره منيح والصوت واضح
عاد كدا المشكله اعتقد من سرعة التصفح بالنت وجوده الجهاز
الله يوفق الجميع

[عنيدة جدة]

كلام كل شخص مجرد تعبير عن وجهة نظره
والنظام فيه سلبيات و ايجابيات
انا كنت خطة ب ومرات كنت استاء ومرات يعجبني
ولو جيتوا تدققوا في السلبيات تلقوا ان اغلبها أعطال في النظام وأنا بنفسي كلمت وحدة من المسؤولات في الجامعة قالت
ان الاجهزة عندهمم أنعدمت بالمطر فكان هذا هو مبرر هذي الاعطال فلو تصلحت يصير النظام جيد
وفي النهاية هوا مساند للانتظام مو بديل عنه

[بنت المالكي]

جد السنترا كاااااااان معاناه ونضام فاااااااااااااااااشل انا كانت تروح عليه اهم محاااااااضرات الاحصاء والمشكله كانت من عندهم والصوت رايح جاي بعدين حبو يسكتو البنات يوم راحو تجمعو عند العماده لدرجة انو في بنات يبكون من القهر قالو خلاص رح نرجع نسجلها وننزلها تعرفون متى نزلوها قبل الاختبارات بأسبوع او اسبوعين وقالو خلص اعتبروها مراجعه واغلب البنات ما فتحوها ليش لانو الوقت ما يكفي المحاضرات بالساعات تروح تذاكر الكتاب وتحفض كم كلمه احسن شي والله يعين

[المتفائلة4]

صح لساااااااااانك من جد انظلمنا ويارب يعفونا من الرسوم

[كاسه]

الكلام غير منطقي ابداً
انا كنت خطة أ بس كنت بتابع خطة ب برضو
كل شيء كان تمام ماحد أشتكى و قال ليش ماخبرونا من بدري ع النظام
و بعدين العالم بتتطور و في طلاب كثيييير بيدرسو عن طريق التعليم عن بعد
يكون الطالب في دولة عربية و جامعته في بريطانيا و أمريكا
اللي يبى العلم مايتذمر .. خاصةً هذا الكلام ما طلع إلا بعد نتايج الأختبارات لكن قبل الأختبارات كان كل شيء تمام
اللهم كان في تخوف من التجربه بحكم أنها أول مره تطبق
حالياً أنتهى المستوى الأول بخيره و شره و مقالته مالها داعي
كفاية و نحن بننتظر النتايج المنتدى كان كله مواضيع بهذه الشكلية
فياليت نوقف تشكي و نذب و نطلع اعذار و نجد و نجتهد دا المستوى
تسلمي سمو أنسانة ع النقل