استفساراتكم عن كلية الطب برابغ

[m.a.h-91]

هنا نستقبل اي استفسار عن كلية الطب برابغ ......

[sroo mori]

كم النسبة المطلوبة اولاد

سواء ثانوي او تحصيلي او قدرات

كيفية التقديم

بالنسبة للسكن كيف النظام

متى يبدا التقديم ومتى ينتهي

[m.a.h-91]

المشاركة الأصلية كتبت بواسطة sroo mori كم النسبة المطلوبة اولاد سواء ثانوي او تحصيلي او قدرات كيفية التقديم بالنسبة للسكن كيف النظام متى يبدا التقديم ومتى ينتهي

بالنسبة للنسب مافي احد يقدر يحدد لأنو كل سنة تختلف
ولعلمك انت اول شي تقدم على السنة التحضيرية وبعدها حتدخل الكلية على حسب المعدل
بالنسبة لسكن الجامعة انا بصراحة مو ساكن فيه انا ساكن برا
بس على حسب ما شفت السنة دي علقو اوراق بعد بداية السنة بشوية لكن اظن دي السنة حيفرق الوضع
اي جديد بخصوص السكن ان شاء الله حأعطيك خبر بيه

[sroo mori]

يعطيك العافية
جزاك الله خير

[محمد بن عيضه]

أشكرك أخوي على هذه البادرة الجميلة
أنا من دفعة 11 والحمدلله تم قبولي في كلية الطب في رابغ
أتمنى تعطينا فكره عن الكلية المباني عدد الطلاب الدكاترة

وسؤال ثاني سمعت أنو كل طالب يحصل على لاب توب هل هذا صحيح ؟؟

وشكراً

[m.a.h-91]

المشاركة الأصلية كتبت بواسطة محمد بن عيضه أشكرك أخوي على هذه البادرة الجميلة أنا من دفعة 11 والحمدلله تم قبولي في كلية الطب في رابغ أتمنى تعطينا فكره عن الكلية المباني عدد الطلاب الدكاترة وسؤال ثاني سمعت أنو كل طالب يحصل على لاب توب هل هذا صحيح ؟؟ وشكراً

اهلا وسهلا بيك ف كليتنا العزيزة
شوف ياحبيبي عندنا مبنى الكلية جاهز حيكون بداية دي السنة وحنبدأ الدراسة فيه بإذن الله
عدد الطلاب تقريبا ف الكلية كاملة بدون دفعتكم 60 طالب والدكاترة لله الحمد في تزايد
وعن اللاب توب صحيح الكلام دا دفعتنا والدفعة اللي قبلها كلنا اخدنا لاب توبات

واي استفسار احنا حاضرين

[محمد بن عيضه]

طيب اخوي عندي في الاودس موجود الخطة الدراسية حق سنتين فقط وطبعاً زي ماتعرف انو باقيلنا في الطب 5 سنوات غير الإمتياز فالمفروض تطلعلي خطة دراسية حق 5 سنوات !!! أكيد في شيء

والشيء الثاني هل فيه مستشفى تطبقوا فيه ولا لا ؟؟

وأشكرك وإن شاء الله أتشرف بمعرفتك ومقابلتك في أول يوم دوام

[MAS-663]

مشكور على البادره الطيبه منك والله يجعلك على القوه

بس انا ابيك تطمني من ناحية الكلية طلابها دكاترتها وتساهلهم مع الطلبه وكيف المدينه بشكل عام لاني ما عمري زرتها
فارجوا منك الاجابات الشافيه والوافيه على ذلك... جزاكـ الله خير..

وكمان نقطة السكن غير الجامعي لاني ماراح اسكن فيه كيف الاجارات ومن هذا القبيل والله يعطيك الف الف عافيه..

[m.a.h-91]

المشاركة الأصلية كتبت بواسطة محمد بن عيضه طيب اخوي عندي في الاودس موجود الخطة الدراسية حق سنتين فقط وطبعاً زي ماتعرف انو باقيلنا في الطب 5 سنوات غير الإمتياز فالمفروض تطلعلي خطة دراسية حق 5 سنوات !!! أكيد في شيء والشيء الثاني هل فيه مستشفى تطبقوا فيه ولا لا ؟؟ وأشكرك وإن شاء الله أتشرف بمعرفتك ومقابلتك في أول يوم دوام

لا كلنا كدا وتقريبا المواد اللي بعد سنة تالته تكون اكلينيكة يعني ف المستشفى اكترها يعني تقريبا دي المواد اللي تدرسها كمواد والباقي زي دراسة مع تطبيق

وبالنسبة للمستشفى للاسف للان ما اتوفرت لكن ما نحتاجها غير سنة رابعة ولو احتجنا مستشفى حيكون تطبيقنا ف جدة تقريبا الا اذا شافولهم حل

وان شاء الله حنتقابل كتير :) هههههه

[m.a.h-91]

المشاركة الأصلية كتبت بواسطة mas-663 مشكور على البادره الطيبه منك والله يجعلك على القوه بس انا ابيك تطمني من ناحية الكلية طلابها دكاترتها وتساهلهم مع الطلبه وكيف المدينه بشكل عام لاني ما عمري زرتها فارجوا منك الاجابات الشافيه والوافيه على ذلك... جزاكـ الله خير.. وكمان نقطة السكن غير الجامعي لاني ماراح اسكن فيه كيف الاجارات ومن هذا القبيل والله يعطيك الف الف عافيه..

والله ياحبيبي الكلية الحمد لله مية على مية من طلاب ودكاترة بس والله ما اشوف انو فيها تساهل ابدا بالعكس احسهم شوية شادين علينا
ورابغ مدينة تقدر تقول عليها بشكل عام مدينة دراسية هههه يعني هادية ومافيها ازعاج وحتكون بعيد عن كل اللي يشتتك ان شاء الله
وعن السكن الغير جامعي انا شخصيا ساكن خارج السكن وبالنسبة للايجارات والله تختلف في الشقة اللي غرفتين وفي غرفة وغير كدا الجديد والقديم فالاسعار متفاوته لازم تروح قبل ماتبدا السنة وتشوفلك سكن

واي خدمات احنا جاهزين :)