مرثية طلال الرشيد (العطيب) في طلال الرشيد (الملتاع) الله يرحمه

[الملك الحزين]

ام الخساير - مرثية العطيب بالملتاع


يعني ماكفوك مليون الشهيد
تاخذين أغلا الحبايب يالجزاير


مالقيتي غير أطيب الرشيد
لو مااخاف الله لاقول الحكم جاير


الله اللي كاتب وحنا عبيد
ذا قضا رب المساجد والمناير


الزمن لو طال مثله مايجيد
فقد ابو نواف هي ام الخساير


مدرستنا في المراجل والقصيد
طيب الموقف الي دارت دواير


لابكا ينفع ولاشكوى تفيد
مابيدنا شي لو الدم فاير


مابيدنا غير نصفق ايد بيد
ومن تكلم عنه تخنقنا العباير


مابقى فينا على الشدة شديد
اللهب بين الضلوع وفي الضماير


كيف نفرح عقبه بعام جديد
لاهلا ولا مسهلا بواحد يناير


يالله انك تحسبه عندك شهيد
من توفي غدر في بر الجزاير

[مشاعر حائره]

السلام عليكم ورحمة الله وبركاته


الملك الحزين الف الف شكر على ما خطته اناملك


نقلت لنا اجمل حروف للغالي الشاعر الراحل(رحمة الله)


تحياتي

[الملك الحزين]

العفو اختي مشاعر حائره
وما اكتبت لكم الى علشان
الناس الي مثلك يقدرون الشعر والشعراء
الكبار زي الشاعر الكبير ابو نواف الله يرحمه

[نبع الوفااء]

يعني ماكفوك مليون الشهيد
تاخذين أغلا الحبايب يالجزاير


مالقيتي غير أطيب الرشيد
لو مااخاف الله لاقول الحكم جاير


والله انه صدق في هذيين البيتين
الف شكر لك اخوي ....



نبع الوفااء ...

[الملك الحزين]

العفو اختي نبع الوفاء
وابو نواف يستاهل اكثر الله يرحمه