قيمي استاذتك ...للطالبات

[مجنونة بيبي]

منال قحطاني سيئه ماتعرف تشرح ولا سلايداتها مرتبه ولااي شي

اسئلتها كانت تقريبا حلوه شامله جميع درججات الصعوبه يعني فيه السهل والمتوسط وصعب

لكن سلايداتها ملخبطه ماانسى كيف تعبت وانا اعيدها بنفسي كلها وكان الوقت ضيق وبسببها صار لخبطه كتيره

وماتعرف تشرح ماتفهمممم مرا كرهتني انا والبنات بمادة الاقتصاد الكلي رغم انه المفروض يكون ماده حلوه وسهله

لكن منجد خلتها ماده كئييييبه دي الصراحه ..

بخصوص نهال علام عسووله وكل شيء لكن اسئلتها صعبه , صح انها تساعد

وتحذف وكل شي لكن اسئلتها تجيبها من الابواب الاخيره وماهي سهله نصيحه اللي معاها

تحفظ السلايدات عدللللل انا اخدت مرا معاها وعرفت اسلوب اسئلتها وخشيت معاها ماده تانيه الترم دا

وان شاءالله بيتعدل مستوايا بموادها بعد ماعرفت اسلوبها بالاسئله ..

ووفاء زيد امممم انا متلخبطه بينها وبين وحده تانيه معاها اخدت معاهاا مستوى تاني

تابع لمادتها .. وكانو الاتنين شرحهم حلو وتمام لكن يفترووو عدللللل بالسلايدات ومايعطو اشياء تفيدك كتير

زي اسئله اشياء مهمه مايأشرووو ابدا اتذكر وحده فيهم حذفت بعد ماخلتنا نذاكر المنهج كااااامل ومليان بشكل ماينوصف

خشت باخر اسبوع وحذفتلنا بس برضو كان كتير ويلخبط ..

وبخصوص الثقافه ياعسل ^ ترا الاختبارات موحده مايحطوها استاذاتنا يحطوها لجنه مدري الوزاره شي كدا :p

المهم الي عندي حطيته ..

[لهفتي]

انا أخذت اقتصاد جزئي مع استاذه ناديه بخاري جدا جدا جدا رائعه
عربي استاذه هند سلطان مرره ممتازه أي كلمه حلوه ما توفي بحقها
التسويق استاذه نوف العبدلي شرحها جميل اسئلتها جميله
اداره ماليه استاذه ديانا ممتازه
اداره أعمال استاذه لطيفه خذيها مع آلاء أفضل

[حنونة1]

[size="3"]ادارة مالية دكتورة ديانا الحجية ممتازة بالشرح جدا تسهل المعلومة لكن ماحذفت الا جزء عملي بسيط اعطت بونس بالواجبات والاختبارات الدورية لكن مااعطت بالنهائي
اقتصاد جزئي دكتورة نادية بخاري ولينا دمنهوري الاثنين كويسين وطيبين لكن نصيحة مافي زي لينا دمهوري بالحذف والتبسيط بالشرح لو اخذتي مع اي دكتورة واختلف التأشير والحذف اعتمدي على تأشير لينا لان صارلنا هالشئ
ثقافة اسلامية 2 دكتورة سعاد شرحها حلو ومدحوا رائدة كمان لكن اي دكتورة ماتفرق بالثقافة
ادارة عمليات الله يسعدها دنيا واخرة دكتورة عبيرمحمود المادة خلتها سهلة لكن بالاصل المادة صعبة واحلام صنوان ومي معتوق قالوا كتاب وحذفوا قليل أما عبير قالت سلايدات واشرت ولاشئ جاء من خارج التاشير رهيبه الاسئله كانت مرا سهله واعطت بونس
اساسيات المحاسبة الادارية دكتورة تغريد بليبله رهيبه الله يسعدها بكل شئ تساعد وتعطي بونس وتراجع وتحذف وتبسط المعلومات وكل شئ احسن دكتورة بالجامعه كلهااااا
مقدمة في ادارة الأعمال دكتورة لطيفة نكبتنا قالت كتاب وسلايدات بالنهائي وعن جد في اشياء مكتوبة بالسلايدات ماهي بالكتاب وجابتها بالفاينل وكانت معاها الاء اورقنجي حذفت وساعدت وجابت من المحذوف حسينا كل دكتورة على كيفها والنماذج باسئله مختلفه مو مغيير ترتيبها لكن لطيفه قالت اعمال السنه حعطي الكل 30 وكانت صادقة وأما الاء اعطت بونس باعمال السنة وبالنهائي واختبار تعويضي يعني الاء اورقنجي أفضل لكن زي نوف العبدلي مافي بمادة ادارة الأعمال والتسويق أو باي مادة تدرسها شرحهاا رائع واللي ماتشرحه مومعاكي واسئلتها سهلة بالنهائي
قضايا عالمية في ادارة الموارد البشرية مشاعر بكر ممتاز شرحها وتبسط المعلومة واللي تشرحه بس معاكي واسئلتها مرا حلوة وواضحة بالنهائي في اسئلة من اللي تقولها بالشرح

لكن بالنهاية اقولك طلعتي مع دكتورة مو تمام ماهي نهاية العالم خذي المحاضرات والتأشير والمراجعة من الدكتورات الممتازات لأن اعمال السنه كلهم زي بعض تقريبا لكن اهم شئ الفاينل


[/size]

[همة عالية]

الله يعطيكم العافيه

الاستاذات / ساره العماري : مرام الحازمي : تهاني حسين محسون

ممكن تفيدوني عنهم ؟؟؟؟

[cute*girl-2010]

السلام عليكم ورحمة الله وبركاته
تجربتي مع استاذة فادية باقيس كانت جدا رائعه عكس الكلام الي تقوله والله تشرح واسئلتها حلوة وتساعد البنات ومرة اخلاق حببتني في تخصص محاسبة وجبت الفل مارك ، كنت افهم منها اكثر من استاذة تغريد
استاذة عنود جدا تجنن واسئلتها حلوة
استاذة هنادي رائعه واسئلتها تجنن
استاذه الفت تشرح وعصبيه واسئلتها مو سهله

[Rose Ahmad]

ايوة ياليت تفيدونا عن الاستاذة تهاني محسون افتصاد كلي شايله هم 😢

[اسماء العنقري]

صباح الخيرر
ماتتوقعون قد ايه مبسوطة إنّو الموضوع مثبت ولازال نشيط تقريبا ولازلتو تفيدون بعض ..
الموضوع ماشاء الله من 2012 ولازال مرجع ..
الله يسعدكم ويوفقكم وتنالو اعلى الدرجات يارب.
مع حبي🌷

[همة عالية]

استاذاتي الترم الماضي الحمدلله وفقت فيهم وهم :
عبير محمود اسئلتها واضحه وتحدد الله يسعدها
ديانا الحجيه ممتازه الله يسعدها موادها فرصه لاتفوت
سناء الحلبي المنهج كامل كان معنا ماتحدد ابدا واسئلتها واضحه
مشاعر بكر تحدد واسئلتها واضحه الله يسعدها
ساره العماري تحدد واسئلتها من متوسطه الى بسيطه ولكن دقيقه جدا في وضع الاسئله

[amal2244]

انا قانون المستوى الرابع

حبيت افديكم باستازاتي في المستوى التالت

مادة محاسبه ماليه ، معا تغريد واكيد الكل يعرفها ما يحتاج اتكلم عنها ، انسانه مررا طيبه وتساعد كتير وشرحها يجنن وتدي ملخص نزاكر منو ويجي الاختبار منو بس

نظم معلومات اداريه استاذة ظلال كتبي
شرحها كويس وصوتها واضح ومصحصحه وتشرح من سلايدات بس تقول زاكرو من الكتاب و تحدف فصول
و واجباتها ماتحب النسخ واللصق تنقص عليه بس ادتنا تعويضي و اغلبنا اخدنا 30
تسويق معا استاذة نجوى طيبه مرا بس للاسف شرحها سيئ جدا وتقرا من السلايدات وتقول زاكرو كتاب
بس للامانه تسااعد مرررا كتير ف الواجبات والمنتديات و فتحتها كلها اخر السنه يعني تقريبا الكل اخد 30
واسئلة النهائي مررررا سهله

قانون اعمال مع صفاء مررررا كويسا تشرح كويس و فهم مزبوط و تحدف واسئلتها متوسطه للصعبه

ثقافه 2 مع روئ ، يعني مايحتاج اتكلم عن الثقافه لانو الكل يقرو من الكتاب و المزاكرة من الجلده للجلده
بس للامانه واجباتها جددداااا سهله

عربي مع استاذة هند سلطان
دي التووب ف كل السمستر دا
انسانه عسسسل ربنا يوفقها فين ماتكون

مررا تشرح كووويس وتحب تدي امثله كتيير عشان تفهمك مزبوط صح تطوول ف المحاضرة وتاخود تعويضي مرا كتير بس تستمتعي معاها
بالنسبه للواجبات والمنتديات ف ماتصحح بدري واتوقع لما الاختبار ما صححتت بس ادت الكل 30

وللاسف كان اخر سمستر احنا تدرسنا لانها جالسه تكمل دكتوراه ، ربنا يوفقها

وبس اسفه عشان طولت
بس حبيت افيدكم .

[EKHLAS B]

اذا سمحتو ابغى اعرف الدكتورات الطيبات والكويسات انا مستوى ثالث والتحقت بكلية رابغ تخصص خدمات صحيه ومستشفيات وهل في قروب بنات للواتس لنفس المستوى او لا