المكافأة الامتياز ......؟؟؟؟

[أكابر]

مدري أنا أتوقع ممكن نا خذها من الجامعه

[الزهرة الأرجوانية]

المشاركة الأصلية كتبت بواسطة أكابر مدري أنا أتوقع ممكن نا خذها من الجامعه

لا مو من الجامعة أختي سألت بالجامعة قالوا مالنا دخل بالفرع لازم أختك تراجع الفرع..

[مجرد امال]

مشكورات ما قصرتوا ... ربي يسعدكم

[math-969]

عزيزاتي اللي تسأل عن مكافأة الامتياز فهي مثل ماقالوا البنات
لازم مايقل المعدل عن 4.50 لفصلين دراسيين متتالين
وعن كل فصلين تاخذي ألف ريال
هذا هو النظام..
لكن!!!!!!!!!!!!!!!!!!!!
في الواقع النظام غير مطبق تماما
انا من السنه اللي فاتت وانا أراجع ولحد الحين
ما وصلت لنتيجة......
صرلي 3 سنين ما اخذ مكافأت لاني ماكنت اعرف عنها
ولما عرفت انها من حقي...
صرت اراجعهم كل شوي وكل يوم يطلعوا بعذر...
بس انا وراهم والزمن طويل!!!!!!!
كمان لان البنات مو مهتمين مافيه احد يزن عليهم
تعرفوا في الكلية ما يجيك حقك الا بعد مايجيك الهم
والمسؤوله عن المكافأت هي الوكيله د-فوزيه طولة
لازم نطفشهم ونجلس على راسهم لحد ماينزلوها

[math-969]

نسيت أقولككم ترى الشؤون ماراح يفيدوكم
اللي تبغى تسأل عن أي شي بخصوص مكافأة الامتياز تروح على طول للوكيله
الموضوع كله عندها...
لانه بصراحه في هذي الكليه ترى محد يعرف شي
أنا تعبت ودخت سبعه دوخات لحد ماعرفت ان الموضوع عند الوكيلة
انتو روحو مكتب الوكيلة وإذا ماحصلتوها كلموا السكرتيرة عن الموضوع
وهي تشوفلكم وان شاء الله تفيدكم وتاخذوا حقكم

[ثَوَابِت..]

حبايب ..
قبل كم يوم رحت لـ د. دلال عميدة شؤون الطالبات...

وقالت لي راجعيني ع الأسبوع الجاي.. وحسيتها ماخذه الأأمور بجديه الله يسعدها.. لأنه لنا سنتين مافش مكافآت امتياز..ولا شهادات تفوق .. ولا تكريم...
بس خير لنا يمكن..

[الزهرة الأرجوانية]

المشاركة الأصلية كتبت بواسطة math-969 نسيت أقولككم ترى الشؤون ماراح يفيدوكم اللي تبغى تسأل عن أي شي بخصوص مكافأة الامتياز تروح على طول للوكيله الموضوع كله عندها... لانه بصراحه في هذي الكليه ترى محد يعرف شي أنا تعبت ودخت سبعه دوخات لحد ماعرفت ان الموضوع عند الوكيلة انتو روحو مكتب الوكيلة وإذا ماحصلتوها كلموا السكرتيرة عن الموضوع وهي تشوفلكم وان شاء الله تفيدكم وتاخذوا حقكم

والله كلامك صحيح دخت يوم الثلاثاء كل وحدة تقلي عن الثانية درت ع أكثر من خمس غرف وآخر شي قالوا لي تلقائي وأنا عارفة انهم كذابين بس إن شاء الله اروح عند د.فوزية والدكتورة دلال هذا الأسبوع..

[math-969]

الله يوفقكم يابنات وييسر لكم اموركم
واللي تروح تراجع تقلي اش يصير معاها
لاني الحين خارجة تربية عملي وما أقدر أراجعهم.

[sanaa]

انا قدمت عليها اول الترم

بس متى تنزل ؟؟ دايما اشيك على حسابي وما القاها نزلت !!

[math-969]

يابنات أبشركم وأخيراً افتكرونا
قرأت اعلانات عن المكافأت ولما راجعت سكرتيرة الوكيلة
قالت لي افتحي حساب في سامبا وجيبي رقم الحساب ونحولها لك
خلينا نسوي زي مايقولوا ونشوف آخرتها معاهم