استفسارات في دورت الحاسب الالي؟؟ (عنوان مبهم تم التعديل)

[Eptsam Turab]

السلام عليكم ورحمة الله وبركاتو ..

صباح وظهر ومسى الخير للجمييييع ..


دحين دورت الحاسب الالي إلي من قبل الجامعة الي قالو عنها مجانا ... ابغى احد يفهمني بالضبط هوا ساعتيين في خمس ايام بالضبط وبعدين يعطوني الشهادة وكيف ؟!!!

اتمنى احد يشرحلي كدا بطيقة مبسطة

[دلوله الدلوعه]

اختي انا واثنين صحباتي تعليم عن بعد سجلنا فيها

هي بلاش

وساعتين خمس ايام بالاسبوع لمده شهر

ومتى بصراحه ماااا ادري متى تبدا ياليت احد يفيدنا بموعدها

[sara100]

صحيح الدورة ساعتين خمس ايام في الاسبوع
وبيعطوكي شهادة حضور

[oolano]

ياحلوين الدوره مجانا انا العام كنت في التحضيري

ونزلت الدوره على الشهرين الاخيره من الترم

وكيف راح تعرفي اذا بدا التسجيل ؟؟

هما يرسلو رسايل على ارقام الجوالات الى حاطينها في البيانات ويحطو الرابط معا وتقدري تحددي الوقت

وكمان لمن تفتحي الاودس راح تلاقي في بدايه الصفحه اعلان عن التسجيل

[Eptsam Turab]

المشاركة الأصلية كتبت بواسطة oolano ياحلوين الدوره مجانا انا العام كنت في التحضيري ونزلت الدوره على الشهرين الاخيره من الترم وكيف راح تعرفي اذا بدا التسجيل ؟؟ هما يرسلو رسايل على ارقام الجوالات الى حاطينها في البيانات ويحطو الرابط معا وتقدري تحددي الوقت وكمان لمن تفتحي الاودس راح تلاقي في بدايه الصفحه اعلان عن التسجيل

طيب حبيبي الدورة لمدة شهر او اسبووع ؟؟؟

[sara100]

الدورة مدتها 3 اسابيع وذا بدأ التسجيل سجلي بدري لانهم بيكتفو بدري

[oolano]

تقريبا شهر او 3 اسابيع وسجلي بدري اول ماتوصلك الرساله

[Eptsam Turab]

المشاركة الأصلية كتبت بواسطة sara100 الدورة مدتها 3 اسابيع وذا بدأ التسجيل سجلي بدري لانهم بيكتفو بدري

رسلولي رسالة اليوم ف جوالي بس لمن جيت اخش اسجل واخترت ابو خمسة ساعات في يومين واخترت الزمن الي هما حددوه مو انا كمان قالولي لا يوجد معمل ف هذا الوقت ايش يعني البلاها هادي يعني اكتفو بعدد معين ولا بلاها هيا وخلاص ؟!؟!!؟

[حلوة باطباعي]

المشاركة الأصلية كتبت بواسطة oolano ياحلوين الدوره مجانا انا العام كنت في التحضيري ونزلت الدوره على الشهرين الاخيره من الترم وكيف راح تعرفي اذا بدا التسجيل ؟؟ هما يرسلو رسايل على ارقام الجوالات الى حاطينها في البيانات ويحطو الرابط معا وتقدري تحددي الوقت وكمان لمن تفتحي الاودس راح تلاقي في بدايه الصفحه اعلان عن التسجيل

عزيزتي بالنسبه للشهادة اخذتيها ... من فين ...؟

ابغى التفاصيل

اخذت دورة من زمان حتى الان م خذيت الشهادة : (

ساعديني

[sara100]

بالنسبة لي انا اخذتها من عندهم من عمادة خدمة المجتمع الدور التاني الل كنا ندرب فيه