موازي طب

[Rawsan]

السلام عليكم ورحمة الله وبركاته

ان شاء الله اكون نزلت الموضوع في مكانه المناسب
حابه استفسر عن الموازي في جامعة الملك عبد العزيز للطب من كم سنه سمعت انو في موازي
بس بعرف في موجود الى الان او قفلوه
ولو كان موجود كيف اسجل في
ياليييت تساعدونييييييي ضرورييي
وشكراً

[محمد عماد]

الموازي موجود
بس لازم تدرسي سنة تحضيرية
وبعدين تختاري التخصص

بالــتــوفـــيــق

[Rawsan]

طيب معليش ممكن سؤال
انا دحين سجلت في جامعة طيبة وسجلة في جامعة الملك عبدالعزيز
بس المشكله انو موعد التسليم كلهم عندي في نفس الوقت يوم الاحد
وانا خايفه ما انقبل في طيبه ويكتفو و يروح عليه تسجيل جامعة الملك عبد العزيز
عشان كدا حاطه الموازي كخيار ثاني بس كيف اسجل في السنه التحضيريه موازي ولا خلاص قفل التسجيل ؟
وايش ممكن في حل ساعدوني

[Beeshoob]

المشاركة الأصلية كتبت بواسطة rawsan طيب معليش ممكن سؤال انا دحين سجلت في جامعة طيبة وسجلة في جامعة الملك عبدالعزيز بس المشكله انو موعد التسليم كلهم عندي في نفس الوقت يوم الاحد وانا خايفه ما انقبل في طيبه ويكتفو و يروح عليه تسجيل جامعة الملك عبد العزيز عشان كدا حاطه الموازي كخيار ثاني بس كيف اسجل في السنه التحضيريه موازي ولا خلاص قفل التسجيل ؟ وايش ممكن في حل ساعدوني

معليه انا بجاوبك
وحسيتك مش فاهمه الموازي عندنا الطب بس اللي موازي وبعد ما تخلصي السنه التحضيريه اللي هيا اجباريه لكل البرامج في الجامعه تقريبا
تتخصي اي شي في الحياه تبغيه يعني مافي تخصص بدون تحضيري سواء كان المسار علمي او اداري
امممم والطب عندنا الموازي بدون فلوس وبتدرسي مع الطب العادي في نفس الوقت والكلاس
اول كان التسجيل لحال وتدفعي فلوس وتدرسي لوحدك واعتقد مسائي كمان بس دحين لا

في رايي تقري عن طريقة الدراسه هنا وهناك كمان واكيد انتي عارفه انو الطب هنا احسن من هناك بكتير

ودا قرارك في افضل لك

[ndo-farforah]

انا بس بدي اعرف لي حاطة فكرة الطب الموازي فراسك اكتر من الطب العادي ؟

[Rawsan]

شكرا لكم
انا مو حكاية حاطه الطب الموازي في راسي عن الطب العادي
بس لانه جات حكاية تسليم الملفات في جامعة طيبه والملك عبد العزيز ليه كلها يوم الاحد وكلها الساعه ١٠
اهلي شايفين انو اسجل في طيبه واذا ما انقبلت وكدا كدا راح عليه التسجيل في جامعة الملك عبد العزيز يسير ادخل موازي
يعني بما انو انا جدا نفسي ادخل طب والحمدلله معدلي كويس
وان شاءالله بس ينفع وادخل العادي لو انقبلت بس لو ما انقبلت فممكن ادخل موازي
بس دحين اتلخبط مخي يعني انا لو راح عليه موعد جامعة الملك عبدالعزيز كدا راح عليه حتى الموازي ؟

[Dr.Badr]

ههههههه معليش بس ، ممكن تشرحيلنا ايش هوا الموازي اللي في دماغك لأنو شكلها الفيوزات عندك ضربت ،، :p

[Dr.Passed]

لازم تدروسي سنه تحضيريع وبعدين على حسب درجاتك هما يحطوكي

[سسوسو]

صبااح الورد / بنات ياحلووين انا انقبلت سنه تحضيريه موازي بالشررفيه وعندي كم سؤال يااريت تردو علياا

اول شئ الرسووم علياا والا علي الملك ؟

والشئ التااني اناا دخلت ع ملفي كااتبين عمااده خدمه المجتمع وانا اخترت الشررفيه يعني ايه اناا مو فااهمه انحين اناا بالشرفيه والا لا يااريت مااتبخلوا عليا