افيدوني في احصاء 211

[M7md07]

السلام عليكم

يا شباب انا اضفت اليوم مادة احصاء 211 وانا تخصصي رياضيات لكن ذي المادة مطلوبة في الخطة الدراسية
و ابغى اعرف مين احسن دكتور للمادة و رأيك في الدكتور / محمد عبدالمؤمن محمود عطاالله

ولكم جزيل الشكر

[جامعي تحضيري]

من وين شفت الخطة انا تخصصي رياضيات بس ما عرفت شي

[عبيدو]

المادة 211 من المتطلبات في قسم الرياضيات وطبعا المادة سهلة جدا لا تفوت أي محاضرات أحضر وأكتب كل اللي في السبورة عشان تقدر تحل بالاختبار

بالنسبة لدكتور محمود عبدالمؤمن في الشرح ممتاز يفصل كل خطوة على حدة بشكل ممل للناس الفاهمة للخطوات اللي يشرحها لكن هو بيشرح لكل الطلاب ويبغى الكل توصله المعلومة

طيب - يزود درجات بالكيلو - يهتم بالحضور والحل في الاختبار - الزيادة على حسب أعلى درجة - المهم لا أحد يجيب سيرة للزيادة ولا تروح عليكم

بالنسبة للاختبارات طويلة أكثر شيء الدوريات 2 واحد منهم 30 سؤال والثاني ممكن يوصل 35 كزيادة كل الأسئلة تحلها يدويا يعني مو اختيارات

عشان كذا تحتاج تركيز في المحاضرات وكتابة كل شيء

الاسئلة بالانجليزي ويترجم لك وقت الاختبار ممكن ما يكفي الوقت وأنت تحل حاول تحل اللي تقدر عليه إذا حسيت الوقت باغتك

المنهج سهلة والأسئلة متوسطة السهولة ,إذا فيه شيء ما فهمته روح للدكتور وأسأل رح يجاوبك بدون تردد وبالعكس كل الدكاترة يحبون الطالب اللي يسأل سواء في المكتب أو القاعة

النهائي من 40 درجة ممكن يحط اسئلة بونس 45 أو 50 سؤال تقريبا يعني زيادة 5 أو 10 درجات

بالتوفيق لك..

[M7md07]

الله يعيك العافية وافي ما تقصر

لكن بغيت اسأل عن الدكتور بندر الزهراني كيف هو في الدرجات و هل يرسب بكثرة ؟