اتمنى ان تساعدوني

[خلووود الشريف]

ارجو منكم من لديه معلومات او خبره بمجال دراسات طفوله خصوصا عن الدكاتره و الاستاذات و المواد وكيف نسوي الجداول

خصوصا انه توني خلصت سنه تحضيريه وماني عارفه يا ليت تفودوني الله يسعدكم

[ريتاج666]

تروحي اول يوم عند مشرفة دراسات طفولة وراح تسويه لك

المواد الي حتاخديها و انصحك تاخديها مع :

علم نفس ، الاء الحجيلي
اسس تغذية ، اسماء الزهراني
مراحل نمو ، ماانصحك تاخذيها مع اسماء لو في غيرها خذي معاها دي غير اسماء الزهراني
طرق تدريس ، مع نسيمة الله يعينكم عليها الصراحة جدا دقيقة لكنها طيبة
ارشاد الطفل و توجيهه ، مع تغريد زقزوق دكتورة في منتهى الروووعة
رياض الاطفال ، وداد نسيت اللقب

و في مواد اختيارية زي مثلا منظمات مع نورا جدا سهل
و حاسوب مع منال مديني مادة سهلة و مسلية

انصحك تاخذي 6 مواد لا تاخدي اقل نصيحة


والله يوفقك

[خلووود الشريف]

مشكوره اختي ربي يسعدك ويوفقك ويتقبل منك في هالشهر الفضيل ومبارك عليك الشهر
بس ايش افضل امشي على الخطه تبعهم بنفس الواد وكل شئ والا انا اسويه والخطه حقتهم كلها 6 مواد يعني افضل اخذ 6؟؟ والا ضغط علي
تكفين انصحيني ما اعرف احد يساعدني بعد الله غيركم
واتمنى انك تفيديني ربي يجزاك جنه الفردووس

[خلووود الشريف]

ومن فين اعرف المواد الاختياريه و الحره وايش الفرق بينهمم

[ريتاج666]

الافضل انك تمشي على نفس الخطة لا تحذفي شىء ولا تزيدي زي ماهي الخطة ،، عشان تتخرجي ي 3 سنوات ما يزيد عليكي
وان شاء الله ماراح يكون ضغط انتي نظمي وقتك و خلصي التكاليف و الانشطة اول بأول لا تخليه يتراكم عليكي

بالنسبة للمواد الحره والاختيارية ،
الحره تكون فقط مادتين و من اي كلية < طبعا تدوري و تختاري مواد سهلة هههههه
و المواد الاختيارية تكون من نفس القسم الي هوا دراسات بس على حسب المواد الي نزلوها و تعرفيها من عند المرشدة حقتك
و حتعرفي اسمها من اول يوم في تسجيل المواد


واللهم امين الله يستجب دعواتك ،، ربنا يعينك و يوفقك ،، و ترا القسم في شوية شغل لكن جدا جدا ممتع و مفيد

[خلووود الشريف]

تسلمين اختي ,,,, الله يعطيكي العافيه ويوفقك ياارب
بس ياليت لو تعرفي مواد حره سهله تقوليها لي استفيد منها
و لو فيه مواد زي التحضيري احصاء او رياضيات يعني تشبلها بس اهم شئ عربي بيكون كويس
لو تعرفي شئ ياقلبي بالله لا تبخلي علي وحتى بالاستاذات
مشكورره حبيبتي

[ريتاج666]

امممم والله ماحقدر افيدك بالمواد الحره لاني مااعرف و دي تاخذيها بعدين في مستويات الاخيرة
دحين تبدأي بالاختيارية

بالنسبة للاستاذات اذا قصدك للمواد الحره زي ماقلتلك مااعرف وللاسف ،، و للتخصص الي ذكرتم اول

ويعافيكي ياقلبي

[o0sara0o]

أنا أنصحك تدخلي تسجلي المواد الكتروني عن طريق الأودس والله حتتبهذلي عن المشرفة من الزحمة
ادخل من الأودس ( التسجيل > إضافة شعب دراسية > وأختاري المواد اللي تبغيها واضغطي اضافة شعب )
راح تطلع لك الشعب بالتفاصيل اختاري اللي يناسبك وسجليه وخلاص
بعد كذا حتلقيه نزلك الجدول ع طول
الأن مفتوح الإضافة والحذف .. إذا انقفل حتضطري تروحي للمشرفة

أتمنى لك التوفيق ولاتنسيني بدعوة

[خلووود الشريف]

مشكورين حبايبي الله يسعدكم ويوفقك يارب وينور دربكم عن جد شكرا
بس حبيت اسالك عند الحذف او الاضافه المواد اقدر اختار استاذه انا والا لا ؟؟؟
واذا لا كيف اعرف انه هيا او لا
جزاكن الله جنه الفردووسس

[ريتاج666]

المشاركة الأصلية كتبت بواسطة خلووود الشريف مشكورين حبايبي الله يسعدكم ويوفقك يارب وينور دربكم عن جد شكرا بس حبيت اسالك عند الحذف او الاضافه المواد اقدر اختار استاذه انا والا لا ؟؟؟ واذا لا كيف اعرف انه هيا او لا جزاكن الله جنه الفردووسس

ايوه تقدري تختاري الاستاذة الي تبغيها ،، حتلاقي الاسم موجود بجانب المادة او لما تضغطي ع المادة حتلاقي المعلومات زي الوقت و اسم الاستاذة و كم مره في الاسبوع