جباراااة

[الملك الحزين]

قصيدة متواضعه الصراحه اعذروني ما اعرف انسق كويس واسوي خلفيات شوي توني مبتدي


جبّاراة الشعر احمليني وارحلـي للمشتـري
بسأل على نجمٍ سحرني كـل ليـل نـدوّره
بشكي لها دنيا الظلاله كيف تبرانـي بـري
واحكي لها قصة عـذابٍ بالحشـا متثـوّره
خبريني عن مكانك والله ان اجـري جـري
وآقولك جرحي ذبحني (. والصرووف.) تغوّره
وآقولك لدّي بحالي صار يفضـح منظـري
وجهي فقد نوره وابي نورك يجيـه ينـوّره
جار بي وقتٍ نساااني وانـذرى فينـي ذري
همٍ سقاني(. المر لشقـر والدمـوع تحـوّره.)
حسبي على غدر الليالي والزمـان المفتـري
الشقـا والـذل فينـي كـل يـوم تطـوّره
ياعز من شل الصبا من ديرتـي للأزهـري
يامن لها فينـي مشاعـر بالغـلا متهـوّره
ليتي معا الأموااات ميّت وافتحوا لي مقبـري
ولا أشوف اعيون قلبـي بالظهـر متعـوّره
يا رحية الورد المعطّر والخضار المزهـري
صورتك من يوم شفتـك بالفـؤاد مصـوّره
دونك فقيرٍ وان وصلني ريحكم برجع ثـري
والضحك من دونك حرامٍ حالفٍ مـا آزوّره
لويكون الموت دونـك والله انـي مشتـري
(.شفتي الضلع المقوّس!! لجلكـم بنكـوّره .)
جيت في ديرة هلايم !!عفت ثوبي واغتـري
لنّي اللـي مارضـا كلمـة سفيـه تعـوّره
لنّي اللي مارضيت الضعف يقطـع منخـري
يـوم شفـت ان الليالـي ظالمـه ومجـوّره
يا حلا الابيات قومي صيّحي!! واستنكري!!
كيف صار الطيب عيبٍ!!والعرب متصـوّره
ليه سل الوقت سيفه واغرسه في منحري ؟؟
وليه صارت لـي مشاعـر خايفه!!متـذوّره
السبب كذب العرب واللي جرالـي فحـذري
من وقت والله طعنته من جورهـا متحـوّره
واضحكي دامك كبيره (. يالأنيقه.) وابشـري
كل ما ضاقـت بوجهـك عبدنـا بنـزوّره
وآخر ادموعي(. احبك.) فحفظيهـا واعـذري
شاعرٍ له نجم غااااااالي كـل ليـل يـدوّره

[مشاعر حائره]

السلام عليكم ورحمة الله وبركاته

هلا بك يالملك الحزين

صح لسانك ولاهنت


بدايه موفقه

سلمت انملك

نتشرف بك في منتدانا

فارنا جديدك

ودع قلملك متواصل

تحياتي

[الملك الحزين]

الف شكر اختي مشاعر حايره
ولي الشرف انك تكونين اول من يرد على
القصيده وتسلمين هذا بس من ذوقك