قصيدة كتبتها على ما رأيته من معاناة من أخطاء التصحيح والتعامل

الشاعر عبدالله الاهدل · #1 04-08-2013, 09:11 AM

السلام عليكم ورحمة الله وبركاته

الحقيقه أنا قريت عن موضوع الاخطاء في التصحيح وأنا أحد المتضررين منه من سنتين وهذه المشكلة جميع الطلاب يعانوا منها من سنين ولذلك كتبت قصيدة وسجلتها واعذروني على ضعف التسجيل ولكن كانت على عجاله

القصيدة

النتايج يا جماعه غير غيـــــــــــــر=من جبل طحنــــــــا ونرجع نطلعــــــه
نتعب ونسهر ولكن في الاخيـــــــر=النتائــــــــج ما تجــــــي متوقعــــــــــــه
الحزن يزداد في قلبن كسيــــــــــــر=والزمن يبكي وانا امسح مدمعــــــــــه
يا نموت بحرُ ولا زمهريـــــــــــــر=أو نعيش بحلم ما به منفعــــــــــــــــــه
وش يفيد الشخص لا مات الضمير=وش يفيد العلم وســــــــــط الأقنعــــه
الرسوم تحير انسان(ن) فقيــــــــــر=كل ما يدفع دموعــــــــــــــه تدفعـــــــه
كم وكم دكتور باسلوبه عسيـــــــــر=وكم وكم دكتور طيبـــــه يرفعـــــــــــه
ندعي الله كل من طبعه يسيــــــــــر=يحفظه ربي ويحفـــــــــظ مرجعــــــــه
جامعتنا وش بقا شي ما يصيـــــــر=علمينـــــــــــا وش بقا نتجرعــــــــــــه
صرنا من قبل المناهج نستشيـــــــر=من هو اللي بالمنــــــــاهج نقطعــــــــه
والحقيقه مثل صياد(ن) وطيـــــــــر=لو نجا طلق الرصاص بيجزعـــــــــه
واللذي قلته قليل(ن) من كثيــــــــــر=أبني طموحي وغيري ينزعــــــــــــــه
لا بقا مستر ولا حنا بخيـــــــــــــــر=مثل من هو ضيع اللي يجمعــــــــــــه
وخوفنا لا من تخرجنا نصيـــــــــــر=بالشهادة بين جدران اربعـــــــــــــــــه

والقصيدة مرفوعه على اليوتيوب واعذروني على التسجيل مرة أخرى لانها على عجاله