كافتيريات الجامعة

[Um mshari]

المشاركة الأصلية كتبت بواسطة أشواق الغامدي يعطيك العافية .. أنا أشوف إن المكان إللي عند الـ 420 !! روووووووووعة

420 احسة منفي مرة بعيد على الطالبات ومش معقول الطالبة تضرب مشوار للمبنى علشان تشتري من الكافتيريا الاخت اللي قالت بجنب سامبا تقريبا لابأس بالمكان لانة يعتبر في الوسط .
وجهة نظر لا اكثر ويعطيكم العافية وبالتوفيق لصاحبة المشروع.....

[أشواق الغامدي]

:
مبنى 420 ما عنده أي خدمات
ثانيا تقدم فيه كثير من المحاضرات لطالبات الآداب و الإدارة ، و كثير منهم يعجزون يروحون للكفتيريا في السادس !!
عند سامبا .. في كفتيريا في مبنى الآداب ، و فيه عند الخنساء ..
يعني مكانها هنا بيكون زيادة عدد ..

أيضًا وجهة نظر ..

[moonglooms122]

السلام عليكم

اشكرك جدا رووني على مشاركاتك معي .. وتسلمي

ام مشاري واشواق المكان الله العالم للحين هم فين راح يعطوني اياه

لاني للحين في الكلام معاهم وتعقيدات بس ربكم كريم ..

بس ان شاء الله لو كان عند 420 او غيره بيعجبكم إن شاء الله

[moonglooms122]

مازلنا في انتظار افكار واقتراحات اكثر .....

وشكرا لكم ..

[همس المشاعر]

كافتيريا الجامعة مررة كويسة ونظيفة

لكن فكرتك روعة ليه ما تطرحيها على المسؤلين

[moonglooms122]

همس المشاعر ..

تسلمي على ردك والفكرة مطروحة ولكن ننتظر الموافقة ..

[انجل~]

فكره بطله
منتظرينها

[mooni]

ياقلبي من جد فكره رووووووووعه وحتمشي صدقيني ...وانا معاكي ياقلبي..

1- المكان المناسب بجانب اي مبنى بالضبط

المكان المناسب امكن اللي قدام الثالث عند الصراف .. هو احسن مكان ..والبنات دايما يتجمعوو هناك ..
يعني هتلاقي اقبال مررره كبيير ...

-------

2- نوعية الجلسات ارضية او طاولات

طاولات وكراسي مريحه مو زي رابيز الاقتصاد المنزلي اللي شويتين وحيتكسر ..
ولا تخليها حديد مو مريحه زي العلوم ..يعني نبغى جلسه على ذوقك مريحه :)
-------

3- الالوان المناسبة لكم بس طبعا غير البني لاني مااحبه ..

الوان فاتحه وهاديه اهم شي يعني بينك اورانج رايق ... او موف ... زي كده يعني

-------

4- الديكور المقترح

ديكووور رااايق يعني لاتكلفي كتيير ومانبغا اضاءات كتيره نبغا مررره راايقه الاضاءه
--------

5- المنيو بحيث يكون فقط قهوة بجلسات او تكون كافتيريا كاملة بالاكل

اممم ممكن قهوه وعصيرات فريش اهم شي ...والقهوه بكل انواعها >>مجنونه قهوه ...هع
-------

6- الاكل المقترح والمطاعم المفضلة لكم وتتمنوا يكون منها الاكل والشرب

اممم مدري بس اذا تبغي مطاعم وزي كده عاادي اي شي ..
..

والكافتيريا خليها تفتح من 8 احسن شي ...لانوو اذا جيت بدري الجامعه احصل مكان اشرب في قهوه هع ..
:


الله يوفقك ياقمرزز .. وربي معاكي ياعسل

[hanaa_11]

مكن أسألك يا أختي مين الجهة المسؤوله عن الكفتيريات بالجامعه؟؟

[moonglooms122]

Mooni
تسلمي ياقلبي ..
ولا يهمك انتي بس قولي لي ايش نوع القهوة الي تشربيها وانا اجهزها لك من النجمة

Hanaa_11
والله يا أختي انا لحين ماني عارفة مين الي مسؤول عن هالشيء كل واحد يرميني لواحد ثاني ..
بس اذا تعرفي انتي مين بالضبط ياليت تقولين لي واكون شاكرة لك ..