أخطاء في الكتـب .. وأيضاً أخطاء في الاختبار !!

[S H ! F T]

السلام عليكم ورحمة الله وبركـاته ،،

كيف حالكم ياشباب .. ان شاء الله تكونون بأتم صحه وعافيه

حبيت اطرح عليكم موضوع نتناقش فيـه

طبعاً الموضوع أتمنى انـه يوصل للرؤساء ودكاترة المادة

الكـل لاحـظ الأخطاء في الكتـب وقت المذاكرة .. ولاحظنا ان الأخطاء تشمل (أخطاء إملائية، وأخطاء ايضاً في المسائل الحاسبية)

وهذي الأخطاء تشتت الطالب .. وخاصة فيما يتعلق بالعمليات الحسابية

الطالـب يفهـم الدرس وممكن يكـون جايب (مدرس) إذا جاء يطبق في المثال وحـل يطلع حلـه غلط والسبب ؟

خطـأ في تطبيق القانون في الكتاب .. أو خطأ املائي في اخراج الناتـج

وهذا ينتـج عنه تشتيـت وتحطيم للطالب .. يذاكر ويحل ويطلع حله غلط

والأمثله كثيرة اقرب مثال كتابين (التطبيقات ومبادئ الإحصاء) للخطة "ب"

غير كـذا .. حـل المسائل في الكتاب يصير في طريقة بسيطة ومافيها اي شرح .. يضع القانون ويطلع المعطيات من غير مايشرح للطالب من وين طلعناهـا هالمعطيات

أتمنى يكون فيه التفات من قبل الدكاترة للكتب .. اقل شي الكتب مطبوعة بالجامعة ياخي راجـع الكتاب المطبوع (املائياً وحسابياً) لاتسوون الكتب وتجبرون الطالب ياخذها وهو اللي يدفع الثمن بالأخير

أو اطلبوا كتـب تكون خارجيـة .. وهذي افضلها صراحـة .. لأن فيه بعض الطلاب في الرياض وفي الشرقية وفي المدينة وفي أبها صعبـة يروحون جدة يجيبون الكتـب .. أو يطلبونها ويدفعون زيادة على الكتب حق التوصيل :)

الكتب الخارجية بحيث تكون متوفرة في المكتبات الكبيرة (جرير - العبيكان).

هذا بالنسبة للكتـب

أما بالنسبة للاختبار .. صراحة الاختبارات كلها كانت تمام .. ماعدا اختبار وحيـد كل العالم لخبطوا وخربطوا واخذ وقتهـم ونصهم ماحلو اكثر الأسئلة والسبب جالس يفكر في سؤال جوابـه ليس موجود في الإختيارات .. او ناقصه معطياته .. أو تكون الاختيارات قريبة من الجواب لكن الفرق (.1) مثل ماصار في تطبيقات الإحصاء

يعني اقل شي اذا مافيه مراجعة للكتب .. سووا مراجعة لأسئلة الإختبار .. نبي أسئلة صاحـية ونبي اسئلة منصفة .. يعني ايش ذنب اللي كان نموذجه (ب) أو (ج) ايش فرقه عن نموذج (أ) ؟

وبعدين الواحد تلاقيـه طول التـرم وهو يجمـع لمصاريف الجامعة والمدرسين والاختبارات في الترم يدفع الواحد مالايقل عن (7000) ريال تزيد او تنقص وبالأخير يتفاجأ بأسئلة وكتـب الله بالخير وبسببها يحمل مادة او يحذف ترم او ممكن يفصل من الجامعة < تحطيم بصراحة

ارائكم حول هذا الموضوع .. وماهي المقترحات والشغلات اللي عندك غير هالكلام تبي تضيفها ؟

وهذا حنا نصايـح وان شاء الله صوتنا يوصلهـم

دمتـم |~

[ABO HAMAD]

نعم هناك اخطاء لاحضتها في مسائل حسابيه في مادة التحليل الإحصائي

[بدرناصر]

وازيد على كلامك بالنسبه للكتب فيه كتاب خطه أ

عندك التحليل الكمي فيه بالكتاب اكثر من سبعة امثله حلها خطأ


الله يستر مايكون في هالجامعه التفكير بالماده فقط اقصد جيوبنا

ارجوا ان يكون تفكيرهم برفع التعليم في الدوله احسن من ادفع واشتر

والظاهر ان هالمنتدى السيرفر يبي ينفجر من كثر الكلام والا حياة لمن تنادي؟؟؟

[S H ! F T]

نعم هناك اخطاء لاحضتها في مسائل حسابيه في مادة التحليل الإحصائي

وش نقول بس غير الله يعين .. منور يابوحمد

[S H ! F T]

وازيد على كلامك بالنسبه للكتب فيه كتاب خطه أ عندك التحليل الكمي فيه بالكتاب اكثر من سبعة امثله حلها خطأ الله يستر مايكون في هالجامعه التفكير بالماده فقط اقصد جيوبنا ارجوا ان يكون تفكيرهم برفع التعليم في الدوله احسن من ادفع واشتر والظاهر ان هالمنتدى السيرفر يبي ينفجر من كثر الكلام والا حياة لمن تنادي؟؟؟

ياخي بإمكاننا ندفع نص الفلوس اللي دافعينها ونجيب لنا شهادة من دولة ثانية بدون مذاكرة ولا وجع راس

حنا جايين نبي نتعـلم ونستفيـد .. وهم همهم المادة :(

منـور اخوي بـدر :)

[بدرناصر]

والله الظاهر هذا الى يبون يجبرون الشاب السعودي عليه ويصير التعليم عندنا كل همهم الماده (ويمكن بكره تقدر تشتري شهاده من نفس هالجامعه من يدري مادام الكتب اكثره خطأ بخطأ هاذا يدل على انه رساله غير مباشره لبيع الشهادات "أمثلة كتب خطأ عشنا وشفنا ")

[Quaresma 7]

سلام عليكم ،،،

أيه صح كلامكم التحليل الكمي أنت تذاكر وأنت تصلح ، وتعدل وبعد عشر محاولات في الحل تقول كيف طلع الناتج معقوله خطأ وفي الأخير كلامك يطلع صح الحلول خطأ .

أنا حاس أن حليت زين في الأختبار بس الله يوفقنا ( أصعب ماده عندي الثقافة الإسلامية ) يارب أعدي منها يارب

تحياتي ،،،

Quaresma 7

[عبدالعزيز سعيد]

الــ3000 ريال تروح لطلاب الانتظام وبعض الموظفين الاداريين واذا بقي شي اخذوها الشلة
ولا همهم التعليم الممتاز

يقول عزازي :

((اصيح وحدي ماحدن يسمع الصوووووووو ووو وو ت )) ، نشتكي ولا كأنا نشتكي

لكن حسبي الله عليهم

[عنيد بس عميد]

حتى الحاسب الآلي فيه أخطاء

[ro7i Leek]

والادهى والامر انو اسئلة الاختبارات كان فيها اخطااء كثييره ..

وكذا مره نبهت الدكتوره لخطأ وقالت لجميع الطالبات يصححوا الخطأ باوراقهم ..


يعني مثلا كيف البنات في القاعات الثانيه راح يعرفوا الغلط؟؟؟؟؟؟


الله المستعان بس