المرشدة حطمتني من ناحيت التحويل :(

[asma.]

انا كنت احسب انو المعدل اللي رح يطلبوه للتحويل الترم الجي حيكون حق الترم هذا بس و اليوم صدمتني قالتلي لا طبعا يحسبوه مع معدلك فالتحضيري و قالتلي اذا ما حولوكي هذا الترم انسي يحولوكي بعد كدا لانو التحويل يبغو معدل عالي و حسبت معدل هذا الترم مع التحضيري و حيكون 4.3 او 4.4 بالكثير و قالولي الاغلب انو ما رح يقبلوكي بهذا المعدل بس انتي روحيلهم كم مرا الين يرضو ... كيف كدا لو فيه اماكن ليش ما يقبلوني و خلاص لازم اجري وراهم يعني ؟! لاني افتكر بداية الترم رحت للشوؤن و قالولي قفل التحويل بس فيه بنات اعرفهم حولو و انا مرا كارها تخصصي و ابغا احول ادارة و اقتصاد و فكرت كا حل اخير اني اقولهم يحولوني لو حتى عن بعد او انتساب و بعدين ارفع معدلي و احول انتظام بس قالو ما ينفع تكوني انتظام و تحولي انتساب او عن بعد بعدين ترجعي انتظام ايش اسوي بالله ؟

[نواف بن فهد]

السلام عليكم اختي

صحيح المحسوب بالتحويل المعدل التراكمي.

شدي حيلك بالاختبارات ولاتتحطمي، وخليه دافع لك انك تجيبي فل مارك بالاختبارات النهائية هذا الترم.

واذا كلية الاقتصاد والادارة ماتقبل 4.4 اجل كلية الطب وش تقبل؟ 5 من 5 ؟



بس بسألك
انتي مسارك بالتحضيري علمي او اداري؟
وبأي كلية الحين؟

لو انك اداري ومعدلك فوق الاربعة بالرااااااحه تحولي..

بس أهم شيء قدمتي تحويل عن طريق الاودس؟

تفضلي الموضوع يفيدك
http://www.skaau.com/vb/showthread.php?t=804343

[asma.]

مساري علمي و كمان تخصصي علمي بس كثير يقولو 4.4 قليل لانو هو من جد درجات البنات اعلى من الاولاد مشاء الله :(

[نواف بن فهد]

لا .. باذن الله تتحولي
ومعدلك برضوا مرتفع وحتى لو ماتحولتي الترم الجاي حولي الي بعده
ونزلي مواد حره بالترم الثاني.. والثانيه ثابته
مع اني اتوقع انك تحولي باذن الله لان نتائج التحويل في الغالب تكون منخفضه عكس التسكين


واهم شيء لاتنسي التقديم عن طريق الاودس لان معد فيه تقديم يدوي الا التحويل بين الفروع

[بيان عبدالعزيز]

يآ قلبي بدآية الترم الثاني ومن اول اسبوع روحي للجامعه إذا لا سمح الله ماحولوك عن طريق الاوديس

وقدمي معاملة عن معدلك والكلية اللي حابة تحولي لهآ

وادخلي على العميدة نادية إياز و وضحي لها كمآن مع معاملتك وهم بيحولونك لها

او تقدمي معاملة من قسم الرجال ويوحولوها لشؤون الطالبات

وربي يحقق امانيك وموفقة يآرب