جدة غير!

[Taurus]

أخوي mashmawi>>>> مشكور على مرورك المميز و جدة تفتخر بإنك واحد من أبناءها....
مشكووووور..

[mashmawi]

المشاركة الأصلية كتبت بواسطة Taurus أخوي mashmawi>>>> مشكور على مرورك المميز و جدة تفتخر بإنك واحد من أبناءها.... مشكووووور..

العفو يا اخت تورس (Taurus)
بس في كثير ما يعرف جده واهلها عشان كده يعيبوا فيها اهلهم ما حكوهم عليها في الزمن الماضي وكيف كانو عايشين فيها والامان اللي فيها من كثر الامان كان صاحب الدكان يحط شرشف ويروح يصلي ويرجع ولا يخاف لانز اهلها كل مين يحرس الثاني لكن بعد دخول الاجانب فيها صارت السرقات تكثر فيها .
ولا اول الواحد يدخل حاره في البلد كلهم تلقيهم يسئلوه تبغى بيت مين يقلهم بالبيت فلان يقلوا انا اوصلك له يقلوا انا عارفو يقلوا معليش انت ضيف ولازم اقوم معاك بالواجب وهو قصدو يشوف صحيح ابغى اهل بيت فلان ولا جاي يبغي يسوى ازيه ويكون ضرب عصفورين بحجر عرف ان الغريب فعلا يبغى بيت فلان وفنفس الوقت قام معا بالواجب .
وكثير من العوائل معد صارو يحكو ابنائهم عن طبايع اهل البلد وكيف هم قلبهم على بعض الآ في بيتهم ناس كبار في السن هما اللي يحكو اولاد اولادهم .

[DES13]

جدة... والله غير
بصراحة جدة بناسها وجوها وطبايع أهللها والتباين بين مجتمعها جعل هنا تجانس كبير في المجتمع زي الفسيفساء .

جدة غير مع الترم الصيفي الله يستر وننجح بس ما نبغى تفوق بس نجاح

و دمتم سالمين

[Taurus]

أخوي mashmawi>>>شكرًا مررة تانية نيابة عن جدة, و بالفعل كتير مايعرفوا عن ماضي جدة العريق..
ياريت يطلعوا على كتاب جدة للكاتب الأستاذ محمد صادق دياب و حيعرفوا مدى روعة جدتنا...

Des>>مشكور على مرورك و الله يوفقك و يوفق الجميع يارب..

[mashmawi]

العفو اختي تورس (Taurus) المحترمه باين انتم من اعيان جده القديمه
أما بالنسبه للكتاب فأهدي لي من قبل الأستاذ/ محمد صادق دياب قبل أكثر من اربعه سنوات في مناسبه عائليه .