أبغى أسجل بس عندي بعض الاستفسارات...((ممكن تدخلوا))

[هدوووووووووولة]

السلام عليكم..

أبغى اسجل في الكلية الصحية بس ماني عارفة كيف

أنا سجلت قبل في الجامعة وقبلوني انتساب بس انا ما ابغى التخصصات اللي في الجامعة

أقدر اروح للكلية نفسها واقدم ولا كيف

وابغى اعرف بالنسبة للدراسة في الكلية كيف دراستهم وباي قسم تنصحوني

وايش الشهادات اللي يعطونها هل هي دبلوم ولا بكالوريوس

وبس الله يعطيكم العافية

مشكورين

أختكم: هدووولة

[سوار]

شوفي هدا الرابط ان شاء الله يفيدك

http://www.kau.edu.sa/Default.aspx?Site_ID=663&Lng=AR

[سوار]

الهاتف 026652879

تحويلة: 107 / 108

[ريم الكربي]

السلام

كيفك ياحلوه ؟

انا ادرس بالكليه الصحيه الي بجده .. طبعا تروحي للكليه وتقدمي اوراقك بس اهم شي النسبه عندهم يعني تكون في الثمنينات ويوس لك اختبار قدرات .....

ومن ناحية الدراسه هو فيه خمسه اقسام : قباله /تمريض/ اشعه/ اسنان/ علاج طبيعي

انا ادرس تمريض هو حلو وحتى لمن تتخرجي تخصصاته مرره كثير بس مرره صعب ويبغاله شدة حيل يعني مو لعب

والقباله ( يعني توليد) انا صحبااتي فيه ومرره مبسوووطين لانو بس تدرسي فيه شي واحد الي هو التوليد مو زي التمريض ..

الاشعه هذا للي مايبغون بدرسون يعني مررره لعب بس حلو وفي نفس الوقت يعني مضر لانو كلو اشعه ..!

هذا الي اعرفو عن هذي الاقسام

ومن ناحية الشهاده هو دبلوم عالي بس هذي السنه انضمت للجامعه ويدرسو الموضوع عشان تصير بكالوريس

بس اعتقد انو خلاص الكليه الصحيه تحولت للجامعه يعني يقبلو سنه اولى الجدد في الجامعه انتي اسالي وشوفي ..

وان شاء الله اكون افدتك وبالتوفيق ....!

[لسعهـ شقاوهـ]

مرحبا اختي ريم

كيفك

انا حابه اتواصل معاكي

عشان اسئل عن بعض اشياء

اذا ما عندك مانع

اتمنى تردي عليه

انا انتظر ردك

[{CUTE GIRL}]

شوكرن على الرابط :)

[كيفي أحبكـ]

السنه التحضيريه فى الكليه ولا فى الجامعه؟؟

[DOooODY}]

up

up

up

[الاجوديه]

لا اظن في الجامعه

[رقة الورد]

في مكانها يابنات ...في أي حي؟